ಅಂಧರ ವಿಶ್ವಕಪ್‌ ಟಿ20ಗೆ ಚಿನ್ನಸ್ವಾಮಿ ಆತಿಥ್ಯ

Team Udayavani, Jan 7, 2017, 12:07 PM IST

ಅಂಧರ ಟಿ20 ವಿಶ್ವಕಪ್‌ ಕ್ರಿಕೆಟ್‌ಗೆ ಇದೇ ಮೊದಲ ಬಾರಿಗೆ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣ ಆತಿಥ್ಯವಹಿಸಲಿದೆ. ಬಿಸಿಸಿಐನಿಂದ ಕ್ರೀಡಾಂಗಣ ಬಳಸಿಕೊಳ್ಳಲು ಗ್ರೀನ್‌ ಸಿಗ್ನಲ್‌ ದೊರಕಿದೆ. ಇದೆಲ್ಲದರಿಂದ ಭಾರತೀಯ ಅಂಧರ ಕ್ರಿಕೆಟ್‌ ಮಂಡಳಿ ಅಧ್ಯಕ್ಷ ಮಹಾಂತೇಶ್‌ ಸಂತಸಗೊಂಡಿದ್ದಾರೆ. 

ಸೆಮಿಫೈನಲ್‌,ಫೈನಲ್‌ಗೆ ಕ್ರೀಡಾಂಗಣ ಬಳಕೆ
ಫೆ.11ರಂದು ಸೆಮಿಫೈನಲ್‌ ಪಂದ್ಯ ನಡೆಯಲಿದೆ. ಫೆ.12ರಂದು ಫೈನಲ್‌  ನಡೆಯಲಿದೆ. ಈ ಎರಡೂ ಹಣಾಹಣಿಗೂ ಚಿನ್ನಸ್ವಾಮಿ ಆತಿಥ್ಯವಹಿಸಲಿದೆ. ಜ.31ರಂದು ಉದ್ಘಾಟನಾ ಪಂದ್ಯ ನಡೆಯಲಿದೆ, ಮೊದಲ ಪಂದ್ಯದಲ್ಲಿ ವಿಂಡೀಸ್‌ ತಂಡವನ್ನು ಆತಿಥೇಯ ಭಾರತ ಎದುರಿಸಲಿದೆ. 

ಎಲ್ಲೆಲ್ಲಿ ನಡೆಯುತ್ತೆ?
ದಿಲ್ಲಿ, ಮುಂಬೈ, ಗುಜರಾತ್‌, ಫ‌ರಿದಾಬಾದ್‌, ಭುವನೇಶ್ವರ್‌, ಕೊಚ್ಚಿ, ಬೆಂಗಳೂರು, ಆಂಧ್ರಪ್ರದೇಶದ ಒಟ್ಟು 8 ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯಲಿದೆ. 

8 ತಂಡಗಳು ಭಾಗಿ
ಕೂಟದಲ್ಲಿ ಭಾರತ ಸೇರಿದಂತೆ ಒಟ್ಟು 8 ತಂಡಗಳು ಭಾಗವಹಿಸಲಿವೆ. ಪಾಕಿಸ್ತಾನ ತಂಡ ಭಾಗವಹಿಸುವುದು ಇನ್ನೂ ಖಚಿತಗೊಂಡಿಲ್ಲ. ಹೀಗಿದ್ದರೂ ಅದನ್ನು ಲೆಕ್ಕಕ್ಕೆ ಸೇರಿಸಿಕೊಂಡಂತೆ ಆಸ್ಟ್ರೇಲಿಯಾ, ಇಂಗ್ಲೆಂಡ್‌, ದಕ್ಷಿ$ಣ ಆಫ್ರಿಕಾ, ನ್ಯೂಜಿಲೆಂಡ್‌, ಶ್ರೀಲಂಕಾ, ಬಾಂಗ್ಲಾದೇಶ, ನೇಪಾಳ ತಂಡಗಳು ಭಾಗವಹಿಸಲಿವೆ.