ಡಕಾಯಿತನ ಅಂಗಳದಿಂದ…

Team Udayavani, Apr 16, 2019, 6:00 AM IST

ಚಿತ್ರ: ಡೆಸೀರ್ಟೊ
ಅವಧಿ: 88 ನಿಮಿಷ
ನಿರ್ದೇಶನ: ಜೋನಾಸ್‌ ಕ್ಯುರಾನ್‌

ವಿಶಾಲ ಮರುಭೂಮಿ. ಮೈ ಸುಡುವ ಬಿಸಿಲಿನ ನಡುವೆ, ಆ ಗುಂಪು ಭಾರವಾದ ಹೆಜ್ಜೆ ಹಾಕುತ್ತಿರುತ್ತೆ. ಅಮೆರಿಕದ ಗಡಿಯನ್ನು ದಾಟಿ, ನೆಮ್ಮದಿಯ ಬದುಕನ್ನು ಅರಸುತ್ತಾ ಹೊರಟವರಿಗೆ ಯಮಧೂತನಂತೆ ಎದುರಾಗೋದು, ಒಬ್ಬ ಡಕಾಯಿತ. ಆತ ತಾನು ಪಳಗಿಸಿದ “ಮಲಿನಾಯ್ಸ’ ತಳಿಯ ನಾಯಿಯನ್ನು ಇವರ ಮೇಲೆ ಛೂ ಬಿಟ್ಟು, ಚಿತ್ರಹಿಂಸೆ ನೀಡಲು ಮುಂದಾಗುತ್ತಾನೆ. ಜೀವ ಉಳಿಸಿಕೊಳ್ಳುವ ಈ ಸಂಘರ್ಷದಲ್ಲಿಯೇ ಗುಂಪಿನ ಒಂದಿಬ್ಬರು ಪ್ರಾಣ ಕಳೆದುಕೊಳ್ಳುತ್ತಾರೆ. ಇತ್ತ ಡಕಾಯಿತನ ಉಪಟಳದಿಂದಲೂ ಪಾರಾಗುತ್ತಾ, ಅತ್ತ ಮರುಭೂಮಿಯ ಜೀವಘಾತುಕ ಪ್ರಾಣಿಗಳಿಂದಲೂ ತಪ್ಪಿಸಿಕೊಳ್ಳುತ್ತಾ ಸಾಗುವ ತಂಡದ ಜನರ ಸ್ಥಿತಿ ಅಯ್ಯೋ ಅನ್ನಿಸುವಂಥದ್ದು. ಕೊನೆಗೂ ಡಕಾಯಿತನಿಗೆ ತಕ್ಕಪಾಠ ಕಲಿಸಿ ಆ ತಂಡ, ಹೈವೇಯೊಂದಕ್ಕೆ ತಲುಪಿ, ನಿಟ್ಟುಸಿರುಬಿಡುತ್ತೆ. ಕ್ಷಣಕ್ಷಣಕ್ಕೂ ಥ್ರಿಲ್ಲಿಂಗ್‌ ಫೀಲ್‌ ಮೂಡಿಸುವ ಈ ಚಿತ್ರ ಆಸ್ಕರ್‌ಗೂ ಸ್ಪರ್ಧಿಸಿತ್ತು.