ಗೋಲ್ಡ್ ಮೆಡಲ್ ನಿಂದ ಅಲಂಕಾರಿಕ ಶ್ರೇಣಿಯ ಹೂಪ್ಲಾ ಫ್ಯಾನ್‍: ಏನಿದರ ವೈಶಿಷ್ಠ್ಯತೆ?

Team Udayavani, Nov 11, 2021, 4:25 PM IST

ವಿದ್ಯುತ್‍ ಸ್ವಿಚ್‍ ಗಳು, ವಿದ್ಯುತ್‍ ವೈರ್ ಮತ್ತಿತರ ವಿದ್ಯುತ್‍ ಉಪಕರಣಗಳ ಬ್ರಾಂಡ್‍ ಆದ ಗೋಲ್ಡ್ ಮೆಡಲ್‍ ಎಲೆಕ್ಟ್ರಿಕಲ್ಸ್ ಸೀಲಿಂಗ್‍ ಫ್ಯಾನ್ ಗಳ ಮಾರುಕಟ್ಟೆಯಲ್ಲೂ ತನ್ನ ಅಸ್ತಿತ್ವ ಪ್ರದರ್ಶಿಸಿದೆ. ಈಗಾಗಲೇ ಏರ್ 9 ಪ್ಲಸ್, ಬ್ರೀಜ್, ಎಕ್ಸೆಲ್, ಲಿವೋ, ನೆಕ್ಸಾ, ಸ್ಪೆನ್ಸರ್, ಮಾಡುಲರ್ ಫೆರ್ರಿಯೋ ಮತ್ತಿತರ ಫ್ಯಾನ್‍ ಗಳನ್ನು ಹೊರತಂದಿದೆ. ಇತ್ತೀಚಿಗೆ ಅದು ಹೂಪ್ಲಾ ಎಂಬ ಅಲಂಕಾರಿಕ ಮಾದರಿಯ ಫ್ಯಾನ್ ಗಳನ್ನು ಬಿಡುಗಡೆ ಮಾಡಿದೆ.

ಕೇಂದ್ರ ಸರ್ಕಾರದ ಆತ್ಮನಿರ್ಭರ್ ಭಾರತ್‍ ಪರಿಕಲ್ಪನೆಯಡಿ, ಭಾರತೀಯ ಕಂಪೆನಿಯಾದ ಗೋಲ್ಡ್ ಮೆಡಲ್ ಸಂಪೂರ್ಣ ಸ್ವದೇಶಿ ಬಿಡಿಭಾಗಗಳನ್ನು ಬಳಸಿ ಫ್ಯಾನ್‍ ಗಳನ್ನು ತಯಾರಿಸುತ್ತಿದೆ.

3 ಬ್ಲೇಡ್‍ ಗಳ ಈ ಹೂಪ್ಲಾ ಫ್ಯಾನ್‍ 1200 ಎಂಎಂ ಅಳತೆಯ ಬ್ಲೇಡ್‍ ಗಳನ್ನು ಹೊಂದಿದೆ. ಈ ಬ್ಲೇಡ್‍ ಗಳು ಮತ್ತು ಬಾಡಿ ಹೈಗ್ರೇಡ್‍ ಅಲ್ಯುಮೀನಿಯಂ ನಿಂದ ತಯಾರಾಗಿದೆ. ಫ್ಯಾನಿನ ಬ್ಲೇಡ್‍ ಮತ್ತು ಬಾಡಿಯನ್ನು ಧೂಳು ಅಂಟದಂತೆ ವಿನ್ಯಾಸ ಮಾಡಲಾಗಿದೆ. ಫ್ಯಾನಿನ ವಿನ್ಯಾಸ ಗಮನ ಸೆಳೆಯುತ್ತದೆ.

