ಮರಳಿ ಹಳ್ಳಿಗೆ

Team Udayavani, Dec 4, 2019, 4:45 AM IST

ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡಬೇಕೆಂದು ಹಳ್ಳಿ ಬಿಟ್ಟು ಪಟ್ಟಣಕ್ಕೆ ಹೋಗುವವರನ್ನು ನೋಡಿದ್ದೇವೆ. ಆದರೆ, ಮಗನನ್ನು ರೈತನನ್ನಾಗಿ ಮಾಡಲು, ಇದ್ದ ಕೆಲಸ ಬಿಟ್ಟು ಹಳ್ಳಿಗೆ ಹೋದವರನ್ನು ನೋಡಿದ್ದೀರಾ? ರಾಜಸ್ಥಾನದ ತಾಯಿಯೊಬ್ಬರು 90 ಸಾವಿರ ಸಂಬಳದ ಸರ್ಕಾರಿ ಕೆಲಸ ಬಿಟ್ಟು, ಹಳ್ಳಿಗೆ ಹೋಗಿ ಜಮೀನು ಖರೀದಿಸಿದ್ದಾರೆ. ಅವರೇ ಚಂಚಲ್‌ ಕೌರ್‌.

ಚಂಚಲ್‌-ರಾಜೇಂದ್ರ ದಂಪತಿಗೆ, 11 ವರ್ಷದ ಮಗನಿದ್ದಾನೆ. ರಾಜೇಂದ್ರ, ಭಾರತೀಯ ರೈಲ್ವೆಯಲ್ಲಿ ಉದ್ಯೋಗದಲ್ಲಿದ್ದರೆ, ಚಂಚಲ್‌ ಸರ್ಕಾರಿ ಆಸ್ಪತ್ರೆಯಲ್ಲಿ ನರ್ಸ್‌ ಆಗಿದ್ದರು. ನಗರ ವಾಸದಿಂದ ಬೇಸತ್ತಿದ್ದ ಚಂಚಲ್‌, ಮಗನಾದರೂ ಹಳ್ಳಿಯ ಸ್ವತ್ಛ ಪರಿಸರದಲ್ಲಿ ಬೆಳೆಯಲಿ ಎಂದು, ಇಂದೋರ್‌ ಬಳಿಯ ಹಳ್ಳಿಯೊಂದರಲ್ಲಿ ಒಂದೂವರೆ ಎಕರೆ ಜಮೀನು ಖರೀದಿಸಿದ್ದಾರೆ. ಈಗ ತಮ್ಮ ಮಗ ಗುರುಭû… ಸಿಂಗ್‌ ಜೊತೆಗೆ ಸಾವಯವ ಕೃಷಿ ಮಾಡುತ್ತಾ, ಖುಷಿಯಾಗಿದ್ದಾರೆ. ಗಂಡ, ಉದ್ಯೋಗನಿಮಿತ್ತ ನಗರದಲ್ಲಿ ಇರಬೇಕಾದ್ದರಿಂದ ಚಂಚಲ್‌ ಅವರೇ ಎಲ್ಲವನ್ನೂ ನೋಡಿಕೊಳ್ಳುತ್ತಿದ್ದಾರೆ. ಇಂಥ ತಾಯಂದಿರ ಸಂಖ್ಯೆ ಹೆಚ್ಚಲೆಂದು ಆಶಿಸೋಣ.