ಕನ್ನಡಕ್ಕೆ ಟಾಲ್‌ಸ್ಟಾಯ್‌!

Team Udayavani, Dec 16, 2017, 12:38 PM IST

ರಷ್ಯಾದ ಲೇಖಕ ಲಿಯೋ ಟಾಲ್‌ಸ್ಟಾಯ್‌ ಅವರ “ವೈಸ್‌ ಥಾಟ್ಸ್‌ ಫಾರ್‌ ಎವರಿಡೇ’ ಪುಸ್ತಕವನ್ನು ಲೇಖಕ ಬಿ.ಎಸ್‌. ಜಯಪ್ರಕಾಶ್‌ ನಾರಾಯಣ ಅವರು ಕನ್ನಡಕ್ಕೆ ಅನುವಾದಿಸಿದ್ದಾರೆ. “ಕಾಲವಲ್ಲಿರಲಿಲ್ಲ ದೇಶವಲ್ಲಿರಲಿಲ್ಲ’ ಹೆಸರಿನ ಆ ಪುಸ್ತಕ ಬಿಡುಗಡೆಗೆ ಸಿದ್ಧವಾಗಿದೆ. ಆಕೃತಿ ಪುಸ್ತಕ ಪ್ರಕಾಶನ ಸಂಸ್ಥೆ ಪುಸ್ತಕವನ್ನು ಹೊರತರುತ್ತಿದೆ.

ಕೃತಿಯನ್ನು ಬಿಡುಗಡೆಗೊಳಿಸಿ ಟಾಲ್‌ಸ್ಟಾಯ್‌ ಅವರ ವಿಚಾರ ದರ್ಶನದ ಕುರಿತು ಉಪನ್ಯಾಸ ನೀಡಲಿದ್ದಾರೆ ಲೇಖಕರಾದ ಪ್ರೊ. ಓ.ಎಲ್‌. ನಾಗಭೂಷಣಸ್ವಾಮಿ. ಹೀಗಾಗಿ ಪುಸ್ತಕ ಬಿಡುಗಡೆ ಕಾರ್ಯಕ್ರಮದ ನೆಪದಲ್ಲಿಯೇ ಜಗತ್ತಿನ ಪ್ರಖ್ಯಾತ ಲೇಖಕ ಟಾಲ್‌ಸ್ಟಾಯ್‌ ಅವರ ವಿಚಾರಧಾರೆಯನ್ನೂ ತಿಳಿಯಲು ಈ ಕಾರ್ಯಕ್ರಮಕ್ಕೆ ಹಾಜರಾಗಬಹುದು.

ಎಲ್ಲಿ?: ಕಸ್ತೂರಬಾ ಸಭಾಂಗಣ, 1ನೇ ಮಹಡಿ, ಗಾಂಧಿ ಭವನ, ಶಿವಾನಂದ ವೃತ್ತದ ಬಳಿ
ಯಾವಾಗ?: 17 ಡಿಸೆಂಬರ್‌, ಬೆಳಿಗ್ಗೆ 10.30