ರೆಡ್‍ಮಿ ಟಿವಿ ಖರೀದಿಯೊಂದಿಗೆ ಹಂಗಮಾ ಪ್ಲೇ ವಾರ್ಷಿಕ ಪ್ರೀಮಿಯಂನಲ್ಲಿ ರಿಯಾಯಿತಿ  

Team Udayavani, Mar 25, 2021, 10:10 PM IST

ನವದೆಹಲಿ:  ಹಂಗಾಮಾ ಡಿಜಿಟಲ್ ಮೀಡಿಯಾ ಒಡೆತನದ ಪ್ರಮುಖ ವೀಡಿಯೊ ಆನ್ ಡಿಮ್ಯಾಂಡ್ ಪ್ಲಾಟ್‍ಫಾರಂ ಹಂಗಮಾ ಪ್ಲೇನ ವಾರ್ಷಿಕ ಚಂದಾದಾರಿಕೆಯಲ್ಲಿ ಬಳಕೆದಾರರು ಈಗ ಶೇ.50ರಷ್ಟು ರಿಯಾಯಿತಿ ಪಡೆಯಬಹುದು. ರೆಡ್ಮಿ ಟಿವಿ ಬಳಕೆದಾರರಿಗೆ ಇದು ಪ್ರತ್ಯೇಕ ದರದಲ್ಲಿ ಲಭ್ಯವಿದೆ.

ವಿಷಯ ಆಧಾರಿತ ಮತ್ತು ಇತರ ವಿವಿಧ ಪ್ರಕಾರಗಳಲ್ಲಿ 150,000 ಕ್ಕೂ ಹೆಚ್ಚು ಸಣ್ಣ ವೀಡಿಯೊಗಳು ವೀಕ್ಷಣೆಗೆ ಲಭ್ಯವಿವೆ. ಬಳಕೆದಾರರು ಇತ್ತೀಚಿನ ಹಾಲಿವುಡ್ ಚಲನಚಿತ್ರಗಳಾದ ಜಾಕ್ ಸಿಡ್ನಿ ಅವರ ಜಸ್ಟೀಸ್ ಲೀಗ್ ಮತ್ತು ವಂಡರ್ ವುಮನ್ 1984 ಇಲ್ಲಿ ವೀಕ್ಷಿಸಬಹುದು. ಇವೆರಡನ್ನೂ ಹಂಗಮಾ ಪ್ಲೇನ ಪ್ರೀಮಿಯಂ ಚಂದಾದಾರಿಕೆಯಲ್ಲಿ ವೀಕ್ಷಿಸಬಹುದು.

ರೆಡ್ಮಿ ಸ್ಮಾರ್ಟ್ ಟಿವಿ ಎಕ್ಸ್ ಸರಣಿಯು, ಅಂಡ್ರಾಯ್ಡ್  10 ಜತೆಗೆ ಪ್ಯಾಚ್ ವಾಲ್ ಮತ್ತು 2 ಜಿಬಿ ರಾಮ್ ಹಾಗೂ 16 ಜಿಬಿ ಸ್ಟೋರೇಜ್ ಹೊಂದಿರುವ ಕ್ವಾಡ್ ಕೋರ್ ಪ್ರೊಸೆಸರ್ ಹೊಂದಿದೆ. ಪ್ಯಾಚ್ ವಾಲ್ 16 ವಿವಿಧ ಭಾಷೆಗಳಲ್ಲಿ  25ಕ್ಕೂ ಹೆಚ್ಚು ಕಂಟೆಂಟ್ ಪಾಲುದಾರರಿಗೆ ಪ್ರವೇಶವನ್ನು ಒದಗಿಸುತ್ತದೆ.