ಗ್ಲಿಸರಿನ್‌ ಕಣ್ಣೀರಲ್ಲ, ಪನ್ನೀರು…

Team Udayavani, Oct 30, 2019, 3:00 AM IST

ಗ್ಲಿಸರಿನ್‌ ಅಂದಕೂಡಲೇ ಮೊದಲು ನೆನಪಾಗುವುದು ಕಣ್ಣೀರು. ಯಾಕಂದ್ರೆ, ಗ್ಲಿಸರಿನ್‌ ಹಚ್ಚಿಕೊಂಡಾಗ ಕಣ್ಣಲ್ಲಿ ಅಯಾಚಿತವಾಗಿ ನೀರು ಸುರಿಯುತ್ತದೆ ಅಂತ ನಮಗೆಲ್ಲರಿಗೂ ಗೊತ್ತಿದೆ. ಆದರೆ, ಗ್ಲಿಸರಿನ್‌ನ ಬಳಕೆ ಅಷ್ಟಕ್ಕೇ ಸೀಮಿತವಾಗಿಲ್ಲ. ಅದನ್ನು ಸೌಂದರ್ಯ ವರ್ಧಕವಾಗಿಯೂ ಬಳಸುತ್ತಾರೆ. ಗ್ಲಿಸರಿನ್‌ನಲ್ಲಿರುವ ಕೆಲವು ಅಂಶಗಳು ತ್ವಚೆ ಮತ್ತು ಕೂದಲಿನ ಆರೋಗ್ಯಕ್ಕೆ ಸಹಕಾರಿ.

– ಪ್ರತಿನಿತ್ಯ ಗ್ಲಿಸರಿನ್‌ ಹಚ್ಚಿದರೆ ಒಣ ಚರ್ಮ ಮೃದುವಾಗುತ್ತದೆ.
-ಕಣ್ಣಿನ ಸುತ್ತಲಿನ ಕಪ್ಪು ವರ್ತುಲ ಹೋಗಲಾಡಿಸಲು ಗ್ಲಿಸರಿನ್‌ ಸಹಕಾರಿ.
-ಎಣ್ಣೆ ಚರ್ಮದವರು ಗ್ಲಿಸರಿನ್‌ ಹಚ್ಚಿದರೆ, ತ್ವಚೆಗೆ ಸಂಬಂಧಿಸಿದ ತೊಂದರೆಗಳು ಗುಣವಾಗುತ್ತವೆ.
-ರಾತ್ರಿ ಮಲಗುವ ಮುನ್ನ ಗ್ಲಿಸರಿನ್‌ ಹಾಗೂ ರೋಸ್‌ವಾಟರ್‌ನ ಮಿಶ್ರಣವನ್ನು ಹಚ್ಚಿದರೆ ತ್ವಚೆಗೆ ಕಾಂತಿ ಸಿಗುತ್ತದೆ.
-ಕೈ-ಕಾಲು, ತುಟಿ ಒಡೆದು ಬಿರುಕು ಬಿಟ್ಟಿದ್ದರೆ, ಅದಕ್ಕೆ ದಿನಾ ರಾತ್ರಿ ಗ್ಲಿಸರಿನ್‌ ಹಚ್ಚಿಕೊಳ್ಳಿ.
-ಗ್ಲಿಸರಿನ್‌ ಜೊತೆಗೆ ಜೇನುತುಪ್ಪ ಬೆರೆಸಿ ಒಡೆದ ಹಿಮ್ಮಡಿಗೆ ಹಚ್ಚಿದರೆ, ಬೇಗ ಗುಣವಾಗುತ್ತದೆ.
-ಧೂಳು, ಮಾಲಿನ್ಯದಿಂದ ಕಾಣಿಸಿಕೊಳ್ಳುವ ತುರಿಕೆಗೆ ಗ್ಲಿಸರಿನ್‌ನಿಂದ ಪರಿಹಾರ ಕಂಡುಕೊಳ್ಳಬಹುದು.
ಕೂದಲಿನ ಆರೋಗ್ಯಕ್ಕೆ
-ಮೈ-ಮುಖದ ಚರ್ಮ ಒಣಗುವಂತೆ ಕೂದಲಿನ ಬುಡವೂ ಸತ್ವ ಕಳೆದುಕೊಳ್ಳುತ್ತದೆ. ಗ್ಲಿಸರಿನ್‌ ಹಚ್ಚುವುದರಿಂದ ಕೂದಲಿನ ಬುಡಕ್ಕೆ ಅಗತ್ಯ ತೇವಾಂಶ ಸಿಗುತ್ತದೆ.
– ಕೂದಲಿನ ಬುಡಕ್ಕೆ ಗ್ಲಿಸರಿನ್‌ ಹಚ್ಚಿ ಮಸಾಜ್‌ ಮಾಡಿ, ಅರ್ಧ ಗಂಟೆಯ ನಂತರ ತಲೆ ತೊಳೆದುಕೊಂಡರೆ ತಲೆಹೊಟ್ಟು ಕಡಿಮೆಯಾಗುತ್ತದೆ.
-ಬೆವರು, ಮಾಲಿನ್ಯದಿಂದ ಕೂದಲು ಉದುರುವುದನ್ನು ತಡೆಯಲು ಗ್ಲಿಸರಿನ್‌ ಸಹಕಾರಿ.
-ಕೊಬ್ಬರಿ ಎಣ್ಣೆ ಜೊತೆಗೆ ಐದಾರು ಹನಿ ಗ್ಲಿಸರಿನ್‌ ಬೆರೆಸಿ ಕೂದಲಿನ ಬುಡಕ್ಕೆ ಹಚ್ಚಿ, ಒಂದೆರಡು ಗಂಟೆಯ ನಂತರ ತಲೆ ತೊಳೆದುಕೊಂಡರೆ ಕೂದಲು ಮೃದುವಾಗುತ್ತದೆ.
-ಗ್ಲಿಸರಿನ್‌ ಹಾಗೂ ಆಲಿವ್‌ ಎಣ್ಣೆಯನ್ನು ಸಮ ಪ್ರಮಾಣದಲ್ಲಿ ಮಿಶ್ರಣ ಮಾಡಿ ತಲೆಗೂದಲಿಗೆ ಹಚ್ಚಿದರೆ ಒಣಹುಲ್ಲಿನಂಥ ಕೂದಲು ಮೃದುವಾಗುತ್ತದೆ.