ಸೌಂದರ್ಯಕ್ಕೆ ಸಿಂಪಲ್‌ ಸೂತ್ರ…

Team Udayavani, Dec 4, 2019, 4:00 AM IST

ಯಾವುದೇ ಸೌಂದರ್ಯವರ್ಧಕ ಬಳಸದೆ, ನೈಸರ್ಗಿಕವಾಗಿ ದೊರಕುವ ವಸ್ತುಗಳಿಂದ ಮುಖದ ಕಾಂತಿಯನ್ನು ವೃದ್ಧಿಸಿಕೊಳ್ಳಬಹುದು. ಮನೆಯಲ್ಲಿರುವ ವಸ್ತುಗಳಿಂದ ಚರ್ಮದ ಆರೋಗ್ಯ ಹೆಚ್ಚಿಸಿಕೊಳ್ಳುವ ವಿಧಾನಗಳು ಇಲ್ಲಿವೆ-

-ಜಿಡ್ಡಿನಿಂದ ಉಂಟಾಗುವ ಮೊಡವೆಗಳಿಗೆ ಪಪ್ಪಾಯ ಹಣ್ಣಿನಿಂದ ನಯವಾಗಿ ಉಜ್ಜಿ.
-ಬೇಸಿಗೆಯಲ್ಲಿ ವಿಪರೀತ ಬೆವರುವವರು, ಮೊಸರು-ಮೈದಾ ಹಿಟ್ಟಿನ ಮಿಶ್ರಣ ಹಚ್ಚಿ, ಒಣಗಿದ ನಂತರ ಮುಖ ತೊಳೆದುಕೊಳ್ಳಿ.
-ಕಲ್ಲಂಗಡಿಯ ತಿರುಳಿನಿಂದ ಮಸಾಜ್‌ ಮಾಡಿದರೆ ಚರ್ಮ ಮೃದುವಾಗುತ್ತದೆ.
-ಬೆವರಿನಿಂದ ಉಂಟಾಗುವ ಗುಳ್ಳೆಗಳಿಗೆ ಗಂಧ ತೇದು ಹಚ್ಚಿ.
-ವಾರದಲ್ಲಿ ಎರಡು ಬಾರಿ ಹಸಿ ಹಾಲನ್ನು ಮುಖಕ್ಕೆ ಹಚ್ಚಿದರೆ ಒಣ ಚರ್ಮ ತೇವಾಂಶ ಪಡೆಯುತ್ತದೆ.
-ಬಿಸಿಲಿನಿಂದ ಮುಖ ಕಪ್ಪಾಗಿದ್ದರೆ, ಫ್ರಿಡ್ಜ್ನಲ್ಲಿಟ್ಟ ಎಳನೀರಿನ ಕ್ಯೂಬ್‌ ಅಥವಾ ಟೊಮೆಟೊ ತುಂಡಿನಿಂದ ನಯವಾಗಿ ಮಸಾಜ್‌ ಮಾಡಿಕೊಳ್ಳಿ.
-ಸೌತೆಕಾಯಿ ತಿರುಳನ್ನು ಪೇÓr… ಮಾಡಿ, ಮುಖಕ್ಕೆ ಹಚ್ಚಿ 10 ನಿಮಿಷದ ನಂತರ ಮುಖ ತೊಳೆಯಿರಿ.
-ಕಣ್ಣಿನ ಸುತ್ತಲಿನ ಕಪ್ಪನೆ ಕಲೆಗೆ ಆಲೂಗಡ್ಡೆ/ಸೌತೆಕಾಯಿ ತುಣುಕನ್ನು ಇಟ್ಟುಕೊಂಡರೆ ಪರಿಣಾಮಕಾರಿ.
-ಚಳಿಗಾಲದಲ್ಲಿ ಪ್ರತಿನಿತ್ಯವೂ ಹಸಿ ಹಾಲು ಅಥವಾ ಎಳ್ಳೆಣ್ಣೆ ಹಚ್ಚಿ ಸ್ನಾನ ಮಾಡಿದರೆ, ಚರ್ಮ ಒಣಗುವುದು, ಬಿರುಕು ಬಿಡುವುದು ಹಾಗೂ ತುರಿಕೆಯಂಥ ಸಮಸ್ಯೆಗಳಿಗೆ ಮುಕ್ತಿ ಸಿಗುತ್ತದೆ.
-ಬಾಳೆಹಣ್ಣಿನ ತಿರುಳನ್ನು ಮುಖಕ್ಕೆ ಉಜ್ಜುವುದರಿಂದ ಮುಖ ಹೊಳೆಯುತ್ತದೆ.
– ಲೋಳೆಸರದ ತಿರುಳನ್ನು ಮುಖಕ್ಕೆ ಹಚ್ಚಿದರೆ ಚರ್ಮ ಆರೋಗ್ಯವಾಗಿರುತ್ತದೆ. ಲೋಳೆಸರದಿಂದ ತುರಿಕೆ ಆಗುತ್ತದೆ ಎನ್ನುವವರು, ಕೊಬ್ಬರಿ ಎಣ್ಣೆಯನ್ನು ಸೇರಿಸಿ ಉಪಯೋಗಿಸಬಹುದು.
-ಅರಿಶಿಣದ ಕೊಂಬನ್ನು ತೇಯ್ದು ಸತತ ಲೇಪಿಸುವುದರಿಂದ ಮುಖದ ಮೇಲಿನ ಕೂದಲು ಉದುರುತ್ತದೆ.
-ಗ್ರಂಧಿಗೆ ಅಂಗಡಿಯಲ್ಲಿ ಸಿಕ್ಕುವ ಅಂಬಿ ಹಳದಿಯನ್ನು ತೇಯ್ದು ರಾತ್ರಿ ಮುಖಕ್ಕೆ ಹಚ್ಚಿ ಬೆಳಗ್ಗೆ ತೊಳೆದರೆ ಚರ್ಮ ಕಾಂತಿ ಪಡೆಯುತ್ತದೆ.
-ಜೇನುತುಪ್ಪ ಹಚ್ಚಿ ಹತ್ತು ನಿಮಿಷದ ನಂತರ ಮುಖ ತೊಳೆದು, ಆಮೇಲೆ ಮೇಕಪ್‌ ಮಾಡಿಕೊಂಡರೆ, ಮೇಕಪ್‌ನಿಂದ ಆಗುವ ಅಡ್ಡ ಪರಿಣಾಮಗಳು ಕಡಿಮೆ ಆಗುತ್ತವೆ.

-ಶೋಭಾ ದೇಸಾಯಿ