ಹಂಗಾಮ ಹೈಲೈಫ್ ನಿಂದ ಬ್ಲೂಟೂತ್ ಹೆಡ್‌ ಫೋನ್‌, ವೈರ್‌ಲೆಸ್ ಇಯರ್‌ ಬಡ್‌ ಬಿಡುಗಡೆ

Team Udayavani, Sep 26, 2021, 12:49 PM IST

ನವದೆಹಲಿ: ಡಿಜಿಟಲ್ ಮನರಂಜನಾ ಕಂಪನಿಯಾದ ಹಂಗಾಮ ಆರಂಭಿಸಿದ ಲೈಫ್ ಸ್ಟೈಲ್ ಬ್ರಾಂಡ್ ‘ಹಂಗಾಮ ಹೈಲೈಫ್’ ಶ್ರೇಣಿಯು, ಗ್ರಾಹಕ ತಂತ್ರಜ್ಞಾನ ಉತ್ಪನ್ನಗಳಾದ ಬ್ಲೂಟೂತ್ ಹೆಡ್‌ ಫೋನ್‌ಗಳು, ವೈರ್‌ಲೆಸ್ ಇಯರ್ ಬಡ್‌ಗಳು, ನೆಕ್‌ ಬ್ಯಾಂಡ್‌ಗಳು ಮತ್ತು ಬ್ಲೂಟೂತ್ ಸ್ಪೀಕರ್‌ಗಳನ್ನು ಒಳಗೊಂಡಿದೆ.

ಪ್ರತಿ ಖರೀದಿಯೊಂದಿಗೆ, ಗ್ರಾಹಕರು ಹಂಗಾಮ ಮ್ಯೂಸಿಕ್ ಮತ್ತು ಹಂಗಾಮ ಪ್ಲೇಗೆ ವಾರ್ಷಿಕ ಚಂದಾದಾರಿಕೆಗಳನ್ನು ಪಡೆಯುತ್ತಾರೆ. ಚಂದಾದಾರಿಕೆಗಳನ್ನು ಸಕ್ರಿಯಗೊಳಿಸಲು, ಬಳಕೆದಾರರು ಪ್ರತಿ ಉತ್ಪನ್ನದೊಂದಿಗೆ ಒದಗಿಸಲಾದ ವಿಶೇಷ NFC ಕಾರ್ಡ್‌ಗಳಲ್ಲಿ ತಮ್ಮ NFC-ಮಾಹಿತಿಗಳನ್ನು ನಮೂದಿಸಬೇಕಾಗುತ್ತದೆ. ಪರ್ಯಾಯವಾಗಿ, ಉತ್ಪನ್ನಗಳೊಂದಿಗೆ ಒದಗಿಸಲಾದ ಕ್ಯೂಆರ್ ಕೋಡ್‌ ಗಳನ್ನು ಬಳಸಿಕೊಂಡು ಅವರು ತಮ್ಮ ಚಂದಾದಾರಿಕೆಗಳನ್ನು ಸಕ್ರಿಯಗೊಳಿಸಬಹುದು.

ರೂ 2,199 ಮತ್ತು ರೂ.4,999 ನಡುವಿನ ಕೈಗೆಟುಕುವ ಬೆಲೆಯ ಈ ಉತ್ಪನ್ನಗಳು ಈಗ ಅಮೆಜಾನ್ ಇಂಡಿಯಾ ಮತ್ತು ಪ್ಲಿಫ್ ಕಾರ್ಟ್ ಗಳಲ್ಲಿ ಲಭ್ಯವಿದೆ.

ಹಂಗಾಮ ಹೈಲೈಫ್‌ನ ಪ್ರಸ್ತುತ ಉತ್ಪನ್ನಗಳಲ್ಲಿ ಬಝ್ 101, ಬ್ಲೂಟೂತ್ ಹೆಡ್‌ಫೋನ್ ಲಭ್ಯವಿದೆ. ಇದು ಅನಗತ್ಯ ಶಬ್ದಗಳನ್ನು ರದ್ದುಗೊಳಿಸುವ ಹಾಗೂ ಕೇವಲ 1 ಗಂಟೆ ಚಾರ್ಜಿಂಗ್ ನೊಂದಿಗೆ ನಿರಂತರ 9 ಗಂಟೆಗಳ ಪ್ಲೇಬ್ಯಾಕ್ ಸಾಮರ್ಥ್ಯವನ್ನು ಒಳಗೊಂಡಿದೆ. ಇದು ಹೆಚ್ಚಿನ ಆರಾಮ ನೀಡುವ ಸಲುವಾಗಿ ಚರ್ಮದ ಇಯರ್‌ಮಫ್‌ಗಳನ್ನು ಹೊಂದಿದೆ. ಹೆಡ್‌ಫೋನ್‌ಗಳು ಬೆವರು ನಿರೋಧಕವಾಗಿದ್ದು, ಬೇಸಿಗೆಯಲ್ಲೂ ಬಳಸಲು ಸೂಕ್ತವಾಗಿವೆ.

