ಭಾರತ- ಪಾಕ್‌ ಪಂದ್ಯ: ಮನೇಲೆ ಕುಳಿತು ಶಿಳ್ಳೆ ಹಾಕಿ… 

Team Udayavani, Jun 3, 2017, 4:50 PM IST

ವೀಕೆಂಡಿನಲ್ಲಿ ಥಿಯೇಟರ್‌ಗೆ ಹೋಗಿ ಸಿನಿಮಾ ನೋಡುತ್ತಾ, ಶಿಳ್ಳೆ ಹೊಡೆಯೋದು ಇದ್ದಿದ್ದೇ. ಆದರೆ, ಈ ಭಾನುವಾರ ಮನೆಯಲ್ಲಿಯೇ ಕುಳಿತು ಶಿಳ್ಳೆ- ಚಪ್ಪಾಳೆ ಹೊಡೆಯಲು ಒಂದು ಚಾನ್ಸ್‌ ಸಿಕ್ಕಿದೆ. ಯಾಕೆಂದ್ರೆ, ಭಾರತ ಮತ್ತು ಪಾಕಿಸ್ತಾನ ನಡುವಿನ ಕ್ರಿಕೆಟ್‌ ಪಂದ್ಯ ಇರೋದು ಇದೇ ಭಾನುವಾರವೇ! ಅಂದ್ರೆ, ನಾಳೆಯೇ!

ಯೆಸ್‌… ಇಂಗ್ಲೆಂಡಿನಲ್ಲಿ ಈಗಾಗಲೇ ಚಾಂಪಿಯನ್ಸ್‌ ಟ್ರೋಫಿ ಅದ್ಧೂರಿಯಾಗಿ ಆರಂಭಗೊಂಡಿದೆ. ಭಾರತ ತನ್ನ ಮೊದಲನೇ ಪಂದ್ಯವನ್ನು ತನ್ನ ಸಾಂಪ್ರದಾಯಿಕ ಎದುರಾಳಿ ಪಾಕ್‌ ಜತೆ ಆಡಲಿದೆ. ಇವೆರಡೂ ದೇಶಗಳ ನಡುವೆ ಸರಣಿಗಳು ನಡೆಯುತ್ತದೋ ಇಲ್ಲವೋ… ಆದರೆ ಜಾಗತಿಕ ಟೂರ್ನಿಯಲ್ಲಿ ಕ್ರಿಕೆಟ್‌ಪ್ರಿಯರಿಗೆ ಈ ದೇಶಗಳ ಆಟಗಾರರ ಪಂದ್ಯ ವೀಕ್ಷಣೆ ಭಾಗ್ಯ ಆಗಾಗ್ಗೆ ಸಿಗುತ್ತಲೇ ಇರುತ್ತದೆ. 2016ರ ಮಾರ್ಚ್‌ನಲ್ಲಿ ವಿಶ್ವ ಟಿ20 ಕ್ರಿಕೆಟ್‌ ಟೂರ್ನಿಯ ನಂತರ ಭಾರತ- ಪಾಕ್‌ ಮುಖಾಮುಖೀ ಆಗಿರಲಿಲ್ಲ. ಒಂದು ವರುಷದ ನಂತರ ನಡೆಯುತ್ತಿರುವ ಹೈವೋಲ್ಟೆàಜ್‌ ಪಂದ್ಯ ಇದಾಗಿದೆ.

ಹಾಗಾಗಿ, ಭಾನುವಾರ ಬೆಳಗ್ಗೆಯೇ ಎಲ್ಲ ಕೆಲಸವನ್ನು ಮುಗಿಸ್ಕೊಂಡು, ಟಿವಿ ಮುಂದೆ ಕೂತುಬಿಡಿ…

ಪಂದ್ಯ ಆರಂಭ: ಜೂನ್‌ 4, ಮಧ್ಯಾಹ್ನ 3
ಚಾನೆಲ್‌: ಸ್ಟಾರ್‌ ಸ್ಫೋರ್ಟ್ಸ್