ಲಾವಾದಿಂದ ಅಗ್ಗದ ದರದ ಎಕ್ಸ್ 2 ಮೊಬೈಲ್‍ ಬಿಡುಗಡೆ

Team Udayavani, Mar 8, 2022, 3:52 PM IST

ಬೆಂಗಳೂರು: ಭಾರತೀಯ ಮೊಬೈಲ್‍ ಫೋನ್‍ ಬ್ರಾಂಡ್‍ ಆದ ಲಾವಾ ಇಂಟರ್‌ನ್ಯಾಶನಲ್ ಲಿಮಿಟೆಡ್ ತನ್ನ ಹೊಸ ‘X’ ಸರಣಿಯ ಅಡಿಯಲ್ಲಿ, ಆನ್‌ಲೈನ್ ಮಾರಾಟದ ವಿಶೇಷ ಸ್ಮಾರ್ಟ್‌ಫೋನ್- Lava X2 ಅನ್ನು ಬಿಡುಗಡೆ ಮಾಡಿದೆ.

ಗ್ರಾಹಕರು ಇ-ಕಾಮರ್ಸ್‌ನತ್ತ ಹೆಚ್ಚು ಆಕರ್ಷಿತರಾಗುತ್ತಿರುವುದನ್ನು ಗಮನದಲ್ಲಿಟ್ಟುಕೊಂಡು ಅಮೆಜಾನ್‍.ಇನ್‍ ಮೂಲಕ ವಿಶೇಷ ಮಾದರಿಯನ್ನು ಬಿಡುಗಡೆ ಮಾಡಲಾಗಿದೆ. ಅಮೆಜಾನ್‌ನಲ್ಲಿ 6599 ರೂ. ರಿಯಾಯಿತಿ ದರದಲ್ಲಿ ಮುಂಗಡ ಬುಕಿಂಗ್‌ ನಲ್ಲಿ ದೊರಕುತ್ತಿದೆ. ಈ ಪ್ರಿ-ಬುಕಿಂಗ್ ಕೊಡುಗೆಯು ಮಾರ್ಚ್ 11 ರವರೆಗೆ ಮಾತ್ರ ಇರುತ್ತದೆ. ನಂತರ 6999 ರೂ. ಇರುತ್ತದೆ.

Lava X2, ಹೆಚ್ಚುವರಿ ಭದ್ರತೆ, ದೃಢವಾದ ವಿನ್ಯಾಸ ಮತ್ತು ದೀರ್ಘಾವಧಿಯ ಬ್ಯಾಟರಿ ಬಾಳಿಕೆ ಹೊಂದಿದೆ. ಇದು ಕಡಿಮೆ-ಬಜೆಟ್ ಕಾರ್ಯಕ್ಷಮತೆಯನ್ನು ಹುಡುಕುವವರಿಗೆ ಸೂಕ್ತವಾದ ಸ್ಮಾರ್ಟ್‌ಫೋನ್ ಆಗಿದೆ ಎಂದು ಕಂಪೆನಿ ತಿಳಿಸಿದೆ. ಅಮೆಜಾನ್ ಹೊರತುಪಡಿಸಿ, ಫೋನ್ ಲಾವಾ ಇ-ಸ್ಟೋರ್‌ನಲ್ಲಿಯೂ ಖರೀದಿಸಲು ಲಭ್ಯವಿರುತ್ತದೆ.

ಇದನ್ನೂ ಓದಿ:ದುಡಿಮೆಗೆ ದಾರಿ ತೋರಿದ “ಅಶ್ವಿ‌ನಿ ಲೇಡಿ ಕಾರ್ನರ್‌’; ಸ್ವಾವಲಂಬನೆಯತ್ತ ಒಲವು

Lava X2 6.5-ಇಂಚಿನ HD+ IPS ನಾಚ್ ಡಿಸ್‍ಪ್ಲೇ ಹೊಂದಿದೆ, 5000 mAh ಬ್ಯಾಟರಿ. 2 GB RAM ಮತ್ತು 32 GB ಆಂತರಿಕ ಸಂಗ್ರಹ ಹೊಂದಿದೆ. ಫಿಂಗರ್‌ಪ್ರಿಂಟ್ ಸ್ಕ್ಯಾನರ್‍ ಮತ್ತು ಫೇಸ್ ಅನ್‌ಲಾಕ್ ಇದೆ. 8MP ಡ್ಯುಯಲ್ ರಿಯರ್ ಕ್ಯಾಮೆರಾ ಮತ್ತು 5MP ಸೆಲ್ಫಿ ಕ್ಯಾಮೆರಾ ಹೊಂದಿದೆ. ಸ್ಟಾಕ್‍ ಆಂಡ್ರಾಯ್ಡ್ 11 ಗೋ ಎಡಿಷನ್‍ ಕಾರ್ಯಾಚರಣೆ ವ್ಯವಸ್ಥೆ ಇದ್ದು, ಮೀಡಿಯಾ ಟೆಕ್ ಹೀಲಿಯೋ ಜಿ 35 ಆಕ್ಟಾ ಕೋರ್ ಪ್ರೊಸೆಸರ್ ಹೊಂದಿದೆ.