ಮಾರುಕಟ್ಟೆಗೆ ಬಂತು ನೋಕಿಯಾ 6.2 ; ಏನೇನು ವಿಶೇಷತೆಗಳಿವೆ ಗೊತ್ತಾ?

Team Udayavani, Oct 11, 2019, 10:21 PM IST

ಮೊಬೈಲ್‌ ಪ್ರಿಯರಲ್ಲಿ ಭಾರೀ ಕೂತುಹಲ ಮೂಡಿಸಿದ್ದ ನೋಕಿಯಾ 6.2 ಅಧಿಕೃತವಾಗಿ ಭಾರತದ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದ್ದು, ಇತ್ತೀಚಿಗೆ ಬರ್ಲಿನ್‌ನಲ್ಲಿ ನಡೆದೆ ಐಎಫ್ಎ-2019 ಟೆಕ್‌ ಕಾರ್ಯಕ್ರಮದಲ್ಲಿ ‘ನೋಕಿಯಾ’ ಎಚ್‌ಎಂಡಿ ಗ್ಲೋಬಲ್‌ ಹೊಸ ‘ನೋಕಿಯಾ 6.2’ ಸ್ಮಾರ್ಟ್ ಫೋನ್ ಬಿಡುಗಡೆಗೊಂಡಿದೆ.

ವಿಶೇಷ ಏನು?
ಮೊಬೈಲ್‌ ಮಾರುಕಟ್ಟೆಗೆ ಲಗ್ಗೆ ಇಟ್ಟಿರುವ ನೋಕಿಯಾ ಸ್ಮಾರ್ಟ್‌ ಫೋನ್‌ ಆಂಡ್ರಾಯ್ಡ್ 10 ಓಎಸ್‌ ಅಪ್ಡೇಟ್‌ ವರ್ಷನ್‌ ಆಗಿದ್ದು, ಮೂರು ಕ್ಯಾಮೆರಾಗಳನ್ನು ಒಳಗೊಂಡಿದೆ. ಜತೆಗೆ ಸ್ನ್ಯಾಪ್‌ ಡ್ರಾಗನ್‌ 636 ಪ್ರೊಸೆಸರ್‌ ನಲ್ಲಿ ಕಾರ್ಯನಿರ್ವಹಿಸಲಿದೆ.

ಹೆಚ್‌.ಡಿ. ಪ್ಲಸ್‌ ಡಿಸ್‌.ಪ್ಲೇ.
“ನೋಕಿಯಾ 6.2′ ಸ್ಮಾರ್ಟ್‌ಫೋನ್‌ 6.3 ಇಂಚಿನ ಹೆಚ್‌.ಡಿ. ಪ್ಲಸ್‌ ಡಿಸ್‌ ಪ್ಲೇಯನ್ನು ಹೊಂದಿದ್ದು, 1080 /2280 ಪಿಕ್ಸಲ್‌ ರೆಸಲ್ಯೂಶನ್‌ ಸಾಮರ್ಥ್ಯ ಇದೆ. ಹಾಗೆಯೇ ಫೋನ್‌ ಸ್ಕ್ರೀನ್‌ ರಕ್ಷಣೆಗಾಗಿ ಗೊರಿಲ್ಲಾ ಗ್ಲಾಸ್‌ ನೀಡಲಾಗಿದೆ.

6.2 ಬ್ಯಾಟರಿ
ಈ ಸ್ಮಾರ್ಟ್‌ಫೋನ್‌ ನಲ್ಲಿ ನೋಕಿಯಾ 6.2  3,500 ಎಂ.ಹೆಚ್‌. ಸಾಮರ್ಥ್ಯದ ಬ್ಯಾಟರಿ ಶಕ್ತಿ ಇದ್ದು,  10 ಡಬ್ಲೂ ಚಾರ್ಜಿಂಗ್‌ ಕೆಪಾಸಿಟಿಯನ್ನು ಹೊಂದಿದೆ. ಇದರೊಂದಿಗೆ ಫಿಂಗರ್‌ ಪ್ರಿಟಂರ್‌ ಸೆನ್ಸಾರ್‌,  ವೈಫೈ 802.11 ಎಸಿ, ಬ್ಲೂಟೂತ್‌ 5.0, ಯು.ಎಸ್‌.ಬಿ. ಟೈಪ್‌ ಸಿ ಪೋರ್ಟ, 4ಜಿ ಲೈಟ್‌, ಜಿಪಿಎಸ್‌ ಕನೆಕ್ಟಿವಿಟಿ, ಆಡಿಯೊ ಜಾಕ್‌ ಸೇರಿದಂತೆ ಮುಂತಾದ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

15,999ರೂಗೆ ಲಭ್ಯ
ನೋಕಿಯಾ 6.2 ಸ್ಮಾರ್ಟ್‌ಫೋನ್‌ 3ಜಿಬಿ ರ್ಯಾಮ್ ಹಾಗೂ 32 ಜಿಬಿ ವೇರಿಯಂಟ್‌ ಇದ್ದು, 15,999ರೂ.ಗಳಿಗೆ ಮಾರುಕಟ್ಟೆಯಲ್ಲಿ  ಲಭ್ಯವಿದೆ.