ಟಾಟಾ ಟಿಗೋರ್‌ ಇವಿ ಎಲೆಕ್ಟ್ರಿಕ್‌ ಕಾರು

Team Udayavani, Oct 14, 2019, 5:17 AM IST

ಈ ತಿಂಗಳ ಆರಂಭದಲ್ಲಷ್ಟೇ ಟಾಟಾ ನಿಕ್ಸಾನ್‌ ಕಾರಿನ ಇವಿ ಮಾದರಿಯನ್ನು ಮುಂದಿನ ವರ್ಷಾರಂಭದಲ್ಲಿ ಬಿಡುಗಡೆಗೊಳಿಸುವ ಬಗ್ಗೆ ಹೇಳಿದ್ದ ಟಾಟಾ ಕಂಪನಿ, ಇದೀಗ ಸದ್ದಿಲ್ಲದೇ, ಟಾಟಾ ಟಿಗೋರ್‌ನ ಎಲೆಕ್ಟ್ರಿಕ್‌ ಮಾದರಿಯನ್ನು ಬಿಡುಗಡೆ ಮಾಡಿದೆ. ಎಲ್ಲ ವರ್ಗದ ಜನರಿಗೂ ಎಲೆಕ್ಟ್ರಿಕ್‌ ಕಾರುಗಳ ಸೌಲಭ್ಯ ಸಿಗಲಿ ಎಂಬ ಕಾರಣದಿಂದ ಟಾಟಾ ಕಂಪನಿ ಈ ಕಾರಿನ ಮಾಡೆಲ್‌ ಅನ್ನು ಬಿಡುಗಡೆ ಮಾಡಿದೆ.

ಒಮ್ಮೆ ಚಾರ್ಜ್‌ ಮಾಡಿದರೆ 213 ಕಿ.ಮೀ. ಮೈಲೇಜ್‌ ನೀಡುತ್ತದೆ ಎಂಬುದು ಕಂಪನಿಯ ಹೇಳಿಕೆ. 9.44 ಲಕ್ಷ ರೂ.ಗಳಿಂದ ಈ ಕಾರಿನ ದರ ಶುರುವಾಗುತ್ತದೆ. ವಿಶೇಷವೆಂದರೆ, ಹಿಂದೆ ಇದೇ ಮಾದರಿಯಲ್ಲಿ ವಾಣಿಜ್ಯ ಸೇವೆಗಳಿಗಾಗಿ ಎಲೆಕ್ಟ್ರಿಕ್‌ ಕಾರನ್ನು ನೀಡಲಾಗಿತ್ತು. ಆಗ ಕೇವಲ ಒಮ್ಮೆ ಚಾರ್ಜ್‌ ಮಾಡಿದಾಗ ಕೇವಲ 142 ಕಿ.ಮೀ. ಓಡಿಸಬಹುದಾಗಿತ್ತು. ಈಗ ಕಾರಿನಲ್ಲಿ ಸ್ವಲ್ಪ ಸುಧಾರಣೆ ಮಾಡಿ, 213 ಕಿ.ಮೀ. ಮೈಲೇಜ್‌ ದೊರೆಯುವಂತೆ ಮಾಡಲಾಗಿದೆ. ಅಂದ ಹಾಗೆ, ಈ ಕಾರು ಎಕ್ಸ್‌ಇ+ ಎಕ್ಸ್‌ಎಂ+ ಮತ್ತು ಎಕ್ಸ್‌ಟಿ+ ಎಂಬ ಮಾದರಿಗಳಲ್ಲಿ ಸಿಗಲಿದೆ. ಬಿಳಿ, ಸಿಲ್ವರ್‌ ಮತ್ತು ನೀಲಿ ಬಣ್ಣದಲ್ಲಿ ಈ ಕಾರು ಸಿಗಲಿದೆ.