ಸ್ಟೂಡೆಂಟ್‌ ಲೆಕ್ಚರರ್‌ ಆದರೆ !

Team Udayavani, Sep 29, 2017, 6:30 AM IST

ಅರೆ ಏನಿದು? ಲೆಕ್ಚರರ್ಸ್‌ಗೆ ಡ್ರೆಸ್‌ ಕೋಡು ಇದೆಯಾ? ಅದು ಚೂಡಿದಾರನ? ನೋಡೋಕೆ ಕಾಲೇಜು ಸ್ಟೂಡೆಂಟ್‌ ತರ ಇದ್ದಾರೆ, ಇವರೆಂತಹ ಲೆಕ್ಚರರ್‌. ಹೌದು ಇದೆಲ್ಲಾ ಮಾತುಗಳು ನಿಮ್ಮ ಮನದಾಳದಲ್ಲಿ ಹುಟ್ಟುವುದು ಸಹಜ. ಹಾಗೇ ಎದುರು ಸಿಕ್ಕವರಿಗೆ ಕೇಳಿಯೇ ಕೇಳುತ್ತಿರಿ.ಕಾಲೇಜಲ್ಲಿ ಇದ್ದವರಿಗೆ ಇದು ಮಾಮೂಲಿ, ಅದೇ ನೀವೇನಾದರೂ ಹೊಸಬರು ಆಗಿದ್ದರೆ, ನಿಮಗೆ ಒಮ್ಮೆ ಆಶ್ಚರ್ಯ ಆಗುವುದು ನಿಜ. ನಿತ್ಯ ತರಗತಿಗಳು ನಡೆಯುತ್ತ  ಇರುವಾಗ ನೀವೊಮ್ಮೆ ಕಾಲೇಜು ಕಾರಿಡಾರಿನಲ್ಲಿ ಸರಿದಾಡುತ್ತ, ಕ್ಲಾಸುಗಳೆಡೆಗೆ ಕಣ್ಣು ಹಾಯಿಸಿದಾಗ ನಿಮಗೆ ಇಂಥ ಆಲೋಚನೆ ಬರುವುದು ದಿಟ.

ಹೌದು, ನಿಜವಾಗಲೂ ಇದು ಆಶ್ಚರ್ಯ ಪಡಬೇಕಾದುದೇ. ಒಂದು ಚೂರು ಅಂಜಿಕೆ, ಅಳುಕು ಇಲ್ಲದೆ ನಿರರ್ಗಳವಾಗಿ ಮಾತಾಡುವುದನ್ನು ಕಂಡು ಇದಕ್ಕೆ ಹೇಳುವ ಇನ್ನೊಂದು ಹೆಸರೇ ಸ್ಟೂಡೆಂಟ್‌ ಫ್ಯಾಕಲ್ಟಿ . ಇನ್ನು ವಿಸ್ತಾರವಾಗಿ ಹೇಳುವುದಾದರೆ ಅಂತಿಮ ಪದವಿ, ಹಾಗೂ ಸ್ನಾತಕೋತ್ತರ ಅಭ್ಯಸಿಸುತ್ತಲೇ ತಮ್ಮ ಜೂನಿಯರಿಗೆ ಪಾಠ ಮಾಡುವ ಅವಕಾಶವನ್ನು ಸ್ವಸಾಮರ್ಥ್ಯದಿಂದ ಪಡೆದಿರುವ ನಿಜವಾದ ಶಿಕ್ಷಕರು. ಇದು ಉಜಿರೆಯ ಎಸ್‌.ಡಿ.ಎಂ. ಕಾಲೇಜಿನ ಪ್ರಿನ್ಸಿಪಾಲರಾಗಿದ್ದ ಡಾ| ಬಿ. ಯಶೋವರ್ಮ ಅವರ ಕನಸಿನ ಕೂಸಾಗಿ ಹುಟ್ಟಿದ್ದು ಈವಾಗಲೂ ನಡೆಯುತ್ತಿದೆ.

