ಕರುಣಾಶ್ರಯದಲ್ಲಿ ಬೈಕರ್ಸ್ ಹಬ್ಬ

Team Udayavani, Nov 30, 2019, 6:01 AM IST

ಬೈಕರ್‌ಗಳು ಸದಾ ಸುತ್ತಾಡುವ ಯೋಚನೆಯಲ್ಲೇ ಇರುತ್ತಾರೆ. ಮೋಜು-ಮಸ್ತಿಗೇ ಹೆಚ್ಚು ಪ್ರಾಶಸ್ತ್ಯ ಕೊಡುತ್ತಾರೆ ಎಂಬ ಭಾವನೆ ಹಲವರಲ್ಲಿ ಇರಬಹುದು. ಆದರೆ, ಊರೂರು ಸುತ್ತುತ್ತಲೇ ನಾವು ಸಮಾಜದ ನೋವಿಗೆ ಮಿಡಿಯುತ್ತೇವೆ ಅನ್ನುತ್ತಿದೆ “ಬ್ರೋಸ್‌ ಆನ್‌ ವೀಲ್ಸ್‌’ ಬೈಕರ್ ತಂಡ. ಬೆಂಗಳೂರಿನ ಸುಜಿತ್‌ ಕುಮಾರ್‌ ನೇತೃತ್ವದ ಈ ತಂಡ, ಕ್ಯಾನ್ಸರ್‌ ರೋಗಿಗಳ ಬದುಕಲ್ಲಿ ಬೆಳಕು ಚೆಲ್ಲಲು ಮುಂದಾಗಿದೆ.

“ನೋ ಶೇವ್‌ ನವೆಂಬರ್‌ ಹೆಸರಿನಲ್ಲಿ ಕ್ಯಾನ್ಸರ್‌ ರೋಗಿಗಳಿಗಾಗಿ ದೇಣಿಗೆ ಸಂಗ್ರಹಿಸಿರುವ ಬೈಕರ್‌ಗಳು, ಈಗ ಕರುಣಾಶ್ರಯ ಕ್ಯಾನ್ಸರ್‌ ಸೆಂಟರ್‌ನಲ್ಲಿ ಅದ್ಧೂರಿ ಕಾರ್ಯಕ್ರಮವೊಂದನ್ನು ಆಯೋಜಿಸಿದ್ದಾರೆ. ಕಾಲೇಜು ಫೆಸ್ಟ್‌ ಮಾದರಿಯ ಈ ಕಾರ್ಯಕ್ರಮದಲ್ಲಿ, ರೋಗಿಗಳ ಮನರಂಜಿಸುವ, ಅವರಲ್ಲಿ ಸ್ಫೂರ್ತಿ ತುಂಬುವ ಅನೇಕ ಚಟುವಟಿಕೆಗಳು ನಡೆಯಲಿವೆ.

ಎಲ್ಲಿ?: ಕರುಣಾಶ್ರಯ ಕ್ಯಾನ್ಸರ್‌ ಕೇರ್‌ ಸೆಂಟರ್‌
ಯಾವಾಗ?: ನ.30, ಶನಿವಾರ ಮಧ್ಯಾಹ್ನ 3.30