ಹೋಮಿಯೋಪತಿ ಡಾಕ್ಟರ್‌ ತಟ್ಟೀರಭದ್ರ

Team Udayavani, Nov 10, 2018, 3:16 PM IST

ಪ್ರತಿಯೊಬ್ಬರೂ ಒಂದೊಂದು ರೀತಿಯ ಹವ್ಯಾಸವನ್ನು ಒಡಮೂಡಿಸಿಕೊಂಡಿರುತ್ತಾರೆ. ಹವ್ಯಾಸಗಳು ನಮ್ಮನ್ನು ಬದುಕಿಗೆ ಹತ್ತಿರವಾಗಿಸುತ್ತವೆ. ಎಲ್ಲ ಜಂಜಡಗಳನ್ನೂ ಮರೆಸುತ್ತವೆ. ಎಷ್ಟೋ ಬಾರಿ ನಾವು ಆರಿಸಿಕೊಳ್ಳುವ ಹವ್ಯಾಸ ವೃತ್ತಿಗೆ ವ್ಯತಿರಿಕ್ತವಾಗಿರುತ್ತವೆ. ಈ ಮಾತಿಗೆ ಪೂರಕವೆಂಬಂತೆ ಹೋಮಿಯೋಪತಿ ವೈದ್ಯರಾದ ಡಾ. ಶ್ರೀಪಾದ್‌ ಹೆಗಡೆಯವರಿದ್ದಾರೆ. ಅವರ ಹವ್ಯಾಸ ಯಕ್ಷಗಾನ. ಆಗಿನ ಕಾಲದ ಪ್ರಸಿದ್ಧ ಯಕ್ಷಗಾನ ಕಲಾವಿದರಾದ ಕೆರೆಮನೆ ಶಂಭು ಹೆಗಡೆ, ಮಹಾಬಲ ಹೆಗಡೆ, ಚಿಟ್ಟಾಣಿ ರಾಮಚಂದ್ರ ಹೆಗಡೆ ಇಂತಹ ಮಹೋನ್ನತ ಕಲಾವಿದರೇ ಇವರಿಗೆ ಸ್ಫೂರ್ತಿ. 
ಯಕ್ಷಗಾನದಲ್ಲಿ ಅಪರೂಪವೆನಿಸಿದ, ತೆರೆಯ ಮರೆಯ ಪಾತ್ರವಾದ ತಟ್ಟಿ àರಭದ್ರನ ವೇಷ ಧರಿಸಿ ನಿಂತರೆಂದರೆ ಒಂದು ಕ್ಷಣ ಎಲ್ಲರೂ ಚಕಿತರಾಗಬೇಕು. ತಟ್ಟೀರಭದ್ರನ ಅಬ್ಬರದ ಪ್ರವೇಶ ಆರ್ಭಟದೊಂದಿಗೆ ಸಭೆಯ ಮಧ್ಯೆ ನಡೆದು ಬರುವಾಗ ದೊಂದಿ ಬೀಸುತ್ತ ಪ್ರವೇಶಿಸುವ ವೈಖರಿಗೆ ಬೆರಗಾಗಲೇಬೇಕು. ರೌದ್ರ ಮುಖವರ್ಣಿಕೆ, ಆರ್ಭಟ ಬೆರಗುಗೊಳಿಸುವ ವೇಷಭೂಷಣಗಳಿಂದ ಗಮನ ಸೆಳೆಯುವ ಶ್ರೀಪಾದರವರು ಅನೇಕ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಬೆಂಗಳೂರಿನಲ್ಲಿ ಭಿಝಿ ಕೆಲಸಗಳ ನಡುವೆ ತಮ್ಮ ಹವ್ಯಾಸದ ಮೂಲಕ ತಮ್ಮೂರನ್ನು ಜೀವಂತವಿಟ್ಟಿರುವವರು ಅನೇಕರು ನಮ್ಮ ನಡುವೆಯಿದ್ದಾರೆ. 
ಸಂಪರ್ಕ: 9448018654

 ಬಳಕೂರು ವಿ.ಎಸ್‌.ನಾಯಕ