ಯುವಕರಿಗೆ ಹೇಳಿ ಮಾಡಿಸಿದಂತಿದೆ ನಾಯ್ಸ್‌ ಫಿಟ್ ಕೋರ್ ಸ್ಮಾರ್ಟ್‌ ವಾಚ್..! ಇಲ್ಲಿದೆ ಮಾಹಿತಿ

Team Udayavani, Sep 7, 2021, 2:13 PM IST

ನವ ದೆಹಲಿ : ಯುವ ಜನರನ್ನು ಆಕರ್ಷಿಸುವ ಪ್ರಧಾನ ಉದ್ದೇಶದಿಂದ ಸ್ಮಾರ್ಟ್ ವಾಚ್ ಕಂಪೆನಿಗಳ ಪ್ರಮುಖ ಕಂಪೆನಿಗಳಲ್ಲಿ ಒಂದಾದ ನಾಯ್ಸ್ ಹೊಸ ಅತ್ಯಾಕರ್ಷಕ ವಾಚ್ ವೊಂದನ್ನು ದೇಶದಲ್ಲಿ ಬಿಡುಗಡೆ ಮಾಡಿದೆ.

ಇತ್ತೀಚಿನ ದಿನಗಳಲ್ಲಂತೂ ಯುವ ಜನರು ಫಿಟ್ನೆಸ್ ಕ್ರೇಸ್ ಹೊಂದಿರುತ್ತಾರೆ. ಅಂತಹ ಯುವ ಪೀಳಿಗೆಗಾಗಿಯೇ ನಾಯ್ಸ್ ಈ ಹೊಸ ಸ್ಮಾರ್ಟ್ ವಾಚ್ ನನ್ನು ಬಿಡುಗಡೆ ಮಾಡಿದ್ದು. ಬೆಲೆ ಹಾಗೂ ವಿಶೇಷತೆಗಳ ಬಗ್ಗೆ ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.

ಇದನ್ನೂ ಓದಿ : ಷರತ್ತು ಹಿಂಪಡೆಯದಿದ್ದರೆ ಪ್ರತಿಭಟನೆ: ಖಾನಪ್ಪನವರ

ಈ ಬಗ್ಗೆ ಪ್ರತಿಕ್ರಿಯಿಸಿದ ಕಂಪೆನಿ, ನಾಯ್ಸ್‌ ಫಿಟ್ ಕೋರ್ ಸ್ಮಾರ್ಟ್‌ ವಾಚ್, ಏಳು ದಿನಗಳ ಬ್ಯಾಟರಿ ಬಾಳಿಕೆ ಹೊಂದಿರಲಿದೆ. ಆಂಡ್ರಾಯ್ಡ್ ಹಾಗೂ ಐ ಫೋನ್ ನೊಂದಿಗೆ ಹೊಸ ನಾಯ್ಸ್‌ ಫಿಟ್ ಸ್ಮಾರ್ಟ್‌ ವಾಚ್ ಬಳಕೆ ಮಾಡಬಹುದಾಗಿದೆ ಎಂದಿದೆ.

ಇನ್ನು, ಈ ಅತ್ಯಾಕರ್ಷಕ ಸ್ಮಾರ್ಟ್ ವಾಚ್ ನ ಬೆಲೆಯ ಬಗ್ಗೆ ಎಲ್ಲರಿಗೂ ಕತೂಹಲವಂತೂ ಇದ್ದೇ ಇರುತ್ತದೆ. ಹೌದು, ಭಾರತೀಯ ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್ ವಾಚ್ ನ ಬೆಲೆ ಕೇವಲ 2,999 ರೂ ಆಗಿದೆ. ಸ್ಮಾರ್ಟ್ ಲುಕ್ ಗೆ ಈ  ಹೊಸ ನಾಯ್ಸ್‌ ಫಿಟ್ ಕೋರ್ ಸ್ಮಾರ್ಟ್‌ ವಾಚ್ ಹೇಳಿ ಮಾಡಿಸಿದಂತಿದೆ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ.

1.28 ಇಂಚಿನ ಟಿಎಫ್‌ ಟಿ ಡಿಸ್‌ ಪ್ಲೇ ಹೊಂದಿರುವ ಈ ಸ್ಮಾರ್ಟ್ ವಾಚ್ ಚಿತ್ತಾಕರ್ಷಕ ಬಣ್ಣಗಳ ಆಯ್ಕೆಗಳಲ್ಲಿಯೂ ಲಭ್ಯವಿದೆ. ನಾಯ್ಸ್‌ ಫಿಟ್ ಕೋರ್ ಸ್ಮಾರ್ಟ್‌ ವಾಚ್ ಉಳಿದೆಲ್ಲಾ ವಾಚ್ ಗಳಿಗಿಂತ ಹೇಗೆ ಭಿನ್ನವೆಂದರೇ, , 13 ವಿವಿಧ ಸ್ಪೋರ್ಟ್ಸ್ ಮೋಡ್ ಗಳ ಆಯ್ಕೆ ಕೂಡ ಈ ಸ್ಮಾರ್ಟ್ ವಾಚ್ ನಲ್ಲಿ ಲಭ್ಯವಿದೆ.

ಇನ್ನು, ಕಂಪನಿ ವೆಬ್‌ ಸೈಟ್ ಮೂಲಕವೂ ಕೂಡ ಆನ್‌ ಲೈನ್‌ ನಲ್ಲಿ ೀ ಹೊಸ ಸ್ಮಾರ್ಟ್‌ ವಾಚ್ ಲಭ್ಯವಿದೆ.

ಇದನ್ನೂ ಓದಿ : ಪ್ರತಿಭಟನೆ ನಿರತ ರೈತರ ವಿರುದ್ಧ ಬಲ ಪ್ರಯೋಗ ಮಾಡುವವರಿಗೆ ಕ್ರಮ ಕೈಗೊಳ್ಳುವಂತೆ ರೈತರ ಒತ್ತಾಯ