ಭರ್ಜರಿ ಬಿರಿಯಾನಿ ಹಬ್ಬ!

Team Udayavani, May 12, 2018, 4:46 PM IST

ಬಿರಿಯಾನಿ ಪ್ರಿಯರಿಗೆ ಬಾಯಲ್ಲಿ ನೀರೂರಿಸುವ ಹಬ್ಬವೊಂದು ನಗರದಲ್ಲಿ ನಡೆಯುತ್ತಿದೆ. ಯಾವ ಹಬ್ಬ ಅಂತ ಯೋಚಿಸುತ್ತಿದ್ದೀರಾ? ಹಾಗಿದ್ದರೆ ನೀವು ಬಿರಿಯಾನಿ ಪ್ರಿಯರೇ ಆಗಿರಬೇಕು. ನಗರದಲ್ಲಿ “ಬಿರಿಯಾನಿ ಹಬ್ಬ’ ನಡೆಯುತ್ತಿದೆ. ಭಾರತ ವಿವಿಧ ಪ್ರದೇಶಗಳಲ್ಲಿ ತಯಾರಿಸಲ್ಪಡುವ ಬಗೆ ಬಗೆಯ ರುಚಿ, ಸ್ವಾದಗಳ ಬಿರಿಯಾನಿಯನ್ನು ಒಂದೇ ಸೂರಿನ ಕೆಳಗೆ ಬಿರಿಯಾನಿ ಪ್ರಿಯರು ಸವಿಯಬಹುದು. ಇಲ್ಲಿನ ಬಿರಿಯಾನಿ ಮೆನುವನ್ನು ನೋಡಿದರೆ ಬಿರಿಯಾನಿಪ್ರಿಯರು ಸಂತಸಗೊಳ್ಳುವುದು ಖಚಿತ. ಮುಘಲ್‌, ಹೈದರಾಬಾದಿ, ಲಕ್ನವೀ, ಭಟ್ಕಲಿ, ತಾಹಿರಿ, ಅಂಬೂರ್‌, ಬಾಂಬೆ, ಮಲಬಾರ್‌ ಶೈಲಿಯ ಬಿರಿಯಾನಿಗಳು ಇಲ್ಲಿ ಸಿಗಲಿವೆ. ಅಂದ ಹಾಗೆ ಸಸ್ಯಾಹಾರಿಗಳು ಇಲ್ಲಿಗೆ ಭೇಟಿ ನೀಡಬಹುದು. ಅವರಿಗಾಗಿ ಸ್ವಾದಿಷ್ಟಕರ ವೆಜಿಟೆಬಲ್‌ ಬಿರಿಯಾನಿ ಇಲ್ಲಿ ಕಾದಿದೆ. 

ಎಲ್ಲಿ?: ಇನಾರ್ಬಿಟ್‌ ಮಾಲ್‌, ವೈಟ್‌ಫೀಲ್ಡ್‌
ಯಾವಾಗ?: ಮೇ 12- 13