ಸ್ಕಾಲರ್ ಕಾಲೊನಿ

Team Udayavani, May 7, 2019, 9:23 AM IST

ವಿದ್ಯಾರ್ಥಿಗಳ ಶಿಕ್ಷಣಕ್ಕೆ ಸಹಕರಿಸುವ ಸ್ಕಾಲರ್‌ ಶಿಪ್‌ಗಳ ಪಟ್ಟಿ ಈ ಅಂಕಣದಲ್ಲಿ ಪ್ರಕಟವಾಗಲಿದೆ…

1. ಫ‌ುಲ್‌ಬ್ರೈಟ್‌- ನೆಹರು ಡಾಕ್ಟೋರಲ್‌ ಫೆಲೋಶಿಪ್‌ 2020- 2021ನೇ ಸಾಲಿನ ವಿದ್ಯಾರ್ಥಿವೇತನಕ್ಕೆ ಅರ್ಜಿ ಅಹ್ವಾನಿಸಿದೆ. ಭಾರತದಲ್ಲಿರುವ ಪಿ.ಎಚ್‌.ಡಿ ವಿದ್ಯಾರ್ಥಿಗಳು ಈ ವಿದ್ಯಾರ್ಥಿ­ವೇತನದ ಸಹಾಯದಿಂದ ಅಮೆರಿಕದ ಆಯ್ದ ವಿವಿಗಳಲ್ಲಿ ವ್ಯಾಸಂಗ ಮಾಡಬಹುದಾಗಿದೆ.

ಅರ್ಹತೆ: ಪಿ.ಎಚ್‌.ಡಿ ಮಾಡಲು ಕಾಲೇಜುಗಳಲ್ಲಿ ಹೆಸರು ನೋಂದಾ­ಯಿಸಿರುವವರು ಮತ್ತು ಶೈಕ್ಷಣಿಕವಾಗಿ ಅಥವಾ ಔದ್ಯೋಗಿಕವಾಗಿ ನಿಯುಕ್ತಿಗೊಂಡಿರುವ ಪಿ.ಎಚ್‌.ಡಿ ಪದವೀಧರರು

ವಿದ್ಯಾರ್ಥಿವೇತನ ಮೊತ್ತ : ಪ್ರಯಾಣ ಭತ್ಯೆ, ಆರೋಗ್ಯ ಮತ್ತು ವಾಸ್ತವ್ಯದ ಖರ್ಚನ್ನು ವಿದ್ಯಾರ್ಥಿವೇತನ ಭರಿಸಲಿದೆ.

ಕಡೆಯ ದಿನಾಂಕ: ಮೇ 15, 2019
ಅರ್ಜಿ ಸಲ್ಲಿಕೆ: ಆನ್‌ಲೈನ್‌ ಮೂಲಕ
ಹೆಚ್ಚಿನ ಮಾಹಿತಿಗೆ: www.b4s.in/udaya/FDR4

2. ಬ್ರಿಟಿಷ್‌ ಕೌನ್ಸಿಲ್‌ ಇಂಡಿಯಾ ಇಂಗ್ಲೆಂಡ್‌ನ‌ಲ್ಲಿ ವ್ಯಾಸಂಗ ಮಾಡಲಿಚ್ಛಿಸುವ ಭಾರತೀಯ ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹ ನೀಡುವ ಉದ್ದೇಶದಿಂದ ವಿದ್ಯಾರ್ಥಿವೇತನವನ್ನು ಘೋಷಿಸಿದೆ. ಇದರಡಿಯಲ್ಲಿ ಭಾರತೀಯ ವಿದ್ಯಾರ್ಥಿಗಳು ಯು.ಜಿ ಪದವಿ ಮತ್ತು ಮಾಸ್ಟರ್ ಪದವಿ ಪೂರೈಸಿಕೊಳ್ಳಬಹುದು.

ಅರ್ಹತೆ: ವಿದ್ಯಾರ್ಥಿಗಳು ಪಿ.ಯು.ಸಿ ಪರೀಕ್ಷೆಯನ್ನು ಉತ್ತಮ ಶ್ರೇಣಿಯಲ್ಲಿ ಉತ್ತೀರ್ಣರಾಗಿರಬೇಕು.

ವಿದ್ಯಾರ್ಥಿವೇತನ ಮೊತ್ತ: ಯು.ಜಿ ಪದವಿ ಆಕಾಂಕ್ಷಿಗಳಿಗೆ ಪೂರ್ತಿ ಶಿಕ್ಷಣ ಶುಲ್ಕ ವಿನಾಯಿತಿ ಹಾಗೂ ಮಾಸ್ಟರ್ ಆಕಾಂಕ್ಷಿಗಳಿಗೆ ಅರ್ಧದಷ್ಟು ಶಿಕ್ಷಣ ಶುಲ್ಕ ವಿನಾಯಿತಿ ದೊರೆಯಲಿದೆ.

ಕಡೆಯ ದಿನಾಂಕ: ಮೇ 15, 2019
ಅರ್ಜಿ ಸಲ್ಲಿಕೆ: ಆನ್‌ಲೈನ್‌ ಮೂಲಕ
ಹೆಚ್ಚಿನ ಮಾಹಿತಿಗೆ: www.b4s.in/udaya/BCGE254