ಮಾಲ್‌ಗ‌ಳಲ್ಲಿ ‘ಸಖತ್‌‘ ಕಟಕಟೆ: ನ.26ರಂದು ಚಿತ್ರ ರಿಲೀಸ್‌

Team Udayavani, Nov 12, 2021, 3:35 PM IST

ಗಣೇಶ್‌ ನಾಯಕರಾಗಿರುವ “ಸಖತ್‌’ ಚಿತ್ರ ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ನ.12ಕ್ಕೆ ತೆರೆಕಾಣಬೇಕಿತ್ತು. ಆದರೆ, ಈಗ ಚಿತ್ರದ ಬಿಡುಗಡೆ ಮುಂದಕ್ಕೆ ಹೋಗಿದ್ದು, ನ.26ರಂದು ಚಿತ್ರ ತೆರೆಕಾಣುತ್ತಿದೆ. ಈ ಹಿನ್ನೆಲೆಯಲ್ಲಿ ಚಿತ್ರತಂಡ ವಿಭಿನ್ನ ರೀತಿಯಲ್ಲಿ ಪ್ರಚಾರ ಮಾಡುತ್ತಿದೆ. ಅದರಲ್ಲಿ ಮಾಲ್‌ಗ‌ಳಲ್ಲಿ ಕೋರ್ಟ್‌ ಕಟಕಟೆ ಇಟ್ಟಿರೋದು ಕೂಡಾ ಒಂದು.

ಎಲ್ಲಾ ಓಕೆ, ಕಟಕಟಕೆ ಯಾಕೆ ಎಂದು ನೀವು ಕೇಳಬಹುದು. ಚಿತ್ರದ ಪ್ರಮುಖ ದೃಶ್ಯದಲ್ಲಿ ಕಟಕಟೆ ಕೂಡಾ ಒಂದು. ಹಾಗಾಗಿ, ಈಗ ಇದನ್ನು ಪ್ರಚಾರಕ್ಕೆ ಬಳಸಿದ್ದು, ಮಾಲ್‌ಗಳಿಗೆ ಬರುವ ಸಿನಿಪ್ರಿಯರು ಆ ಕಟಕಟೆಯಲ್ಲಿ ನಿಂತು ಫೋಟೋ ತೆಗೆಸಿಕೊಳ್ಳುವ ಜೊತೆಗೆ “ಸಖತ್‌’ ಸಿನಿಮಾ ನೋಡಲು ಕಾತುರರಾಗಿದ್ದಾರೆ.

ಈಗಾಗಲೇ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿ ಹಿಟ್‌ಲಿಸ್ಟ್‌ ಸೇರಿದೆ. “ಕೆವಿಎನ್‌ ಪ್ರೊಡಕ್ಷನ್ಸ್‌’ ಬ್ಯಾನರ್‌ನಲ್ಲಿ ನಿಶಾ ವೆಂಕಟ್‌ ಕೋನನಿ ಮತ್ತು ಸುಪ್ರಿತ್‌ “ಸಖತ್‌’ ಚಿತ್ರಕ್ಕೆ ಬಂಡವಾಳ ಹೂಡಿ ನಿರ್ಮಿಸುತ್ತಿದ್ದು, “ಚಮಕ್‌’ ಚಿತ್ರದ ನಂತರ ಸಿಂಪಲ್‌ ಸುನಿ ಎರಡನೇ ಬಾರಿಗೆ ಗಣೇಶ್‌ ಚಿತ್ರಕ್ಕೆ ಆ್ಯಕ್ಷನ್‌-ಕಟ್‌ ಹೇಳುತ್ತಿದ್ದಾರೆ.

ಇದನ್ನೂ ಓದಿ:‘ಅವತಾರ್‌ ಪುರುಷ’ನ ಆಟ ಡಿ.10ರಿಂದ ಶುರು

ಟಿವಿ ರಿಯಾಲಿಟಿ ಶೋ ಹಾಗೂ ಕೋರ್ಟ್‌ ಕೇಸ್‌ ಸುತ್ತ “ಸಖತ್‌’ ಚಿತ್ರದ ಕಥೆ ಹೆಣೆಯಲಾಗಿದ್ದು, ರೊಮ್ಯಾಂಟಿಕ್‌ ಕಾಮಿಡಿ ಮತ್ತು ಕ್ರೈಂ-ಥ್ರಿಲ್ಲರ್‌ ಶೈಲಿಯಲ್ಲಿ ಚಿತ್ರ ಮೂಡಿಬರುತ್ತಿದೆ. ಚಿತ್ರದಲ್ಲಿ ಮೊದಲ ಬಾರಿಗೆ ನಟ ಗೋಲ್ಡನ್‌ ಸ್ಟಾರ್‌ ಗಣೇಶ್‌, ಅಂಧ ಗಾಯಕನಾಗಿ ರಿಯಾಲಿಟಿ ಶೋ ಸ್ವರ್ಧಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