ಸಪ್ನದಲ್ಲಿ ರಸಪ್ರಶ್ನೆ, ಸಂವಾದ

Team Udayavani, Nov 11, 2017, 11:33 AM IST

ದೇಶದ ಅತಿದೊಡ್ಡ ಪುಸ್ತಕ ಭಂಡಾರ ಎಂಬ ಹೆಗ್ಗಳಿಕೆಯ ಸಪ್ನ ಬುಕ್‌ ಹೌಸ್‌, ರಾಜ್ಯೋತ್ಸವದ ಅಂಗವಾಗಿ ತಿಂಗಳಿಡೀ ರಿಯಾಯಿತಿ ದರದಲ್ಲಿ ಕನ್ನಡ ಪುಸ್ತಕಗಳನ್ನು ಮಾರಾಟ ಮಾಡುತ್ತಿದೆ. ನ.1ರಿಂದ ಆರಂಭವಾಗಿರುವ ಈ ರಿಯಾಯಿತಿ ಮಾರಾಟ ನ.30ರವರೆಗೂ ಇರುತ್ತದೆ.

ರಾಜ್ಯೋತ್ಸವ ಮಾಸದ ಸಂಭ್ರಮವನ್ನು ವಿಭಿನ್ನವಾಗಿ ಆಚರಿಸುವ ಉದ್ದೇಶದಿಂದ ಮಕ್ಕಳೊಡನೆ ರಸಪ್ರಶ್ನೆ ಹಾಗೂ ಸಂವಾದ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಲೇಖಕಿ ಹಾಗೂ ಇನ್ಫೋಸಿಸ್‌ ಪ್ರತಿಷ್ಠಾನದ ಅಧ್ಯಕ್ಷೆ ಸುಧಾಮೂರ್ತಿ ಕಾರ್ಯಕ್ರಮದ ಮುಖ್ಯಅತಿಥಿಯಾಗಿ ಪಾಲ್ಗೊಳ್ಳುತ್ತಾರೆ. ರಸಪ್ರಶ್ನೆಯಲ್ಲಿ ವಿಜೇತರಾದ ಮಕ್ಕಳಿಗೆ ಪುಸ್ತಕಗಳನ್ನು ಬಹುಮಾನವಾಗಿ ನೀಡಲಾಗುವುದು.

ಕನ್ನಡ ಪುಸ್ತಕಗಳಿಗೆ ಶೇ.10ರಿಂದ 15 ರಿಯಾಯಿತಿ, 200 ರೂ.ಗೂ ಮೇಲ್ಪಟ್ಟು ಕನ್ನಡ ಪುಸ್ತಕ ಖರೀದಿಸಿದರೆ ವರ್ಷ ಪೂರ್ತಿ ಶೇ.10 ರಿಯಾಯಿತಿ ಪಡೆಯಬಹುದಾದ ಸದಸ್ಯತ್ವದ ಕಾರ್ಡ್‌ ಹಾಗೂ 500 ರೂ.ಗೂ ಕನ್ನಡ ಪುಸ್ತಕಗಳ ಖರೀದಿಗೆ ಗಿಫ್ಟ್ ವೋಚರ್‌ ಅನ್ನು ಉಡುಗೊರೆಯಾಗಿ ನೀಡಲಾಗುವುದು ಎಂದು ಸಪ್ನ ಬುಕ್‌ಹೌಸ್‌ನ ಪ್ರಕಟಣೆ ತಿಳಿಸಿದೆ. ಮಾಹಿತಿಗೆ, 080-40114455 ಸಂಪರ್ಕಿಸಿ.

ಎಲ್ಲಿ?: ಸಪ್ನ ಬುಕ್‌ಹೌಸ್‌, ಗಾಂಧಿನಗರ
ಯಾವಾಗ?: ನ.11, ಶನಿವಾರ ಬೆ.11