ರೆಡಿ ಪೆಟ್‌ ಗೋ…ನಾಯಿ ಜೊತೆಗೆ ಚಾರಣ

Team Udayavani, Sep 29, 2018, 2:33 PM IST

ಬೆಂಗಳೂರಿನಲ್ಲಿ ಗೂಡೊಂದು ಹೊಸದಾಗಿ ತೆರೆಯುತ್ತಿದೆ. “ಪೆಟ್‌ಕಾರ್ಟ್‌ ನೆಸ್ಟ್‌’ ಎಂಬುದು ಇದರ ಹೆಸರು. ರೆಸ್ಟ್‌
ತೆಗೆದುಕೊಳ್ಳೋಕೆ, ವಿಶಾಲವಾದ ಸ್ವಿಮ್ಮಿಂಗ್‌ಪೂಲ್‌ನಲ್ಲಿ ಈಜಾಡೋಕೆ ಈ ನೆಸ್ಟ್‌ ಹೇಳಿಮಾಡಿಸಿದ ಜಾಗ. ಇಷ್ಟು ಬೇಗ ಈ ಗೂಡಿನಲ್ಲಿ ವಿರಾಮ ತೆಗೆದುಕೊಳ್ಳೋ ಪ್ಲ್ರಾನ್‌ ಮಾಡಿಬಿಡಬೇಡಿ. ಏಕೆಂದರೆ ಇದು ಸಾಕುಪ್ರಾಣಿಗಳಿಗೋ ಸ್ಕರವೇ ಕಟ್ಟಿರುವ ರೆಸಾರ್ಟ್‌!

ಎರಡು ಎಕರೆ ಪ್ರದೇಶದಲ್ಲಿ ವ್ಯಾಪಿಸಿರುವ ಈ ರೆಸಾರ್ಟ್‌,ಹಸಿರು ಅಂಗಳ ಹೊಂದಿದೆ. ಹೆಸರಾಂತ ಪಶುತಜ್ಞರ ಸಲಹೆ,
ಮಾರ್ಗದರ್ಶನ, ಶ್ವಾನ ಪಾಲಕರ ಸಲಹೆಗಳನ್ನು ಅಧ್ಯಯನಕ್ಕೊಳಪಡಿಸಿ ಈ ರೆಸಾರ್ಟ್‌ಅನ್ನು ವಿನ್ಯಾಸ ಗೊಳಿ ಸಲಾಗಿದೆ.

ಪೆಟ್‌ಕಾರ್ಟ್‌ ನೆಸ್ಟ್‌ ವಿಶೇಷ ಹಾಗೂ ಸುಸಜ್ಜಿತ ರೆಸಾರ್ಟ್‌ ಆಗಿದೆ. ಇಲ್ಲಿ ಶ್ವಾನಪಾಲಕರು ತಮ್ಮ ಪ್ರೀತಿಪಾತ್ರ ಶ್ವಾನಗಳ ಜೊತೆಗೆ ಕಳೆದು ಹಗುರಾಗಬಹುದು. ಶ್ವಾನಗಳ ಜೊತೆಗೆ ಚಾರಣಕ್ಕೆ ತೆರಳುವುದು, ರಾತ್ರಿ ಟೆಂಟ್‌ನಲ್ಲಿ ಕಳೆಯುವುದು ಮುಂತಾದ ಅಡ್ವೆಂಚರಸ್‌ ಕಾರ್ಯಕ್ರಮಗಳನ್ನು ಶ್ವಾನಪಾಲಕರು ಇಲ್ಲಿ ರೂಪಿಸಿಕೊಳ್ಳಬಹುದು.

ಎಲ್ಲಿ?: ಪೆಟ್‌ ಕಾರ್ಟ್‌ ನೆಸ್ಟ್‌, ವಿ.ಕಲ್ಲಹಳ್ಳಿ