ನೋಕಿಯಾದ ಬಹುನಿರೀಕ್ಷಿತ 7.3 ಸ್ಮಾರ್ಟ್ ಫೋನ್ ಬಿಡುಗಡೆಗೆ ಸಿದ್ಧ?: ವಿಶೇಷತೆಗಳೇನು ?

Team Udayavani, Dec 31, 2020, 8:25 PM IST

ನವದೆಹಲಿ: ಈ ವರ್ಷದ ಕೊನೆಯಲ್ಲಿ ಬಿಡುಗಡೆಯಾಗುತ್ತದೆಯೆಂದು ಅಂದಾಜಿಸಲಾಗಿದ್ದ, ಬಹುನಿರೀಕ್ಷಿತ ನೋಕಿಯಾ 7.3 ಸ್ಮಾರ್ಟ್ ಪೋನ್ ನ ಹಲವು ಫೀಚರ್ ಗಳ ಕುರಿತಾದ ಮಾಹಿತಿ ಸಾಮಾಜಿಕ ಜಾಲತಾಣದಲ್ಲಿ ಸೋರಿಕೆಯಾಗಿದ್ದು ಕೂತೂಹಲ ಸೃಷ್ಟಿಸಿದೆ.

ಪ್ರಮುಖವಾಗಿ ಈಗಾಗಲೇ ನೋಕಿಯಾದ 3 ಸ್ಮಾರ್ಟ್ ಪೋನ್ ಗಳು ಬಿಡುಗಡೆಗೆ ಸಿದ್ದವಾಗಿದ್ದು,ಇದರಲ್ಲಿ ನೋಕಿಯಾದ 7.3 ಸ್ಮಾರ್ಟ್ ಪೋನ್ ನ ವಿಶೇಷತೆಗಳು ಆನ್ ಲೈನ್ ನಲ್ಲಿ ಸೋರಿಕೆಯಾಗಿದೆ. ಮಾಹಿತಿ ಪ್ರಕಾರ ನೋಕಿಯಾ 7.3 ಸ್ಮಾರ್ಟ್ ಫೋನ್ 5,050 mAh ಬ್ಯಾಟರಿ ಸಾಮಾರ್ಥ್ಯವನ್ನು ಹೊಂದಿದೆ. ಮಾತ್ರವಲ್ಲದೆ ಕ್ವಾಲ್ ಕಾಮ್ಸ್ ಸ್ನ್ಯಾಪ್ ಡ್ರ್ಯಾಗನ್ 690 ಪ್ರೊಸೆಸ್ಸರ್ ಹೊಂದಿದೆ.

ಮುಖ್ಯವಾಗಿ ನೋಕಿಯಾ 7.3 ಸ್ಮಾರ್ಟ್ ಪೋನ್ 5G ಕನೆಕ್ಟಿವಿಟಿ ಹೊಂದಿದ್ದು, ಹಿಂಭಾಗದಲ್ಲಿ 48 ಮೆಗಾಫಿಕ್ಸೆಲ್ ಸಾಮರ್ಥ್ಯದ ಕ್ಯಾಮಾರವನ್ನು ಹೊಂದಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಜನವರಿ 1ರಿಂದ ಜಿಯೋದಿಂದ ಇತರ ನೆಟ್ ವರ್ಕ್ ಗಳಿಗೆ “Voice call” ಉಚಿತ

ಮತ್ತೊಂದು ನೋಕಿಯಾದ ಪ್ರಮುಖ ಸ್ಮಾರ್ಟ್ ಪೋನ್ ಗಳಲ್ಲಿ ಒಂದಾದ ನೋಕಿಯಾ 6.3 ಕೂಡ ಹಲವು ವಿಶೇಷತೆಗಳನ್ನು ಹೊಂದಿದ್ದು, 4,470 mAh  ಬ್ಯಾಟರಿ ಶಕ್ತಿಯನ್ನು ಹೊಂದಿದೆ. ಇದಲ್ಲದೆ 24 ಎಂಪಿ ಪ್ರಾಥಮಿಕ ಸೆನ್ಸಾರ್ ಹಾಗೂ 12 ಎಂಪಿ ಅಲ್ಟ್ರಾ ವೈಡ್ ಆ್ಯಂಗಲ್ ಸೆನ್ಸಾರ್ ಅನ್ನು ಒಳಗೊಂಡಿದೆ.

ಇದರ ಹೊರತಾಗಿ ನೋಕಿಯಾ 10 ಕೂಡ ಬಿಡುಗಡೆಗೊಳ್ಳಲು ಸಿದ್ದವಾಗುತ್ತಿದೆ ಎಂದು ಹೇಳಲಾಗುತ್ತಿದ್ದು, 5G, 90Hz  ಡಿಸ್ ಪ್ಲೇ, ಪೆಂಟಾ ಕ್ಯಾಮಾರ ಸೆಟಪ್, ಫ್ಲ್ಯಾಗ್ ಶಿಪ್ ಪ್ರೊಸೆಸ್ಸರ್ ಸೇರಿದಂತೆ  ಅತೀ ಹೆಚ್ಚು ಸಾಮರ್ಥ್ಯದ ಫೀಚರ್ ಗಳನ್ನು ಒಳಗೊಂಡಿದೆ ಎಂದು ವರದಿಯಾಗಿದೆ.

2021 ರಲ್ಲಿ ಈ ಎಲ್ಲಾ ಸ್ಮಾರ್ಟ್ ಫೋನ್ ಗಳು ಬಿಡುಗಡೆಯಾಗಲಿವೆ ಎಂದು ಅಂದಾಜಿಸಲಾಗಿದೆ.

ಇದನ್ನೂ ಓದಿ:  ಉಡುಪಿ ಜಿಲ್ಲೆಯ ಬೀಚ್ ಗಳಿಗೆ ಸಾರ್ವಜನಿಕ ಪ್ರವೇಶ ನಿರ್ಬಂಧ: ಜಿಲ್ಲಾಧಿಕಾರಿ