ಮನೆಗೆ ಬರುತ್ತಿದ್ದಾಳೆ ಮುದ್ದುಲಕ್ಷ್ಮೀ

Team Udayavani, Jan 20, 2018, 3:35 PM IST

ಗುಣಕ್ಕಿಂತ ಸೌಂದರ್ಯಕ್ಕೆ ಬೆಲೆ ಕೊಡುವ ಈ ಕಾಲದಲ್ಲಿ, ಬೆಳ್ಳಗಾಗಲು ಯುವಪೀಳಿಗೆ ಏನೆಲ್ಲಾ ಕಸರತ್ತು ನಡೆಸುತ್ತಿದೆ. ಇಂಥವರ ನಡುವೆ ತನ್ನ ಬಣ್ಣವನ್ನು ಹೆಮ್ಮೆಯಿಂದ ಸ್ವೀಕರಿಸಿರುವ ಕೃಷ್ಣಸುಂದರಿಯೊಬ್ಬಳ ಕುರಿತಾದ ಹೊಸ ಧಾರಾವಾಹಿ “ಮುದ್ದುಲಕ್ಷ್ಮೀ’ ತೆರೆ ಕಾಣುತ್ತಿದೆ. ಈ ಧಾರಾವಾಹಿಯ ನಾಯಕಿಯೇ ಮುದ್ದುಲಕ್ಷ್ಮೀ.

ಚಿಕ್ಕ ವಯಸ್ಸಿನಲ್ಲೇ ತಾಯಿಯನ್ನು ಕಳೆದುಕೊಂಡು ಮಲತಾಯಿ ಮತ್ತು ಮಲತಂಗಿಯರ ನಡುವೆ ಬೆಳೆಯುತ್ತಿರುವ ಮುದ್ದುಲಕ್ಷ್ಮೀ ಬದುಕಿನ ಸಂಕಷ್ಟಗಳನ್ನು ಮೀರುವ ಕಥೆ ಧಾರಾವಾಹಿಯದ್ದು. ಸಾಮಾಜಿಕ ಸಂಘರ್ಷದ ಕುರಿತು ಬೆಳಕು ಚೆಲ್ಲುವ ಮುದ್ದುಲಕ್ಷ್ಮೀ ಪಾತ್ರದಲ್ಲಿ ಅಶ್ವಿ‌ನಿ ನಟಿಸುತ್ತಿದ್ದಾರೆ. ಉಳಿದಂತೆ ವಾಣಿಶ್ರೀ, ಮೈಕೋ ಶಿವು, ಅನು ಪೂವಮ್ಮ ಮುಂತಾದವರು ಅಭಿನಯಿಸುತ್ತಿದ್ದಾರೆ. ಧರಣಿ ಜಿ. ರಮೇಶ್‌ ಅವರು ಧಾರಾವಹಿಯ ನಿರ್ದೇಶಕರು.

ಚಾನೆಲ್‌: ಸ್ಟಾರ್‌ ಸುವರ್ಣ
ಯಾವಾಗ?: ಜನವರಿ 22 ರಿಂದ, ಪ್ರತಿ ಸೋಮ- ಶನಿ, ಸಂಜೆ 7.30