![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಮಧುರಿಮಾ ಮಿಂಚಿಂಗ್
Team Udayavani, Nov 2, 2018, 6:00 AM IST
![s-20.jpg](https://www.udayavani.com/wp-content/uploads/2018/11/2/s-20.jpg)
ಮಧುರಿಮಾ ಟುಲಿ ಎಂಬ ಹೆಸರು ಹಿಂದಿ ಧಾರಾವಾಹಿಗಳನ್ನು ವೀಕ್ಷಿಸುವವರಿಗೆ ಚಿರಪರಿಚಿತ ಹೆಸರು. ಚಂದ್ರಕಾಂತಾ ಸೀರಿಯಲ್ನ ಯುವರಾಣಿ ಚಂದ್ರಕಾಂತಾಳೇ ಮಧುರಿಮಾ ಟುಲಿ. ಹತ್ತು ವರ್ಷದ ಹಿಂದೆಯೇ ಬಾಲಿವುಡ್ಗೆ ಬಂದಿದ್ದರೂ ಇನ್ನೂ ಎಲೆಮರೆಯ ಕಾಯಿಯಂತೆಯೇ ಇರುವ ಮಧುರಿಮಾ ಕಿರುತೆರೆ ಮತ್ತು ಹಿರಿತೆರೆ ಎರಡರಲ್ಲೂ ಆಗಾಗ ಮಿಂಚುವುದನ್ನು ಅಭ್ಯಾಸ ಮಾಡಿಕೊಂಡಿದ್ದಾಳೆ.
2015ರಲ್ಲಿ ಬಂದ ಅಕ್ಷಯ್ ಕುಮಾರ್ ಹೀರೊ ಆಗಿದ್ದ ಬೇಬಿ ಚಿತ್ರವೇ ಮಧುರಿಮಾ ಬಣ್ಣದ ಬದುಕಿನ ದೊಡ್ಡ ಬ್ಯಾನರ್ನ ಚಿತ್ರ. ಅತ್ತ ತಮಿಳು, ತೆಲುಗು , ಕನ್ನಡಕ್ಕೂ ಹೋಗಿ ಬಂದಿರುವ ಮಧುರಿಮಾ ಈಗ ಇನ್ನೊಂದು ಉಗ್ರಗಾಮಿ ಕತೆಯ ವೆಬ್ಸೀರಿಯಲ್ನಲ್ಲಿ ನಟಿಸಲು ಆಯ್ಕೆಯಾಗುವ ಮೂಲಕ ಸುದ್ದಿ ಮಾಡಿದ್ದಾಳೆ. ಇದು ಉರಿ ಸೇನಾ ನೆಲೆಯ ಮೇಲೆ ನಡೆದ ಉಗ್ರರ ದಾಳಿಯ ಕುರಿತಾದ ವೆಬ್ ಸೀರಿಯಲ್. ಮಧುರಿಮಾ ಪತ್ರಕರ್ತೆಯಾಗಿ ಕಾಣಿಸಿಕೊಳ್ಳಲಿದ್ದಾಳೆ. ಬಚ್ನಾ ಯೇ ಹಸಿನೊ, ಟಾಸ್, ಸಿಗರೇಟ್ ಕೀ ತರಹ್, ವಾರ್ನಿಂಗ್, ಬೇಬಿ, ಹಮಾರಿ ಅಧೂರಿ ಕಹಾನಿ, ನಾಮ್ ಶಬನಾ ಮಧುರಿಮಾ ಇಷ್ಟರ ತನಕ ನಟಿಸಿರುವ ಹಿಂದಿ ಚಿತ್ರಗಳು. ಪಾತ್ರಗಳು ಒಂದಕ್ಕಿಂತ ಒಂದು ವೈವಿಧ್ಯವಾಗಿದ್ದರೂ ಯಾಕೋ ಮಧುರಿಮಾ ಎಂಬ ಈ ನಟಿ ಬೆಳಕಿಗೆ ಬರಲೇ ಇಲ್ಲ.
ಉತ್ತರ ಭಾರತದ ನಟಿಯರಿಗೆ ರತ್ನಗಂಬಳಿ ಹಾಸಿ ಸ್ವಾಗತ ನೀಡುವ ತೆಲುಗು ಮತ್ತು ತಮಿಳು ಚಿತ್ರರಂಗ ಕೂಡ ಮಧುರಿಮಾ ಪಾಲಿಗೆ ಪಕ್ಷಪಾತ ಮಾಡಿತು. ಅಲ್ಲೂ ಅವಳಿಗೆ ಹೇಳಿಕೊಳ್ಳುವಂಥ ಅವಕಾಶ ಸಿಗಲಿಲ್ಲ. ಇದೀಗ ಉರಿ ದಾಳಿಯನ್ನು ಆಧರಿಸಿ ತಯಾರಾಗುತ್ತಿರುವ ಇಂಡಿಯಾ ಸ್ಟ್ರೈಕ್ಸ್-10 ಡೇಸ್ ಎಂಬ ವೆಬ್ಸಿರೀಸ್ ಮೇಲೆ ಮಧುರಿಮಾ ಭಾರೀ ಭರವಸೆ ಇಟ್ಟುಕೊಂಡಿದ್ದಾಳೆ. ಪತ್ರಕರ್ತೆಯ ಪಾತ್ರವಾದರೂ ಇದು ಬಹಳ ಸವಾಲಿನ ಕೆಲಸ, ನೈಜ ಘಟನೆಯ ಹಿನ್ನೆಲೆಯಲ್ಲಿ ತಯಾರಾಗುತ್ತಿರುವುದರಿಂದ ವಾಸ್ತವಕ್ಕೆ ಚ್ಯುತಿಯಾಗದಂತೆ ಪಾತ್ರ ಪೋಷಣೆ ಅಗತ್ಯವಿದೆ ಎಂದೆನ್ನುತ್ತಾಳೆ ಮಧುರಿಮಾ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.