ಕೋವಿಡ್ 19 ಮಧ್ಯೆ ರೌಡಿ ಬೇಬಿ ಸದ್ದು

Team Udayavani, Apr 3, 2020, 3:08 PM IST

ಕೋವಿಡ್ 19 ಎಫೆಕ್ಟ್ ನಿಂದಾಗಿ ಕನ್ನಡ ಚಿತ್ರರಂಗ ಕೂಡಾ ಸಂಕಷ್ಟಕ್ಕೆ ಒಳಗಾಗಿದೆ. ಸಿನಿಮಾಗಳ ಬಿಡುಗಡೆುಂದ ಚಿತ್ರರಂಗದ ಕಾರ್ಯಚಟುವಟಿಕೆಗಳು ಸಂಪೂರ್ಣ ಸ್ತಬ್ಧವಾಗಿವೆ. ಈ ಸ್ತಬ್ಧದ ಮಧ್ಯೆಯೇ ಚಿತ್ರತಂಡವೊಂದು ತನ್ನ ಸಿನಿಮಾದ ಟೀಸರ್‌ ಬಿಡುಗಡೆ ಮಾಡಿದೆ. ಈ ಮೂಲಕ ಸದ್ದಿಲ್ಲದ ಸಮಯದಲ್ಲಿ ಸದ್ದು ಮಾಡಲು ಹೊರಟಿದೆ.

ಹೌದು, “ರೌಡಿ ಬೇಬಿ’ ಎಂಬ ಹೊಸಬರ ಸಿನಿಮಾದ ಟೀಸರ್‌ವೊಂದು ಬಿಡುಗಡೆಯಾಗಿದೆ. ರೊಮ್ಯಾಂಟಿಕ್‌ ಲವ್‌ ಸ್ಟೋರಿ ಕಥಾಹಂದರ ಹೊಂದಿರುವ ಈ ಟೀಸರ್‌ಗೆ ಮೆಚ್ಚುಗೆ ವ್ಯಕ್ತವಾಗುವ ಮೂಲಕ ಚಿತ್ರತಂಡ ಖುಷಿಯಾಗಿದೆ. ರೆಡ್ಡಿ ಕೃಷ್ಣ ಎನ್ನುವವರು ಈ ಚಿತ್ರದ ನಿರ್ದೇಶಕರು. ಚಿತ್ರದಲ್ಲಿ ರವಿ ಗೌಡ ಹಾಗೂ ದಿವ್ಯಾ ರಾವ್‌ ನಾಯಕ-ನಾಯಕಿ. ಉಳಿದಂತೆ ಅಮಿತ್‌ ರಾಜ್‌, ಅರುಣಾ ಬಾಲರಾಜ್‌ ಸೇರಿದಂತೆ ಅನೇಕರು ನಟಿಸಿದ್ದಾರೆ. ಚಿತ್ರಕ್ಕೆ ಅರ್ಮಾನ್‌ ಸಂಗೀತ, ಸಾಮ್ರಾಟ್‌ ಛಾಯಾಗ್ರಹಣದೆ. ಈ ಚಿತ್ರವನ್ನು ರೆಡ್ಡಿ ಕೃಷ್ಣ ಹಾಗೂ ರವಿ ಗೌಡ ಸೇರಿ ನಿರ್ಮಿಸಿದ್ದಾರೆ. ಚಿತ್ರಕ್ಕೆ ಸಿಂಪಲ್‌ ಸುನಿ, ಕಿನಾಲ್‌ ರಾಜ್‌, ಡಾ.ನಾಗೇಂದ್ರ ಪ್ರಸಾದ್‌ ಹಾಡುಗಳನ್ನು ಬರೆದಿದ್ದಾರೆ.­