ಇಲಿ ಮಾರಿ ಶ್ರೀಮಂತನಾದ ರಂಗ
Team Udayavani, Apr 19, 2018, 7:00 AM IST
ರಂಗ ತುಂಬಾ ಬಡ ಹುಡುಗ. ಓದುವ ಆಸಕ್ತಿ ಇದ್ದರೂ ಬಡತನದಿಂದಾಗಿ ಓದಲಾಗಿರಲಿಲ್ಲ. ಅರ್ಧಕ್ಕೇ ಶಿಕ್ಷಣ ನಿಲ್ಲಿಸಬೇಕಾಗಿ ಬಂದಿತ್ತು. ಒಂದು ದಿನ ರಂಗನಿಗೆ ತುರ್ತಾಗಿ ಒಂದಷ್ಟು ದುಡ್ಡು ಬೇಕಾಗಿತ್ತು. ಸಾಲ ಕೇಳ್ಳೋಣವೆಂದು ಬಡ್ಡಿ ಬಸಪ್ಪನ ಬಳಿಗೆ ತೆರಳಿದ. ಬಡ್ಡಿ ಬಸಪ್ಪ ಸಾಕ್ಷಿಯಿಲ್ಲದೆ ಯಾರಿಗೂ ಸಾಲ ಕೊಟ್ಟವನೇ ಅಲ್ಲ. ರಂಗ ಅಲ್ಲಿಗೆ ಹೋದಾಗ ಬಸಪ್ಪ ಸಾಲ ಹಿಂದಿರುಗಿಸದ ಯಾರಿಗೋ ಬೈಯುತ್ತಿದ್ದ. ಅಲ್ಲಿಯೇ ಸತ್ತು ಬಿದ್ದಿದ್ದ ಇಲಿಯನ್ನು ತೋರಿಸಿ “ಸಾಲ ತೀರಿಸಬೇಕೆಂಬ ಛಲ ಇದ್ದವನಿಗೆ ಸತ್ತ ಇಲಿಯೂ ವ್ಯರ್ಥವಲ್ಲ. ಅದನ್ನು ಇಟ್ಟುಕೊಂಡು ಬುದ್ಧಿವಂತಿಕೆಯಿಂದ ಹಣ ಸಂಪಾದಿಸುತ್ತಾರೆ’ ಎಂದನು. ಈ ಮಾತನ್ನು ರಂಗ ಕೇಳಿಸಿಕೊಂಡನು. ಈ ಸಮಯದಲ್ಲಿ ತಾನು ಸಾಲ ಕೇಳಿದರೆ ನನ್ನನ್ನು ಬೈಯುವುದು ಖಚಿತವೆಂದು ಹಿಂತಿರುಗಿ ಹೋದನು. ಹೋಗುವಾಗ ಬರಿಗೈಯಲ್ಲಿ ಹೋಗಲಿಲ್ಲ, ಸತ್ತು ಬಿದ್ದಿದ್ದ ಇಲಿಯನ್ನೆತ್ತಿಕೊಂಡು ಹೋದನು.
ದಾರಿಯಲ್ಲಿ ಒಬ್ಬ ಶ್ರೀಮಂತ ಸಾಕು ಬೆಕ್ಕನ್ನೆತ್ತಿಕೊಂಡು ಬರುತ್ತಿದ್ದ. ರಂಗನ ಕೈಲಿದ್ದ ಇಲಿಯನ್ನು ನೋಡಿ ಹಸಿದಿದ್ದ ಬೆಕ್ಕು ಕೂಗಿಕೊಂಡಿತು. ಶ್ರೀಮಂತ ರಂಗ ಬಳಿ ಇಲಿಯನ್ನು ಪಡೆದು ಅದಕ್ಕೆ ಪ್ರತಿಯಾಗಿ ದುಡ್ಡು ಕೊಟ್ಟ. ಆ ದುಡ್ಡನ್ನು ಇಟ್ಟುಕೊಂಡು ಸಂತೆಯಿಂದ ಬೆಲ್ಲ ಖರೀದಿಸಿ ತಂದನು. ಬೆಲ್ಲದಿಂದ ಪಾನಕವನ್ನು ತಯಾರಿಸಿ ಅದನ್ನು ಮಡಿಕೆಯೊಂದರಲ್ಲಿ ತುಂಬಿಕೊಂಡು ಊರಿನ ಪ್ರಮುಖ ಬೀದಿಯಲ್ಲಿ ಮರದ ನೆರಳಿನಲ್ಲಿ ಕುಳಿತನು. ಕಟ್ಟಿಗೆ ಕಡಿದು ತರಲು ಕಾಡಿಗೆ ಹೋಗಿದ್ದವರು ಅದೇ ದಾರಿಯಲ್ಲಿ ಬಂದರು. ರಂಗ ತಯಾರಿಸಿ ತಂದಿದ್ದ ಬೆಲ್ಲದ ಪಾನಕ ನಿಮಿಷಮಾತ್ರದಲ್ಲಿ ಖಾಲಿಯಾಯಿತು.
