ಯುಗಪುರುಷನ ನೆನೆದ ಗಣೇಶ್‌

Team Udayavani, Nov 27, 2020, 1:05 PM IST

ಗೋಲ್ಡನ್‌ ಸ್ಟಾರ್‌ ಗಣೇಶ್‌ “ಯುಗಪುರುಷ’ ಸಿನಿಮಾ ಹಾಗೂ ಅದರ “ಕೇಳಿ ಪ್ರೇಮಿಗಳೇ…’ ಹಾಡನ್ನು ನೆನಪಿಸಿ ಕೊಂಡಿದ್ದಾರೆ.

1989ರಲ್ಲಿ ತೆರೆಕಂಡಿರುವ ರವಿಚಂದ್ರನ್‌ ಅವರ ಈ ಸಿನಿಮಾವನ್ನು ಈಗ ಗಣೇಶ್‌ ನೆನಪಿಸಿಕೊಳ್ಳಲು ಕಾರಣ “ತ್ರಿಬಲ್‌ ರೈಡಿಂಗ್‌’ ಸಿನಿಮಾ. ಗಣೇಶ್‌ ಅವರ “ತ್ರಿಬಲ್‌ ರೈಡಿಂಗ್‌’ ಸಿನಿಮಾದ ಚಿತ್ರೀಕರಣ ಚಿಕ್ಕಮಗಳೂರಿನಲ್ಲಿ ನಡೆಯುತ್ತಿದೆ. ಅದರಲ್ಲೂ “ಯುಗಪುರುಷ’ ಸಿನಿಮಾದ ಚಿತ್ರೀಕರಣವಾದ ಮದರ್‌ ಮೇರಿ ಪ್ರತಿಮೆ ಮುಂದೆ ಚಿತ್ರೀಕರಣ ನಡೆಯುತ್ತಿದೆ. ಸದ್ಯ ಚಿತ್ರೀಕರಣದಲ್ಲಿರುವ ಗಣೇಶ್‌ ಮದರ್‌ ಮೇರಿ ಪ್ರತಿಮೆ ಮುಂದೆ ನಿಂತಿರುವ ಫೋಟೋವನ್ನು ಟ್ವೀಟರ್‌ನಲ್ಲಿ ಹಾಕಿದ್ದಾರೆ. ಜೊತೆಗೆ “ಕೇಳಿ ಪ್ರೇಮಿಗಳೇ ಒಬ್ಬಳು ಸುಂದರಿ ಇದ್ದಳು …’ ಎಂದು ಬರೆದುಕೊಂಡಿರುವ ಗಣೇಶ್‌, “ತ್ರಿಬಲ್‌ ರೈಡಿಂಗ್‌ ಚಿತ್ರೀಕರಣ ಮಾಡುವಾಗ ಈ ಸ್ಥಳ ನೋಡಿ ಬಾಲ್ಯದಲ್ಲಿ ಯುಗಪುರುಷ ವಿಸಿಪಿಯಲ್ಲಿ ನೋಡಿದ ನೆನಪಾಯಿತು’ ಎಂದಿದ್ದಾರೆ.

ಇದನ್ನೂ ಓದಿ :2021 ರಲ್ಲಿ ರಾಜ್‌ ಫ್ಯಾಮಿಲಿಯಿಂದ 12+ ಚಿತ್ರ

ಇನ್ನು ಗಣೇಶ್‌ ನಾಯಕರಾಗಿರುವ “ತ್ರಿಬಲ್‌ ರೈಡಿಂಗ್‌’ ಚಿತ್ರೀಕರಣ ಬಿರುಸಿನಿಂದ ನಡೆಯುತ್ತಿದ್ದು, ಚಿತ್ರದಲ್ಲಿ ಅದಿತಿ ಪ್ರಭುದೇವ, ಮೇಘಾ ಶೆಟ್ಟಿ ಹಾಗೂ ರಚನಾ ಇಂದರ್‌ ನಟಿಸುತ್ತಿದ್ದಾರೆ. ಗಣೇಶ್‌ ಅವರಿಗೆ ಈ ಚಿತ್ರದಲ್ಲಿ ಹೊಸ ಬಗೆಯ ಪಾತ್ರವಿದೆಯಂತೆ.