ಜನವರಿ 5ಕ್ಕೆ ಭಾರತೀಯ ಮಾರುಕಟ್ಟೆಗೆ MI 10i ಸ್ಮಾರ್ಟ್ ಪೋನ್ ಲಗ್ಗೆ: ವಿಶೇಷತೆಗಳೇನು?

Team Udayavani, Jan 2, 2021, 9:00 PM IST

ನವದೆಹಲಿ: ವಿಶ್ವದ ಬಹುಬೇಡಿಕೆಯ ಎಂಐ ಕಂಪೆನಿಯೂ 2021ರ ಜನವರಿ 5 ರಂದು ತನ್ನ ಹೊಸ ಸರಣಿಯ MI 10i ಸ್ಮಾರ್ಟ್ ಪೋನ್  108 ಮೆಗಾಫಿಕ್ಸೆಲ್ ಕ್ಯಾಮರಾವನ್ನು ಒಳಗೊಂಡಂತೆ ಹಲವು ವಿಭಿನ್ನ ಸೌಲಭ್ಯಗಳನ್ನು ಹೊತ್ತು ಭಾರತದ ಮಾರುಕಟ್ಟೆಗೆ ಲಗ್ಗೆ ಇಡಲಿದೆ.

ಈ ಕುರಿತು ಟ್ವೀಟರ್ ಮೂಲಕ ಮಾಹಿತಿ ಹಂಚಿಕೊಂಡಿರುವ ಶಿಯೋಮಿ ಕಂಪನಿಯ ಭಾರತದ ಮ್ಯಾನೇಜಿಂಗ್ ಡೈರೆಕ್ಟರ್ ಮನು ಕುಮಾರ್ ಜೈನ್, MI 10i ಸ್ಮಾರ್ಟ್ ಪೋನ್ ಜನವರಿ 5 ರಂದು ಭಾರತೀಯ ಮಾರುಕಟ್ಟೆಗೆ  ಬಿಡುಗಡೆಗೊಳಿಸಲಿದ್ದೇವೆ ಎಂದಿದ್ದಾರೆ.

.MI 10i ಸ್ಮಾರ್ಟ್ ಪೋನ್ ನ ವಿಶೇಷತೆಗಳೇನು?

MI 10i ಸ್ಮಾರ್ಟ್ ಪೋನ್ ಅನ್ನು ಭಾರತೀಯ ಬಳಕೆದಾರರನ್ನು ಗಮನದಲ್ಲಿಟ್ಟುಕೊಂಡು ರೂಪಿಸಲಾಗಿದ್ದು, 8GB RAM ಅನ್ನು ಹೊಂದಿರಲಿದೆ. ಅಲ್ಲದೆ ಓಕ್ಟಾ ಕೋರ್ SoC ಯನ್ನು ಒಳಗೊಂಡಿದೆ.

ಕ್ಯಾಮರಾ: MI 10i ಸ್ಮಾರ್ಟ್ ಪೋನ್  ಬರೋಬ್ಬರಿ  108 ಮೆಗಾಫಿಕ್ಸೆಲ್ ಪ್ರಾಥಮಿಕ ಕ್ಯಾಮರಾವನ್ನು ಹೊಂದಿದ್ದು, ಅಲ್ಲದೆ ಮೊಬೈಲ್ ನ ಹಿಂಬದಿಯಲ್ಲಿ ನಾಲ್ಕು ಕ್ಯಾಮರಾ ಸೆನ್ಸರ್ ಅನ್ನು ಅಳವಡಿಸಲಾಗಿದೆ.

ಇದನ್ನೂ ಓದಿ:ಶೀಘ್ರದಲ್ಲಿಯೇ ಮಾರುಕಟ್ಟೆಗೆ ಲಗ್ಗೆ ಇಡಲಿರುವ ಐ ಪೋನ್ -13

ಈ ಹೊಸ MI 10i ಸ್ಮಾರ್ಟ್ ಪೋನ್ ಎರಡು ರೀತಿಯಲ್ಲಿ ಬಳಕೆದಾರರಿಗೆ ಲಭ್ಯವಾಗಲಿದ್ದು, 6ಜಿಬಿ ಮತ್ತು 8 ಜಿಬಿ RAM  ಸೌಲಭ್ಯದಲ್ಲಿ 128 ಜಿಬಿ ಸ್ಟೋರೇಜ್ ಸಾಮರ್ಥ್ಯವನ್ನು ಇದು ಒಳಗೊಂಡಿದೆ.

ಬಣ್ಣಗಳ ಲಭ್ಯತೆ: ಈ ಸ್ಮಾರ್ಟ್ ಪೋನ್ ನೀಲಿ, ಕಪ್ಪು, ಗ್ರೇಡಿಯಂಟ್ ಆರೆಂಜ್ ಹಾಗೂ ಗ್ರೇಡಿಯಂಟ್ ಬ್ಲೂ ಬಣ್ಣಗಳಲ್ಲಿ ಲಭ್ಯವಾಗಿವ ಸಾಧ್ಯತೆಗಳಿವೆ ಎಂದು ವರದಿಯಾಗಿದೆ. ಕಳೆದ ವಾರವೂ ಶಿಯೋಮಿ  ಸಂಸ್ಥೆ MI 10i  ಸ್ಮಾರ್ಟ್ ಪೋನ್ ಅನ್ನು ಬಿಡುಗಡೆಗೊಳಿಸುವ ಕುರಿತಾ‍ಗಿ ಮಾಹಿತಿ ನೀಡಿತ್ತು.