ಹೂಪ್ಲಾ ಫ್ಯಾನ್ 72 ವ್ಯಾಟ್ಸ್ ಮೋಟರ್ ಹೊಂದಿದೆ. ಈ ಮೋಟರ್ ಜೋಡಿ ಬಾಲ್‍ ಬೇರಿಂಗ್‍ ಉಳ್ಳದ್ದಾಗಿದ್ದು, ಮೋಟರ್ ಸಂಪೂರ್ಣ ಹೈಗ್ರೇಡ್‍ ಕಾಪರ್ ವೈಂಡಿಂಗ್‍ ಹೊಂದಿದೆ. ಕಾಪರ್‍ ವೈಂಡಿಂಗ್‍ ಬಾಳಿಕೆಗೆ ಹೆಸರುವಾಸಿಯಾಗಿದೆ.

ವಿಶಾಲವಾದ ಬ್ಲೇಡ್‌ಗಳೊಂದಿಗೆ 230 CMM ಗಾಳಿಯನ್ನು ನೀಡುತ್ತದೆ. ಮೋಟರ್‍ 380 RPM ವೇಗ ಹೊಂದಿದೆ. ಹೀಗಾಗಿ ಕೋಣೆಯ ಹೆಚ್ಚಿನ ಪ್ರದೇಶಕ್ಕೆ ಗಾಳಿ ತಲುಪುತ್ತದೆ. ಕಡಿಮೆ ವಿದ್ಯುತ್‍ ಬಳಸಿಕೊಳ್ಳುತ್ತದೆ. ಹೆಚ್ಚಿನ ಫ್ಯಾನ್‍ ಗಳ ಸಮಸ್ಯೆಯೆಂದರೆ ಅವುಗಳ ಶಬ್ದ. ಮೂರು ಅಥವಾ ನಾಲ್ಕನೇ ನಂಬರ್‍ ಗೆ ಹಾಕಿದಾಗ ಹೆಚ್ಚು ಶಬ್ದ ಮಾಡುತ್ತವೆ. ಅಲ್ಲದೇ ಒಂದು ಅಥವಾ ಎರಡನೇ ಸಂಖ್ಯೆಗೆ ಹೆಚ್ಚು ವೇಗವಾಗಿ ತಿರುಗತೊಡಗುತ್ತವೆ. ಆದರೆ ಹೂಪ್ಲಾದಲ್ಲಿ ಆ ಸಮಸ್ಯೆ ಇಲ್ಲ. ಹೆಚ್ಚು ವೇಗದಲ್ಲೂ ಕಡಿಮೆ ಶಬ್ದ ಹೊಂದಿದೆ.

ಆಧುನಿಕ ವಿನ್ಯಾಸವನ್ನು ಹೊಂದಿದ್ದು, ಗೋಲ್ಡ್, ಸಿಲ್ವರ್, ಬ್ಲೂ, ಬ್ರೌನ್ ಮೆಟಾಲಿಕ್‍ ಬಣ್ಣಗಳನ್ನು ಹೊಂದಿದೆ. ಪ್ರೀಮಿಯಂ ವಿನ್ಯಾಸ ಮತ್ತು ಶಕ್ತಿಯುತ ಮೋಟಾರ್ ಹೊಂದಿದೆ. ಐಷಾರಾಮಿ ವಿನ್ಯಾಸ ಹೊಂದಿದ್ದರೂ ಕೈಗೆಟುಕುವ ದರದಲ್ಲಿ ಈ ಫ್ಯಾನನ್ನು ನೀಡುತ್ತಿದ್ದು, ನೀಡುವ ಹಣಕ್ಕೆ ತಕ್ಕ ಮೌಲ್ಯ ನೀಡುವ ಫ್ಯಾನ್‍ ಗಳು ಇವಾಗಿವೆ ಎಂದು ಕಂಪೆನಿ ತಿಳಿಸಿದೆ.

ಫ್ಯಾನ್ ನ ಗರಿಷ್ಠ ಮಾರಾಟ ಬೆಲೆ ರೂ 3450 ರೂ. ಇದೆ. ಹೂಪ್ಲಾ ಫ್ಯಾನ್‍ ಗಳಿಗೆ 2 ವರ್ಷದ ವಾರಂಟಿ ಸಹ ಲಭ್ಯವಿದೆ. ಎಲ್ಲ ಎಲೆಕ್ಟ್ರಿಕಲ್ಸ್ ಮಳಿಗೆಗಳಲ್ಲಿ ದೊರಕುತ್ತದೆ.