ಪಂಚ ಮಹಿಳಾ ಕಲಾ ಪ್ರಪಂಚ

Team Udayavani, Nov 9, 2019, 5:01 AM IST

ವರ್ಣ ಆರ್ಟ್ಸ್ ಗ್ರೂಪ್‌ ವತಿಯಿಂದ ಕರ್ನಾಟಕ ಚಿತ್ರಕಲಾ ಪರಿಷತ್ತಿನಲ್ಲಿ “ಪಂಚ ಮಹಿಳಾ ಕಲಾವಿದರ ಕಲಾಪ್ರದರ್ಶನ’ ಆಯೋಜನೆಗೊಂಡಿದೆ. ಈಗಾಗಲೇ ಆರಂಭವಾಗಿರುವ ಪ್ರದರ್ಶನದಲ್ಲಿ, ಕಿಟಕಿಯಿಂದ ಏನನ್ನೋ ವೀಕ್ಷಿಸುತ್ತಿರುವ ಮಗುವಿನ ಚಿತ್ರ, ಕೈಯಲ್ಲಿ ಹೂವಿನ ಗುಚ್ಛ ಹಿಡಿದು ಆನಂದಿಸುವ ಮಗು, ಕೊಡದಲ್ಲಿ ನೀರನ್ನು ತುಂಬಿಕೊಂಡು ಹಸನ್ಮುಖೀಯಾಗಿ ಸಾಗುತ್ತಿರುವ ಮಹಿಳೆ, ನರ್ತಿಸುತ್ತಿರುವ ಬಾಲೆಯ ಚಿತ್ರಗಳು ಕಲಾರಸಿಕರ ಕಣ್ಮನವನ್ನು ತಣಿಸುತ್ತಿವೆ.

ಹಾಗೆಯೇ, ಕೃಷ್ಣ- ರಾಧೆಯರ ನೃತ್ಯ, ಮುಂಜಾನೆಯ ಸೂರ್ಯನ ಕಿರಣಗಳಿಂದ ಪ್ರಕಾಶಿಸುತ್ತಿರುವ ನಿಸರ್ಗ, ಬೆಣ್ಣೆ ಕದಿಯುತ್ತಿರುವ ಕೃಷ್ಣ…. ಹೀಗೆ ಹತ್ತಾರು ವರ್ಣಚಿತ್ರಗಳು ವಿಭಿನ್ನತೆಯನ್ನು ಮರೆದಿವೆ. ಕಲಾವಿದೆಯರಾದ ಬಿ.ಎಚ್‌. ಜಕ್ಕಳ್ಳಿ, ಸುಧಾ ನಾಗರಾಜ್‌, ಸವಿತಾ ಕಣ್ಣೂರ್‌, ರೇಖಾ ಪ್ರಶಾಂತ್‌, ಸ್ವೀಂಟಿ, ಕ್ಯಾಥರಿನ್‌ ಅವರು ರಚಿಸಿದ ಕಲಾಕೃತಿಗಳು, ವಿಭಿನ್ನ ನೋಟಗಳನ್ನು ಪರಿಚಯಿಸುತ್ತಿವೆ.

ಎಲ್ಲಿ?: ಕರ್ನಾಟಕ ಚಿತ್ರಕಲಾ ಪರಿಷತ್‌, ಕುಮಾರಪಾರ್ಕ್‌ ಸಮೀಪ
ಯಾವಾಗ?: ನ.9- 10, ಶನಿವಾರ- ಭಾನುವಾರ, ಬೆಳಗ್ಗೆ 10.30- 6.30