ತಂಗಿಯನ್ನು ವಾರ್ನ್‌ಗೆ ಹೋಲಿಸಿದ ಅಣ್ಣ!

Team Udayavani, Mar 7, 2020, 6:00 AM IST

ಮಹಿಳಾ ವಿಶ್ವಕಪ್‌ ಕ್ರಿಕೆಟ್‌ ಟಿ20 ಕೂಟದ ಪಾಕಿಸ್ತಾನ- ಥಾಯ್ಲೆಂಡ್‌ ನಡುವಿನ ಪಂದ್ಯದ ವೇಳೆ ಕ್ರೀಡಾಂಗಣದಲ್ಲಿ ಅಣ್ಣ ತಂಗಿಯ ಪ್ರೀತಿ ಅನಾವರಣಗೊಂಡಿತು. ಸಾಮಾನ್ಯವಾಗಿ ಅಣ್ಣನನ್ನು ಚಿಯರ್‌ ಮಾಡಲು ತಂಗಿ ಬರುವುದನ್ನು ನೋಡಿದ್ದೇವೆ. ಇಲ್ಲಿ ತಂಗಿಯನ್ನು ಬೆಂಬಲಿಸಲು ಸ್ವತಃ ಅಣ್ಣನೇ ಖುದ್ದಾಗಿ ಕ್ರೀಡಾಂಗಣಕ್ಕೆ ಬಂದಿದ್ದಾನೆ. ಹೌದು, ಪಾಕಿಸ್ತಾನ ಕ್ರಿಕೆಟ್‌ ತಂಡದ ಪ್ರಮುಖ ಆಟಗಾರ್ತಿಯರಲ್ಲಿ ಒಬ್ಬರಾಗಿರುವ ಸೈಯಿದ್‌ ಅರೂಬ್‌ ಶಾ ಅವರನ್ನು ಬೆಂಬಲಿಸಲು ಸ್ವತಃ ಅವರ ಅಣ್ಣ ಕ್ರೀಡಾಂಗಣಕ್ಕೆ ಆಗಮಿಸಿದ್ದಾರೆ. ತಂಗಿಯ ಆಟವನ್ನು ಕಣ್ಣಾರೆ ನೋಡಿದ ಅಣ್ಣ ಮನಸಾರೆ ತಂಗಿಯನ್ನು ಹರಸಿದ್ದಾರೆ. ಬ್ಯಾನರ್‌ ಹಿಡಿದು ಹುರಿದುಂಬಿಸಿದ್ದಾರೆ. ತಂಗಿಯ ರೂಪದಲ್ಲಿ ಶೇನ್‌ ವಾರ್ನ್ ಮರಳಿ ಹುಟ್ಟಿದ್ದಾಳೆ ಎಂದು ಬರೆದುಕೊಂಡಿದ್ದಾರೆ. ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.