Amazon Prime Day: ವಿವಿಧ ಬ್ರಾಂಡಿನ ಹೊಸ ಫೋನ್ ಗಳು ಲಾಂಚ್; ಭರ್ಜರಿ ರಿಯಾಯಿತಿ!

Team Udayavani, Jul 15, 2023, 9:41 PM IST

ಬೆಂಗಳೂರು: ಅಮೆಜಾನ್ ಪ್ರೈಮ್ ಡೇ ಜುಲೈ 15 ಮತ್ತು 16ರಂದು ನಡೆಯುತ್ತಿದ್ದು, ಗ್ರಾಹಕರಿಗೆ ಭರ್ಜರಿ ರಿಯಾಯಿತಿಗಳನ್ನು ಅಮೆಜಾನ್ ನೀಡಿದೆ.

ಐಫೋನ್ 14 ಬೆಲೆ 66,499 ರೂ.ಗಳಿಗೆ ಲಭ್ಯವಿದ್ದು, ಒನ್ ಪ್ಲಸ್ ತನ್ನ ನಾರ್ಡ್ 3 5ಜಿ ಹೊಸ ಫೋನ್ ಬಿಡುಗಡೆ ಮಾಡಿದೆ. ಇದರ ದರ 33,999 ರೂ. ನಿಂದ ಆರಂಭ. ಎಸ್ ಬಿ ಐ, ಮತ್ತು ಐಸಿಐಸಿಐ ಕ್ರೆಡಿಟ್ ಕಾರ್ಡ್ ಗಳಿಗೆ ಶೇ. 10 ರಿಯಾಯಿತಿ ಇದೆ. ಸ್ಯಾಮ್ ಸಂಗ್ ಗ್ಯಾಲಕ್ಸಿ ಎಂ 34 5ಜಿ ಲಾಂಚ್ ಆಗಿದ್ದು, 16,999 ರೂ. ಗೆ ದೊರಕುತ್ತಿದೆ. ರಿಯಲ್ ಮಿ ನಾರ್ಜೊ 60 5ಜಿ ಫೋನ್ ಸಹ ಪ್ರೈಮ್ ಡೇ ಗೆ ಬಿಡುಗಡೆಯಾಗಿದೆ. ಇದರ 17,999 ರೂ. ನಿಂದ ಆರಂಭ.

ಇದಲ್ಲದೇ, ಮೊಟೊರೋಲ, ಬೋಟ್, ಸೋನಿ, ಆಲನ್ ಸೋಲ್ಲಿ, ಲೈಫ್ ಸ್ಟೈಲ್, ಟೈಟಾನ್, ಫಾಸಿಲ್, ಪ್ಯೂಮಾ, ಟಾಟಾ, ಡಾಬರ್ ನಂತಹ 400 ಕ್ಕೂ ಹೆಚ್ಚು ಭಾರತೀಯ ಮತ್ತು ಜಾಗತಿಕ ಬ್ರಾಂಡ್‌ಗಳು ತಮ್ಮಹೊಸ ಉತ್ಪನ್ನಗಳನ್ನು ಬಿಡುಗಡೆ ಮಾಡಿವೆ.

ಅಮೆಜಾನ್ ಇಂಡಿಯಾದ ಪ್ರೈಮ್ ನಿರ್ದೇಶಕ ಅಕ್ಷಯ್ ಸಾಹಿ ಮಾತನಾಡಿ, 2017 ರಿಂದ ಪ್ರೈಮ್ ಡೇ ಆರಂಭವಾಗಿದ್ದು, ನಾವು ಪ್ರೈಮ್ ಡೇ ಅನ್ನು ಪ್ರೈಮ್ ಸದಸ್ಯರ ವಿಶೇಷ ಹಬ್ಬವಾಗಿ ರೂಪಿಸಿದ್ದೇವೆ. ಮೊದಲ ಆವೃತ್ತಿಯಿಂದ ಇಂದಿನವರೆಗೆ, ಪ್ರೈಮ್ ಡೇ ನಮ್ಮ ಗ್ರಾಹಕರ ಅಗತ್ಯಗಳನ್ನು ಪೂರೈಸುವ ಅತ್ಯಂತ ಸೂಕ್ತವಾದ ಡೀಲ್‌ಗಳು, ಲಾಂಚ್‌ಗಳು ಮತ್ತು ಮನರಂಜನಾ ಕೊಡುಗೆಗಳನ್ನು ನೀಡುತ್ತಿದೆ ಎಂದು ತಿಳಿಸಿದ್ದಾರೆ.