ನಿಮಗೆ ಅನಿಸಬಹುದು, ಇದು ಹೇಗೆ ಎಂದು? ಇದು ಎಲ್ಲ ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗೂ ಅವಕಾಶ. ತಮಗೆ ಯಾವ ಸಬೆjಕ್ಟ್‌ನಲ್ಲಿ ಆಸಕ್ತಿ ಇದೆಯೋ ಅದರಲ್ಲಿ ಅವರಿಗೆ ಭಾಗವಹಿಸುವ ಅವಕಾಶವಿರುತ್ತದೆ. ಹೀಗೆ ಆಸಕ್ತಿ ಇದ್ದ ವಿದ್ಯಾರ್ಥಿಗಳಿಗೆ ಸಂದರ್ಶನ ಕೂಡ ನಡೆಯುತ್ತದೆ. ಈ ಸಂದರ್ಶನಕ್ಕೆ ಉಪನ್ಯಾಸಕರೇ ಜಡ್ಜ್jಗಳು, ಆಯ್ಕೆ ಬಯಸಿಬಂದ ವಿದ್ಯಾರ್ಥಿಗಳು ಉಪನ್ಯಾಸಕರ ಎದುರು ತಮ್ಮಿಚ್ಛೆಯ ವಿಷಯವನ್ನು ಪ್ರಾಯೋಗಿಕವಾಗಿ ಬೋಧಿಸಬೇಕು. ಪಕ್ಕ ಪ್ರೊಫೆಶ‌ನಲ್‌ ಇಂಟರ್‌ವ್ಯೂ ರೀತಿಯನ್ನೇ ಇಲ್ಲಿಯೂ ಬಳಸಲಾಗುತ್ತದೆ. ಹಾಗೆಯೇ ಅದಕ್ಕೆ ಸಂಬಂಧಿಸಿದ ಪ್ರಶ್ನೆಗಳನ್ನು ಕೇಳುವ ಅವಕಾಶ ಜಡ್ಜ್ಗಳಿಗೆ ಇದೆ. ನಂತರ ಆಯ್ಕೆ ಅದವರ ಹೆಸರನ್ನು ನೋಟೀಸ್‌ಬೋರ್ಡ್‌ನಲ್ಲಿ ಸೂಚಿಸಲಾಗುತ್ತದೆ, ಹೀಗೆ ಆಯ್ಕೆ ಆದ ವಿದ್ಯಾರ್ಥಿಗಳು ತಮ್ಮ ಆಯ್ಕೆ ಮಾಡಿದ ವಿಷಯಕ್ಕೆ ಬೇಕಾದ ಎಲ್ಲಾ ಸಿದ್ಧತೆಗಳನ್ನು ಸಂಬಂಧಪಟ್ಟ ಉಪನ್ಯಾಸಕರ ಮಾರ್ಗದರ್ಶನದಲ್ಲಿ ತಾವೇ ಸಿದ್ಧಪಡಿಸಬೇಕು. ತನ್ನ ವಿದ್ಯಾರ್ಥಿ ಕೆಲಸ ಓದಿನ ಜೊತೆಗೆ, ಬೋಧನೆಗೆ ಬೇಕಾದ ಎಲ್ಲಾ ಮಾಹಿತಿ ಅಂಕಿಅಂಶಗಳನ್ನು ಸಿದ್ಧಪಡಿಸಬೇಕು. ತಾನು ಬೋಧಿಸಿದ ವಿಷಯವನ್ನು ಉಪನ್ಯಾಸಕರು ಮತ್ತೂಮ್ಮೆ ಬೋಧಿಸದೆ ಇರುವುದರಿಂದ ಎಲ್ಲಾ ಜವಾಬ್ದಾರಿಯೂ ಅವರ ಮೇಲಿರುತ್ತದೆ. ತಾನು ಪಾಠ ಮಾಡುವ ಅವಧಿಯಲ್ಲಿ ಉಪನ್ಯಾಸಕರು ಇಲ್ಲದೆ ಇರುವುದರಿಂದ ಹಾಜರಾತಿಯಿಂದ ಹಿಡಿದು, ಬೋಧಿಸಿದ ವಿಷಯದ ಕುರಿತು ವಿದ್ಯಾರ್ಥಿಗಳ ಸಂಶಯವನ್ನು ನಿವಾರಿಸಬೇಕು. ತಾನು ಮಾಡಿದ ಪಾಠದ ಬಗ್ಗೆ ಪ್ರಶ್ನೆಗಳನ್ನು ಕೇಳುವ ಸ್ವಾತಂತ್ರ್ಯ ಅವರಿಗಿದೆ. ಜೊತೆಗೆ ತುಂಟ ವಿದ್ಯಾರ್ಥಿಗಳ ಕೀಟಲೆಯನ್ನು ಸಹಿಸಿಕೊಳ್ಳಬೇಕು.

