Kannada Cinema: ತೆರೆಗೆ ಬಂತು ಸಂಗೀತಾ ಭಟ್ ನಟನೆಯ ‘ಕ್ಲಾಂತ’

Team Udayavani, Jan 19, 2024, 10:36 AM IST

ಸಂಗೀತಾ ಭಟ್‌ ನಾಯಕಿಯಾಗಿರುವ “ಕ್ಲಾಂತ’ ಸಿನಿಮಾ ಇಂದು ತೆರೆಕಾಣುತ್ತಿದೆ. ಎಂ ವಿಘ್ನೇಶ್‌ ಈ ಸಿನಿಮಾದ ನಾಯಕ. ರಂಗನ್‌ ಸ್ಟೈಲ್‌, ದಗಲು ಬಾಜಿಲು ಸೇರಿದಂತೆ ಬೇರೆ ಬಗೆಯ ಜಾನರ್‌ ಚಿತ್ರ ನಿರ್ದೇಶಿರುವ ವೈಭವ್‌ ಪ್ರಶಾಂತ್‌ “ಕ್ಲಾಂತ’ ಎಂಬ ಸಸ್ಪೆನ್ಸ್‌ ಥ್ರಿಲ್ಲರ್‌ ಸಿನಿಮಾ ನಿರ್ದೇಶನಕ್ಕಿಳಿದಿದ್ದಾರೆ.

ದಟ್ಟ ಅರಣ್ಯಕ್ಕೆ ತೆರಳುವ ಇಬ್ಬರು ಪ್ರೇಮಪಕ್ಷಿಗಳನ್ನು ಗ್ಯಾಂಗ್‌ ಒಂದು ಅಟ್ಯಾಕ್‌ ಮಾಡುತ್ತದೆ. ಆ ಗ್ಯಾಂಗ್‌ನಿಂದ ಆ ಜೋಡಿ ಹೇಗೆ ತಪ್ಪಿಕೊಂಡು ಬರುತ್ತಾರೆ, ಅವರ ವಿರುದ್ಧ ಹೇಗೆ ಹೋರಾಡುತ್ತಾರೆ ಅನ್ನೋದನ್ನು ಟೀಸರ್‌ ನಲ್ಲಿ ಕೊಡಲಾಗಿದೆ. ಎಂ ವಿಘ್ನೇಶ್‌ ನಾಯಕನಾಗಿ, ಸಂಗೀತ ಭಟ್‌ ನಾಯಕಿಯಾಗಿ ನಟಿಸಿದ್ದು, ಉಳಿದಂತೆ ಶೋಭರಾಜ್‌ , ವೀಣಾ ಸುಂದರ್‌ , ಕಾಮಿಡಿ ಕಿಲಾಡಿ ದೀಪಿಕಾ , ಪ್ರವೀಣ್‌ ಜೈನ್‌ , ಯುವ , ತಿಮ್ಮಪ್ಪ ಕುಲಾಲ್‌ , ಸ್ವಪ್ನ , ರಾಘವೇಂದ್ರ ಕಾರಂತ್‌ , ಪಂಚಮಿ ವಾಮಂಜೂರ್‌, ವಾಮದೇವ ಪುಣಿಂಚತ್ತಾಯ ಮುಂತಾದ ತಾರಾಬಳಗದಲ್ಲಿದ್ದಾರೆ.

ಎರಡು ಹಾಡುಗಳಿಗೆ ರಘು ಅವರ ನೃತ್ಯ ಸಂಯೋಜನೆ ಇದೆ . ಅನುಗ್ರಹ ಪವರ್‌ ಮೀಡಿಯಾ ಬ್ಯಾನರ್‌ನಡಿ ಉದಯ್‌ ಅಮ್ಮಣ್ಣಾಯ ಬಂಡವಾಳ ಹೂಡಿದ್ದು, ಅರುಣ್‌ ಗೌಡ, ಪ್ರದೀಪ್‌ ಗೌಡ ಹೇಮಂತ್‌ ರೈ ಸಹ ನಿರ್ಮಾಪಕರಾಗಿ ಸಾಥ್‌ ಕೊಟ್ಟಿದ್ದಾರೆ.