“ಶ್ರೀರಾಮ ಷಷ್ಟಕ’ ಯಕ್ಷಗಾನ ಸರಣಿ

Team Udayavani, Oct 28, 2017, 11:44 AM IST

ಮಲ್ಪೆ ವಾಸುದೇವ ಸಾಮಗರ ನೇತೃತ್ವದ “ಸಂಯಮಂ ತಿರುಗಾಟ-2017′ ವತಿಯಿಂದ “ಶ್ರೀರಾಮ ಷಷ್ಟಕ’ ಎಂಬ ತಾಳಮದ್ದಲೆ ಸರಣಿ ನಡೆಯಲಿದೆ. ಈ ಸರಣಿ ಬೆಂಗಳೂರು ತಾಳಮದ್ದಲೆ ಮಿತ್ರಬಳಗ ಹಾಗೂ ಬೆಂಗಳೂರಿನ ಯಕ್ಷಾಭಿಮಾನಿಗಳು ಪ್ರಾಯೋಜಕತ್ವದಲ್ಲಿ ಜರುಗುತ್ತಿದೆ.

ಸರಣಿಯ ಉದ್ಘಾಟನೆ ಬಸವನಗುಡಿಯ ಉದಯಭಾನು ಕಲಾಸಂಘದಲ್ಲಿ ಭಾನುವಾರ ಸಂಜೆ 5.30ಕ್ಕೆ ನಡೆಯಲಿದ್ದು, ಅದೇ ವೇದಿಕೆಯಲ್ಲಿ ಶ್ರೀರಾಮ ಪಟ್ಟಾಭಿಷೇಕ ಪ್ರಸಂಗ ಕೂಡ ಹಮ್ಮಿಕೊಳ್ಳಲಾಗಿದೆ. ಸರಣಿಯ ಮುಂದಿನ ಭಾಗವಾಗಿ ವಾಲಿವಧೆ, ಲಿಂಗದ ಸಂಧಾನ, ರಾವಣ ವಧೆ, ವೀರಮಣಿ ಕಾಳಗ, ಶ್ರೀರಾಮ ನಿರ್ಯಾಣ ಪ್ರಸಂಗಗಳು ನಡೆಯಲಿವೆ.

ಸರಣಿಯ ವಿಶೇಷ ಪ್ರದರ್ಶನವಾಗಿ “ಶ್ರೀಕೃಷ್ಣ ಸಂಧಾನ’  ಪ್ರಸಂಗವು ನ.1ರ ಬೆಳಗ್ಗೆ 10.30-1.30ರವರೆಗೆ ನೆಲಮಂಗಲದ ಎಂಟಗಾನಹಳ್ಳಿಯ ಅವನಿ ಆರ್ಚಾರ್ಡ್ಸ್‌ನಲ್ಲಿ ನಡೆಯುತ್ತಿದೆ. ಉದ್ಯಮಿ ಪ್ರತಾಪ್‌ ಹೆಗ್ಡೆ ಪ್ರಾಯೋಜಕತ್ವದಲ್ಲಿ ಪ್ರದರ್ಶನ ನಡೆಯಲಿದ್ದು, ಭೋಜನದ ವ್ಯವಸ್ಥೆಯೂ ಇದೆ. ಸರಣಿಯ ಸಮಾರೋಪವನ್ನು ಅದೇ ದಿನ ಸಂಜೆ 5.30ಕ್ಕೆ ನಡೆಸಲಾಗುವುದು.  

ಎಲ್ಲಿ?: ಪಲಿಮಾರು ಮಠದ ಸಭಾಂಗಣ, ಸಂಪಿಗೆ ರಸ್ತೆ ಮಲ್ಲೇಶ್ವರ
ಯಾವಾಗ?: ಅ.29-ನ.3, ಸಂಜೆ. 5.30-8.30 
ಸಂಪರ್ಕ: 9448624370