ವೈಟ್‌ ಫೀಲ್ಡ್‌ ಕಲಾ ಸ್ವರ್ಗ 

Team Udayavani, Mar 9, 2019, 2:42 AM IST

ವಿ ಆರ್‌ ಬೆಂಗಳೂರು’ ವತಿಯಿಂದ “ವೈಟ್‌ಫೀಲ್ಡ್‌ ಆರ್ಟ್‌ ಕಲೆಕ್ಟಿವ್‌’ಎಂಬ ವಾರ್ಷಿಕ ಕಲಾ ಉತ್ಸವ ನಡೆಯುತ್ತಿದೆ. ಫೆ.21ರಂದು ಉದ್ಘಾಟನೆಗೊಂಡ ಈ ಉತ್ಸವದಲ್ಲಿ, ಖ್ಯಾತ ಕಲಾವಿದರಾದ ಬೋಸ್‌ ಕೃಷ್ಣಮಾಚಾರಿ, ಯೂಸುಫ್ ಅರಕ್ಕಲ್‌, ಗೋಗಿ ಸರೋಜ್‌ಪಾಲ್‌, ಫ‌ರ್ಹಾದ್‌ ಹುಸೇನ್‌, ವಿಕಾಸ್‌, ಮುರಳಿ ಚೀರೋತ್‌, ಎಸ್‌.ಜಿ. ವಾಸುದೇವ್‌, ಎಸ್‌. ಹರ್ಷವರ್ಧನ ಅವರ ಕುಂಚದಿಂದ ಮೂಡಿರುವ ಚಿತ್ರಗಳು ಹಾಗೂ ಎಂ.ಎಫ್. ಹುಸೇನ್‌ ಹಾಗೋ ಜೋಗನ್‌ ಚೌಧರಿ ಅವರ ಸಹಿ ಇರುವ ಪ್ರಿಂಟ್‌ಗಳು ಪ್ರದರ್ಶನದಲ್ಲಿವೆ.

ಖ್ಯಾತ ಕಲಾವಿದರು ಮತ್ತು ಕಲಾಸಂಸ್ಥೆಗಳು ಕ್ಯುರೇಟ್‌ ಮಾಡಿರುವ ನೂರಕ್ಕೂ ಹೆಚ್ಚು ಇನ್‌ ಸ್ಟಲೇಷನ್‌ ಮತ್ತು ಫೈನ್‌ ಆರ್ಟ್ಸ್ ಕೃತಿಗಳು ಇವೆ. ಕರ್ನಾಟಕ ಚಿತ್ರಕಲಾ ಪರಿಷತ್‌, ಚೋಳಮಂಡಲ್‌ ಆರ್ಟಿಸ್ಟ್‌ ವಿಲೇಜ್‌, ಪಾಂಡಿಚೆರಿ, ಕುಂಭಕೋಣಂ ಮತ್ತು ಚೆನ್ನೈನ ಸರ್ಕಾರಿ ಫೈನ್‌ ಆರ್ಟ್‌ ಕಾಲೇಜುಗಳು ಕಲೋತ್ಸವಕ್ಕೆ ಸಹಕಾರ ನೀಡಿವೆ. ಮಾ.21ರವರೆಗೆ ನಡೆಯುವ ಈ ಕಲೋತ್ಸವದಲ್ಲಿ, ಆರ್ಟ್‌ ಪಾಪ್‌ ಅಪ್ಸ್‌, ಮಕ್ಕಳಿಗೆ ಚಿತ್ರಕಲಾ ಸ್ಪರ್ಧೆ, ಬೆಂಗಳೂರನ್ನು ಕೇಂದ್ರೀಕರಿಸಿ ಆನ್‌ಲೈನ್‌ ಫೋಟೋಗ್ರಫಿ ಸ್ಪರ್ಧೆ ಮತ್ತು ಕಲೆಗೆ ಸಂಬಂಧಿಸಿದ ಸಿನಿಮಾ ಪ್ರದರ್ಶನ ಆಯೋಜಿಸಲಾಗಿದೆ.

ಎಲ್ಲಿ?
ವಿಆರ್‌ ಬೆಂಗಳೂರು, ವೈಟ್‌ಫೀಲ್ಡ್‌ ಮುಖ್ಯರಸ್ತೆ, ಮಹದೇವಪುರ  ಯಾವಾಗ? ಮಾ. 21ರವರೆಗೆ ಬೆಳಗ್ಗೆ 10-7