ಚಿಣ್ಣರ ನಾಟಕಗಳ “ಚಿನಕುರಳಿ’

Team Udayavani, Oct 28, 2017, 11:45 AM IST

ಈ ವಾರಾಂತ್ಯ ಮಕ್ಕಳಿಗೆ ಮಸ್ತ್ ನಾಟಕಗಳ ರಸದೌತಣ. ಇದು ಮನೆಯಲ್ಲೇ ಟಿವಿ ನೋಡುತ್ತಾ ಕುಳಿತರೆ ಸಿಗುವ ಮನರಂಜನೆ ಅಲ್ಲ. ಸೀದಾ ವಿಜಯನಗರ “ಬಿಂಬ’ಕ್ಕೆ ಹೋದರೆ, ಅಲ್ಲಿನ “ಚಿನಕುರಳಿ’ ಮಕ್ಕಳ ಕಿರುನಾಟಕೋತ್ಸವ ಪ್ರೇಕ್ಷಕರನ್ನು ರಂಜಿಸಲಿವೆ.

ಅಕ್ಟೋಬರ್‌ 28ರ ಶನಿವಾರ ಸಂಜೆ 6ಕ್ಕೆ 3 ನಾಟಕಗಳ ಪ್ರದರ್ಶನ ಕಾಣಲಿವೆ. ದಿಶಾ ನಿರ್ದೇಶನದ “ದೊಡ್ಡವರ ದಾರಿ’, ಮಾನ್ವಿ ನಿರ್ದೇಶನದ “ಅಣ್ಣ ತಂಗಿ ಕಳ್ಳ’ ಮತ್ತು ತೇಜಸ್‌ ಟಿ. ನಿರ್ದೇಶನದ “ಮಾಟಗಾತಿ’ ಪ್ರದರ್ಶನವಿರಲಿದೆ.

ಭಾನುವಾರದಂದು ಒಟ್ಟು 5 ನಾಟಕಗಳು ಮೂಡಿಬರಲಿವೆ. ಬೆ.10.30ಕ್ಕೆ ವೈಭವ್‌ ನಿರ್ದೇಶನದ ಲೋ ರಾಜು, ಶ್ರೇಯಾ ದಿಕ್ಷಿತ್‌ ನಿರ್ದೇಶನದ “ಕಲೆ ಬಲೆ’, ಅಭಿರಾಮ್‌ ನಿರ್ದೇಶನದ “ಅಲ್ಲಲ್ಲೇ ಇರಿ ಪ್ಲೀಸ್‌’ ನಾಟಕವನ್ನು ಮಕ್ಕಳು ಆಡಿತೋರಿಸಲಿದ್ದಾರೆ. ಸಂಜೆ 6ಕ್ಕೆ ಸ್ಕಂದ ಎಚ್‌.ಪಿ. ನಿರ್ದೇಶನದ “ಟಾವ್‌ ಟಾವ್‌ ಕಾಡು’, ತನ್ಮಯ್‌ ನಿರ್ದೇಶನದ “ಬುದ್ಧಿಮಾಯಣ’ ಪ್ರದರ್ಶನ ಕಾಣಲಿದೆ.

ಯಾವಾಗ?: ಅ.28, 29
ಎಲ್ಲಿ?: ವಿಜಯನಗರ ಬಿಂಬ, 6ನೇ ಅಡ್ಡರಸ್ತೆ, ಹಂಪಿನಗರ
ಸಂಪರ್ಕ: 23300967