ನಾಯಿಮರಿ, ಬೆಕ್ಕುಮರಿ ನಿಮಗೆ ಬೇಕೆ?

Team Udayavani, Jan 27, 2018, 11:23 AM IST

“ಅಮ್ಮಾ, ನಾವೂ ಒಂದು ನಾಯಿ ಸಾಕೋಣಾ ಅಂತ ಮಕ್ಕಳು ಹಠ ಹಿಡಿದಿದ್ದಾರಾ? ಬೆಳಗ್ಗೆ- ಸಂಜೆಯ ವಾಕಿಂಗ್‌ಗೆ ಒಬ್ಬ ಪಾರ್ಟ್‌ನರ್‌ ಬೇಕು ಅಂತ ಅನ್ನಿಸ್ತಿದೆಯಾ ಅಥವಾ ಮನೆ ತುಂಬಾ ಓಡಾಡಿ, ಸೋಫಾ ಮೇಲೆ ಹತ್ತಿ ಕುಣಿಯುವ ತುಂಟನೊಬ್ಬ ಮನೆಯಲ್ಲಿರಲಿ ಅಂತ ಆಸೆಯಾಗ್ತಿದ್ಯಾ..? ಹಾಗಾದ್ರೆ ನೀವಿಲ್ಲಿಗೆ ಬರಲೇಬೇಕು.

ನಗರದಲ್ಲಿ “ಪೆಟ್‌ ಅಡಾಪ್ಶನ್‌ ಡ್ರೈವ್‌’ ನಡೆಯುತ್ತಿದ್ದು, 50ಕ್ಕೂ ಹೆಚ್ಚು ಅನಾಥ ನಾಯಿ ಹಾಗೂ ಬೆಕ್ಕಿನ ಮರಿಗಳು ದತ್ತು ತೆಗೆದುಕೊಳ್ಳಲು ಲಭ್ಯವಿದೆ. ಪೆಡಿಗ್ರಿ, ಬೆಂಗಳೂರು ಆಪ್ಟ್$Õ ಮತ್ತು ಮೆಟ್ರೋ ಕ್ಯಾಶ್‌ ಆ್ಯಂಡ್‌ ಕ್ಯಾರಿ ಸಂಯುಕ್ತಾಶ್ರಯದಲ್ಲಿ ಈ ಅಡಾಪ್ಶನ್‌ ಡ್ರೈವ್‌ ನಡೆಯುತ್ತಿದೆ. ಮುದ್ದು ಮುದ್ದಾದ, ಸ್ಪಾಂಜಿನ ಮೈಯ, ನಾಲ್ಕು ಕಾಲಿನ ಗೆಳೆಯನನ್ನು ಮನೆಗೊಯ್ಯಲು ಇಲ್ಲಿಗೆ ಬನ್ನಿ. 

ಎಲ್ಲಿ?: ಮೆಟ್ರೋ ಕ್ಯಾಶ್‌ ಆ್ಯಂಡ್‌ ಕ್ಯಾರಿ ಪ್ರೈ.ಲಿ. ಯಶವಂತಪುರ
ಯಾವಾಗ?: ಜ. 27-28, ಶನಿ- ಭಾನುವಾರ ಬೆಳಗ್ಗೆ 11-6