ಪಾನಕ ಕುಡಿದವರ ಬಳಿ ದುಡ್ಡಿಲ್ಲದ್ದರಿಂದ ಕಟ್ಟಿಗೆಗಳನ್ನೇ ಕೊಟ್ಟು ಹೋದರು. ರಂಗ ಆ ಕಟ್ಟಿಗೆಗಳನ್ನು ಕಾರ್ಖಾನೆಯವರಿಗೆ ನೀಡಿ ಸಾವಿರಾರು ರುಪಾಯಿ ಸಂಪಾದಿಸಿದನು. ಬಂದ ಲಾಭದಲ್ಲಿ ಇನ್ನಷ್ಟು ಬೆಲ್ಲದ ಗಟ್ಟಿಗಳನ್ನು ಕೊಂಡುಕೊಂಡು ಪಾನಕ ತಯಾರಿಸಿದನು. ಅವನ ಬಳಿ ದುಡ್ಡು ಶೇಖರಣೆಯಾಗತೊಡಗಿತು. ಬಂದ ದುಡ್ಡಿನಲ್ಲಿ ವ್ಯಾಪಾರ ಮಾಡಿಕೊಂಡು ಸುಮ್ಮನಿದ್ದು ಬಿಡಲಿಲ್ಲ. ಅಂಗಡಿಯನ್ನು ತೆರೆದು ಕೆಲಸದವರನ್ನು ನೇಮಿಸಿಕೊಂಡ. ದುಡ್ಡಿಲ್ಲವೆಂದು ಶಿಕ್ಷಣವನ್ನು ಅರ್ಧಕ್ಕೇ ನಿಲ್ಲಿಸಿದ್ದು ನೆನಪಾಯಿತು. ಅದಕ್ಕಾಗಿ ತಾನು ಮತ್ತೆ ಶಾಲೆಗೆ ಸೇರಿಕೊಂಡ.
ಪ.ನಾ.ಹಳ್ಳಿ.ಹರೀಶ್ ಕುಮಾರ್
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಕನ್ನಡಿಗರಿಗೆ ಬೇರೆ ಭಾಷೆ ಸಿನಿಮಾ ನೋಡೋ ಹಾಗೆ ಮಾಡಿದ್ದೆ ನಾವುಗಳು
ವಿಕ್ರಂ ಗೌಡ ಎನ್ಕೌಂಟರ್ ಪ್ರಕರಣ: ಮನೆ ಯಜಮಾನ ಜಯಂತ್ ಗೌಡ ಹೇಳಿದ್ದೇನು?
ಮಣಿಪಾಲ | ವಾಗ್ಶಾದಲ್ಲಿ ಗಮನ ಸೆಳೆದ ವಾರ್ಷಿಕ ಫ್ರೂಟ್ಸ್ ಮಿಕ್ಸಿಂಗ್ |
ಕೊಲ್ಲೂರಿನಲ್ಲಿ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ ಡಿಸಿಎಂ ಡಿ ಕೆ ಶಿವಕುಮಾರ್
ಉಡುಪಿ ಶ್ರೀ ಕೃಷ್ಣ ಮಠದಲ್ಲಿ ಬೃಹತ್ ಗೀತೋತ್ಸವಕ್ಕೆ ಅದ್ದೂರಿ ಚಾಲನೆ|
ಹೊಸ ಸೇರ್ಪಡೆ
Siddakatte Kodange Kambala: ಈ ಸೀಸನ್ ನ ಮೊದಲ ಕಂಬಳದ ಫಲಿತಾಂಶ ಇಲ್ಲಿದೆ
Karkala: ನಿಟ್ಟೆಯಲ್ಲಿ ಬಾವಿಗೆ ಬಿದ್ದ ಒಂದು ವರ್ಷದ ಮರಿ ಚಿರತೆ ರಕ್ಷಣೆ
Maharashtra polls; ದೇಶ ಒಡೆಯುವ ಮಾತನಾಡುವವರಿಗೆ ತಕ್ಕ ಪಾಠ: ಕಂಗನಾ
IPL 2025 Auction: ಮೊದಲ ಎರಡು ಸುತ್ತಿನಲ್ಲಿ ಮಾರಾಟವಾದ ಆಟಗಾರರ ಸಂಪೂರ್ಣ ಪಟ್ಟಿ..
IPL Auction: ಡೆಲ್ಲಿ ಕ್ಯಾಪಿಟಲ್ಸ್ ಪಾಲಾದ ಕೆಎಲ್ ರಾಹುಲ್; ಖರೀದಿ ಆರಂಭಿಸಿದ ಆರ್ ಸಿಬಿ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.