ಇದನ್ನೂ ಓದಿ:ಬೆಳ್ಳಿ ಪರದೆ ಮೇಲೆ ‘ಭಜರಂಗಿ-2’ ಅಬ್ಬರಕ್ಕೆ ಮುಹೂರ್ತ ಫಿಕ್ಸ್  

ಬಜ್ 101 ಬೆಲೆ 4,999 ರೂ.ಯಾಗಿದೆ. ಜಂಪ್ 101 ಎಂಬುದು ಹಂಗಾಮ ಹೈಲೈಫ್‌ನ ನೆಕ್‌ಬ್ಯಾಂಡ್ ಆಗಿದ್ದು ಅದು 12 ಗಂಟೆಗಳ ಪ್ಲೇಬ್ಯಾಕ್ ಸಾಮರ್ಥ್ಯವನ್ನು ಒಳಗೊಂಡಿದೆ. ತ್ವರಿತ ಚಾರ್ಜಿಂಗ್ ತಂತ್ರಜ್ಞಾನವನ್ನು ಹೊಂದಿದೆ. ಇದು ಕೇವಲ 30 ನಿಮಿಷಗಳಲ್ಲಿ 80% ಚಾರ್ಜ್ ಅನ್ನು ಪೂರ್ಣಗೊಳಿಸುತ್ತದೆ. ರೂ,2,199 ದರದ ಜಂಪ್ 101 ಕೂಡಾ ಬೆವರು ನಿರೋಧಕ ಹೊಂದಿದೆ. ಇದರ MAXX-BASS ಆಯ್ಕೆಯು ಗಾಯನ ಕೇಳಿಸುವ ಅತ್ಯುತ್ತಮ ಅನುಭವ ನೀಡುತ್ತವೆ. ಬೌನ್ಸ್ 101, ಬ್ರಾಂಡ್‌ನ ವೈರ್‌ಲೆಸ್ ಇಯರ್‌ಬಡ್‌ಗಳು, ಐಪಿಎಕ್ಸ್ 4 ವಾಟರ್ ರೆಸಿಸ್ಟೆನ್ಸ್ ರೇಟಿಂಗ್‌ನೊಂದಿಗೆ ಲಭ್ಯವಿದೆ. ವರ್ಧಿತ ಬಾಸ್ ಮತ್ತು ಕ್ರಿಸ್ಟಲ್ ಕ್ಲಿಯರ್ ಧ್ವನಿಯನ್ನು ಒದಗಿಸುತ್ತದೆ. ಇದರ ಮಾರುಕಟ್ಟೆ ಬೆಲೆ ರೂ 2,999. ಬ್ಲೂಟೂತ್ ಸ್ಪೀಕರ್ ಆಗಿರುವ ಗ್ರೂವ್ 101, ಹಗುರವಾದ ಪೋರ್ಟಬಲ್ ವಿನ್ಯಾಸವನ್ನು ಒಳಗೊಂಡಿದೆ, ಸಮಗ್ರ ನಿಯಂತ್ರಣದೊಂದಿಗೆ 10 ಮೀಟರ್ ವರೆಗಿನ ಬ್ಲೂಟೂತ್ ಶ್ರೇಣಿಯನ್ನು ಹೊಂದಿದೆ. ಇದು ಎಚ್ಡಿ ಗುಣಮಟ್ಟದ ಧ್ವನಿಯನ್ನು ಕೇಳಿಸುತ್ತದೆ ಮತ್ತು ಇದು ರೂ 3,999 ಕ್ಕೆ ಲಭ್ಯವಿದೆ.