ಈವಾಗ ನಿಮ್ಮ ಮನಸ್ಸಿನಲ್ಲಿ ಯೋಚನೆ ಬರಬಹುದು. ಇದರಿಂದ ಏನು ಪ್ರಯೋಜನ? ಪ್ರಯೋಜನ ಇದೇರಿ, ಇದೊಂದು ವೇದಿಕೆ ನಮ್ಮ ಜೀವನದ ದಿಕ್ಕನೇ ಬದಲಿಸಬಹುದು, ನಮ್ಮಲ್ಲಿರುವ ಹೊಸ ಆಲೋಚನೆಗಳಿಗೆ ಹೊಸ ಬುನಾದಿ. ನಮ್ಮ ಸಂಕೋಚ, ಭಯವನ್ನು ದೂರ ಮಾಡುತ್ತದೆ, ಸಂವಹನ ಕಲೆಯನ್ನು, ಜವಾಬ್ದಾರಿ ನಿರ್ವಹಿಸುವ ಕಲೆಯನ್ನು ವೃದ್ಧಿಸುತ್ತದೆ. ಎಲ್ಲೇ ಹೋದರೂ ಚಾಕಚಕ್ಯದಿಂದ ಮಾತಾಡಿಸುವ ಭಾವನೆಯನ್ನು ಮೂಡಿಸುತ್ತದೆ, ಅಲ್ಲದೆ ನಾಳೆ ಅದೆಷ್ಟೇ ಸಂದರ್ಶನಕ್ಕೆ ಹೋದಾಗ ನಿರರ್ಗಳವಾಗಿ ಮಾತಾಡುವಂತೆ ಮಾಡುವ ಕಲೆಯು ಇದಕ್ಕಿದೆ. 

ಹೀಗೆ ಉಪನ್ಯಾಸಕರಾಗಿ ಕಾರ್ಯನಿರ್ವಹಿಸಿದ ವಿದ್ಯಾರ್ಥಿಗಳಿಗೆ ಕಾಲೇಜಿನ ವಾರ್ಷಿಕ ದಿನದ ಸಂಭ್ರಮಾಚರಣೆಯ ವೇದಿಕೆಯಲ್ಲಿ ವಿಶೇಷ ಪ್ರಮಾಣಪತ್ರ ಮತ್ತು ನಿಗದಿಪಡಿಸಿದ ನಗದು ಬಹುಮಾನವನ್ನು ನೀಡಲಾಗುವುದು. ಇದು ಇವರಿಗೊಂದು ಮರೆಯಲಾಗದ ದಿನವೆ‌ಂದು ಹೇಳಿದರೂ ತಪ್ಪಾಗಲಾರದು. ನಗದು ಬಹುಮಾನವಾದರೆ, ಪ್ರಮಾಣಪತ್ರ ಭವಿಷ್ಯದ ಸಂಭಾವನೆಗೆ ನೀಡಲ್ಪಟ್ಟಿದ್ದು.

ಹೂಂ! ಇಷ್ಟೆಲ್ಲ ಹೇಳಿದ ಮೇಲೆ ಉಪನ್ಯಾಸಕರಾಗಿ ಅಥವಾ ಉಪನ್ಯಾಸಕಿಯಾಗಿ ಬೋಧನೆ ಮಾಡಿದ ವಿದ್ಯಾರ್ಥಿಗಳ ಅನುಭವ ಏನು ಎಂದು ಕೇಳ್ಳೋಣ? “ವಿದ್ಯಾರ್ಥಿಗಳಿಗೆ ಇದೊಂದು ಉತ್ತಮ ಅವಕಾಶ, ಅಲ್ಲದೆ ಒಂದು ರೀತಿಯ ಹೊಸ ಅನುಭವ ನೀಡುತ್ತದೆ. ಮುಂದೆ ಲೆಕ್ಚರ್‌ ಆಗಬೇಕು ಅಂದುಕೊಂಡವರಿಗೆ ಸಣ್ಣಮಟ್ಟದಲ್ಲಿ ಮೊದÇ ವೇದಿಕೆ’ ಎನ್ನುತ್ತಾರೆ ವಿದ್ಯಾರ್ಥಿನಿ ಸುವರ್ಚಲಾ. 

– ಸ್ವಸ್ತಿಕಾ 
ಎಸ್‌ಡಿಎಂ ಕಾಲೇಜು, ಉಜಿರೆ