ಜುಲೈ 20ರಂದು ಜೆಫ್ ಬೆಝೋಸ್‌ ಬಾಹ್ಯಾಕಾಶ ಸಾಹಸ

Team Udayavani, Jul 19, 2021, 9:48 AM IST

ವಾಷಿಂಗ್ಟನ್: ಅಮೆಜಾನ್‌ ಸಂಸ್ಥಾಪಕ, ಉದ್ಯಮಿ ಜೆಫ್ ಬೆಝೋಸ್ ತಮ್ಮಮಹತ್ವಾಕಾಂಕ್ಷೆಯ ಗಗನಯಾತ್ರೆಯನ್ನು ಮಂಗಳವಾರ (ಜು.20) ಕೈಗೊಳ್ಳಲಿದ್ದಾರೆ.ಅವರದ್ದೇ ಸ್ಪೇಸ್‌ಟೂರಿಸಂ ಕಂಪನಿ ಬ್ಲೂಒರಿಜಿನ್‌ನ ಟಿಬಿಸಿ ಕ್ಯಾಪ್ಸೂಲ್‌ನಲ್ಲಿ ಅವರು ಪ್ರಯಾಣಕೈಗೊಳ್ಳಲಿದ್ದಾರೆ. ಸುಮಾರು 10ನಿಮಿಷಗಳ ಅಂತರಿಕ್ಷ ಪ್ರದಕ್ಷಿಣೆ ನಂತರ ಮರಳಿ ಭೂಮಿಗೆ ಬರಲಿದ್ದಾರೆ.ಈ ಪಯಣದ ತಾಂತ್ರಿಕ ವಿಚಾರಗಳ ಮಾಹಿತಿ ಇಲ್ಲಿದೆ.

ಪಯಣಿಗರ್ಯಾರು?
*ಜೆಫ್ ಬೆಝೋಸ್‌ (57 ವರ್ಷ), ಅವರ ಸಹೋದರ ಮಾರ್ಕ್‌ ಬೆಝೋಸ್‌ (53), ವೈಮಾನಿಕ ವಿಜ್ಞಾನಿ ವ್ಯಾಲಿ ಫಂಕ್‌ (82) ಹಾಗೂ ಭೌತಶಾಸ್ತ್ರದ ವಿದ್ಯಾರ್ಥಿ ಒಲಿವರ್‌ ಡೆಮೆನ್‌ (18).

ವಿಶೇಷಗಳೇನು?
* ಚಂದ್ರನ ಮೇಲೆ ಮನುಷ್ಯ ಮೊದಲು ಕಾಲಿಟ್ಟಿದ್ದ ದಿನಾಂಕದ ಸಂಸ್ಮರಣೆಗಾಗಿ (ನೀಲ್‌ ಆರ್ಮ್ಸ್ಟ್ರಾಂಗ್‌; 1969ರ ಜು. 20) ಜೆಫ್ ಬಝೋಸ್‌ ಬಾಹ್ಯಾಕಾಶ ಪಯಣ ನಿಗದಿ.

*ಗಗನಯಾತ್ರಿ ಅಲಾನ್‌ ಶೆಪರ್ಡ್‌ ಸ್ಮರಣಾರ್ಥ, ಗಗನನೌಕೆಗೆ ನ್ಯೂ ಶೆಪರ್ಡ್‌ ಎಂಬ ಹೆಸರು.

*ಒಲಿವರ್‌ಗೆ ಬಾಹ್ಯಾಕಾಶ ಯಾತ್ರೆ ಕೈಗೊಳ್ಳುತ್ತಿರುವ ಅತಿ ಕಿರಿಯ ಎಂಬ ಹೆಗ್ಗಳಿಕೆ. ಈ ಹಿಂದೆ ಅತಿ ಕಿರಿಯ ಗಗನಯಾತ್ರಿ ಎಂಬ ದಾಖಲೆ ಬರೆದಿದ್ದ ರಷ್ಯಾದ ಘೆರ್ಮನ್‌ ಟಿಟೊವ್‌ ದಾಖಲೆ ಮುರಿದ ಒಲಿವರ್‌. 1962ರಲ್ಲಿ ಘೆರ್ಮನ್‌, ತಮ್ಮ 25ನೇ ವಯಸ್ಸಿನಲ್ಲಿ ಸೋವಿಯರ್‌ ರಷ್ಯಾದ ವೊಸ್ಟೊಕ್‌ 2 ಯೋಜನೆಯಡಿ ಬಾಹ್ಯಾಕಾಶಕ್ಕೆ ತೆರಳಿದ್ದರು.

ಉಡಾವಣೆ ಸಮಯ
ಭಾರತೀಯ ಕಾಲಮಾನ
ಜು. 20ರ ಸಂಜೆ 6:30ಕ್ಕೆ

ಉಡಾವಣೆ ನೇರಪ್ರಸಾರ
www.neworigingold.com
ಜಾಲತಾಣದಲ್ಲಿ (ಸಂಜೆ 5:30ರಿಂದ)