ರಾವಣ್ಸ್ ಕಿಚನ್‌ಗೆ ಊಟಕ್ಕೆ ಬನ್ನಿ  

Team Udayavani, Nov 11, 2017, 12:09 PM IST

ಇಂಡಿಯನ್‌, ಇಟಾಲಿಯನ್‌, ಚೈನೀಸ್‌, ಮೆಕ್ಸಿಕೋ ಖಾದ್ಯಗಳನ್ನು ಸವಿದಿದ್ದೀರ. ಆದ್ರೆ, ಯಾವತ್ತಾದ್ರೂ ಶ್ರೀಲಂಕಾದ ಅಡುಗೆಯ ರುಚಿ ನೋಡಿದ್ದೀರಾ? ಇಲ್ಲವಾದರೆ, “ರಾವಣ್ಸ್ ಕಿಚನ್‌’ಗೆ ಬನ್ನಿ.  ತೆಂಗು, ಹಲಸು ಹಾಗೂ ಸೀ ಫ‌ುಡ್‌ಗಳನ್ನು ಬಳಸಿಕೊಂಡು ಬಾಯಲ್ಲಿ ನೀರೂರಿಸುವಂತೆ ಅಡುಗೆ ಮಾಡುವುದರಲ್ಲಿ ಸಿಂಹಳರದ್ದು ಎತ್ತಿದ ಕೈ.

ಶ್ರೀಲಂಕಾದ ತರಹೇವಾರಿ ಖಾದ್ಯಗಳ ಆಹಾರ ಮೇಳ “ರಾವಣ್ಸ್ ಕಿಚನ್‌’ನ 2ನೇ ಆವೃತ್ತಿ ಈಗಾಗಲೇ ಆರಂಭವಾಗಿದ್ದು, ಇನ್ನೂ 15 ದಿನಗಳವರೆಗೆ ತೆರೆದಿರುತ್ತದೆ. ಆಹಾರ ಮೇಳದಲ್ಲಿ ಶ್ರೀಲಂಕಾದ ಪುರಾತನ ಮತ್ತು ಆಧುನಿಕ ಖಾದ್ಯಗಳು ಲಭ್ಯವಿವೆ. ಚಿಕನ್‌ ಕರಿ, ಶ್ರೀಲಂಕಾದ ರಾ ಮ್ಯಾಂಗೋ ಫಿಶ್‌, ಪ್ರಾನ್ಸ್‌ ಕರಿ, ಕೊಲಂಬೊ ಸ್ಕಿಡ್‌, ಗ್ರಿಲ್ಡ್‌ ರಾ ಜ್ಯಾಕ್‌ಫ್ರುಟ್‌, ಮಶ್ರೂಮ್‌ ಕೊಕಿಸ್‌ ಮುಂತಾದವುಗಳನ್ನು ನೀವು ಒಮ್ಮೆಯಾದರೂ ಸವಿಯಲೇಬೇಕು. 

ಎಲ್ಲಿ?: ಬೊನ್‌ಸೌತ್‌, 131, 1ನೇ ಕ್ರಾಸ್‌, ಕೋರಮಂಗಲ 5ನೇ ಬ್ಲಾಕ್‌, ಜ್ಯೋತಿನಿವಾಸ್‌ ಕಾಲೇಜು ರಸ್ತೆ
ಯಾವಾಗ?: ನ.10-26ರವರೆಗೆ, ಮ.12-3.30, ಸಂಜೆ 7-11
ಸಂಪರ್ಕ: 080-25526363