ಟ್ವಿಟರ್‌ ಬಳಕೆದಾರರಿಗೆ ಸಿಹಿ ಸುದ್ದಿ! ಹಳೇ ಟ್ವೀಟ್‌ಗಳ ವರ್ಗಾವಣೆ ಅವಕಾಶ

Team Udayavani, Dec 19, 2022, 8:00 AM IST

ನವದೆಹಲಿ: “ಟ್ವಿಟರ್‌ ಬಳಕೆದಾರರು “ಕೂ’ ಆ್ಯಪ್‌ ಡೌನ್‌ಲೋಡ್‌ ಮಾಡಿಕೊಂಡರೆ, ತಮ್ಮ ಹಳೆಯ ಎಲ್ಲ ಟ್ವೀಟ್‌ಗಳನ್ನು “ಕೂ’ಗೆ ವರ್ಗಾಯಿಸಬಹುದು.

ಜತೆಗೆ “ಕೂ’ ಬಳಕೆದಾರರು ವೆರಿಫಿಕೇಶನ್‌ ಬ್ಯಾಡ್ಜ್ ಪಡೆಯಲು ಯಾವುದೇ ರೀತಿಯ ಶುಲ್ಕ ವಿಧಿಸದೇ ಇರುವ ಕ್ರಮ ಮುಂದುವರಿಯಲಿದೆ,’ ಎಂದು ಕೂ ಸಹ ಸಂಸ್ಥಾಪಕ, ಸಿಇಒ ಅಪ್ರಮೇಯ ರಾಧಾಕೃಷ್ಣ ತಿಳಿಸಿದರು.

ಟ್ವಿಟರ್‌ಗೆ ಪರ್ಯಾಯವಾಗಿ ಅಭಿವೃದ್ಧಿಪಡಿಸಿರುವ “ಕೂ’ ಭಾರತೀಯ ಕಂಪನಿಯಾಗಿದೆ. “ಕೂ ಬಳಕೆದಾರರು ಭಾರತೀಯ ಭಾಷೆಗಳಲ್ಲಿ ತಮ್ಮ ಅನಿಸಿಕೆಗಳನ್ನು ವ್ಯಕ್ತಪಡಿಸಬಹುದು.

ಈಗಾಗಲೇ 5 ಕೋಟಿ ಮಂದಿ ಕೂ ಆ್ಯಪ್‌ ಡೌನ್‌ಲೋಡ್‌ ಮಾಡಿಕೊಂಡಿದ್ದಾರೆ. ಬಳಕೆದಾರರು ಸ್ವಯಂ ತಮ್ಮ ಖಾತೆಯನ್ನು ಪರಿಶೀಲನೆಗೆ ಒಳಪಡಿಸಬಹುದು. ಅಲ್ಲದೇ ಗಣ್ಯ ವ್ಯಕ್ತಿಗಳು ಯೆಲ್ಲೊ ಬ್ಯಾಡ್ಜ್ ಪಡೆಯಲು ಯಾವುದೇ ಶುಲ್ಕ ಇರುವುದಿಲ್ಲ,’ ಎಂದು ವಿವರಿಸಿದ್ದಾರೆ.