pTron ನಿಂದ ಬ್ಯಾಸ್‍ ಬಡ್ಸ್ ವೇವ್‍ ಬಡ್ಸ್ ಹಾಗೂ Tangent ಅರ್ಬನ್‍ ಇಯರ್ ಫೋನ್‍ ಬಿಡುಗಡೆ

Team Udayavani, May 30, 2022, 5:32 PM IST

ಹೈದರಾಬಾದ್‍: ಬಜೆಟ್‍ ದರದ ಆಡಿಯೋ ಮತ್ತು ಸ್ಮಾರ್ಟ್ ವಾಚ್‍ ತಯಾರಿಕಾ ಕಂಪೆನಿ ಪಿಟ್ರಾನ್‍ ಹೊಸದಾಗಿ ಎರಡು ಆಡಿಯೋ ಸಾಧನಗಳನ್ನು ಬಿಡುಗಡೆ ಮಾಡಿದೆ.

ಪಿಟ್ರಾನ್‍ ಬ್ಯಾಸ್‍ಬಡ್ಸ್ ವೇವ್‍ ಟ್ರೂ ವಯರ್ ಲೆಸ್‍ ಇಯರ್ ಬಡ್‍ (ಟಿಡಬ್ಲುಎಸ್‍) ಮತ್ತು ಟ್ಯಾನ್‍ ಜೆಂಟ್‍ ಅರ್ಬನ್‍ ನೆಕ್‍ ಬ್ಯಾಂಡ್‍ ಆ ಎರಡು ಆಡಿಯೋ ಸಾಧನಗಳು.

ಬ್ಯಾಸ್‍ಬಡ್ಸ್ ವೇವ್‍: ಈ ಟಿಡಬ್ಲುಎಸ್‍ ಇಯರ್ ಬಡ್ಸ್ ಎನ್‍ವಿರಾನ್‍ಮೆಂಟ್ ನಾಯ್ಸ್ ಕ್ಯಾನ್ಸಲಿಂಗ್‍, 40 ಗಂಟೆಗಳ ಬ್ಯಾಟರಿ ಹೊಂದಿದ್ದು, ಬಡ್ ಗಳು ತಲಾ 7.8 ಗ್ರಾಂ ತೂಕ ಹೊಂದಿದೆ. 300 ಎಂಎಎಚ್‍ ಬ್ಯಾಟರಿ ಹಾಗೂ 32 ಗ್ರಾಂ ತೂಕದ ಚಾರ್ಜಿಂಗ್‍ ಕೇಸ್‍ ಹೊಂದಿದ್ದು, ಬಡ್ಸ್ ಗಳು ತಲಾ 40 ಎಂಎಎಚ್‍ ಬ್ಯಾಟರಿ ಹೊಂದಿವೆ. 13 ಎಂಎಂ ಆಡಿಯೋ ಡ್ರೈವರ್ಸ್ ಬಡ್ಸ್ ಮತ್ತು ಚಾರ್ಜಿಂಗ್‍ ಕೇಸ್‍ ಸೇರಿದಂತೆ ಒಟ್ಟು 40 ಗಂಟೆಗಳ ಬ್ಯಾಟರಿ ಬರುತ್ತದೆ ಎಂದು ಕಂಪೆನಿ ತಿಳಿಸಿದೆ. ಯುಎಸ್‍ಬಿ ಸಿ ಟೈಪ್‍ ಚಾರ್ಜಿಂಗ್‍ ಪೋರ್ಟ್‍ ಹೊಂದಿದೆ. ಇದರ ದರ 999 ರೂ. ಆಗಿದ್ದು, ಅಮೆಜಾನ್‍. ಇನ್‍ ನಲ್ಲಿ ಲಭ್ಯವಿದೆ.

ಟ್ಯಾನ್‍ ಜೆಂಟ್‍ ಅರ್ಬನ್‍ ನೆಕ್‍ ಬ್ಯಾಂಡ್‍: ಇದು ಕತ್ತಿನ ಮೇಲೆ ಇಳಿಬಿಡುವ ಬ್ಲೂಟೂತ್ ಇಯರ್ ಫೋನ್‍ ಆಗಿದ್ದು, 60 ಗಂಟೆಗಳ ಬ್ಯಾಟರಿ ಬ್ಯಾಕಪ್‍ ಹೊಂದಿದೆ. 10 ಎಂಎಂ ಡೈನಮಿಕ್‍ ಬ್ಯಾಸ್‍ ಬೂಸ್ಟ್ ಆಡಿಯೋ ಡ್ರೈವರ್ ಹೊಂದಿದ್ದು, ಬ್ಯಾಸ್‍ ಪ್ರಿಯರಿಗೆ ಹೆಚ್ಚಿನ ಆಡಿಯೋ ಅನುಭವ ನೀಡುತ್ತದೆ ಹಾಗೂ ಗೇಮಿಂಗ್‍ ಗೆ ಸೂಕ್ತವಾಗಿದೆ ಎಂದು ಕಂಪೆನಿ ತಿಳಿಸಿದೆ. ಆಯಸ್ಕಾಂತೀಯ ಇಯರ್ ಟಿಪ್‍ಗಳು ಐಪಿಎಕ್ಸ್ 4 ರೇಟೆಡ್‍ ಆಗಿದ್ದು, ಬೆವರು ನಿರೋಧಕವಾಗಿವೆ ಎಂದು ತಿಳಿಸಿದೆ.

400 ಎಂಎಎಚ್‍ ಬ್ಯಾಟರಿ ಹೊಂದಿದ್ದು, ಟೈಪ್‍ ಸಿ ಪೋರ್ಟ್‍ ಹೊಂದಿದೆ. 10 ನಿಮಿಷ ಚಾರ್ಜ್‍ ಮಾಡಿದರೆ 4 ಗಂಟೆಗಳ ಕಾಲ ಸಂಗೀತ ಆಲಿಸಬಹುದು. ಆನ್‍ಲೈನ್‍ ಮೀಟಿಂಗ್‍, ತರಗತಿಗಳಿಗೆ ಉತ್ತಮವಾಗಿದೆ. ಕರೆ ಮಾಡಲು ಪರಿಸರದ ಶಬ್ದಗಳು ಅಡಚಣೆ ಮಾಡದಂತೆ, ನಾಯ್ಸ್ ಕ್ಯಾನ್ಸಲೇಷನ್‍ ತಂತ್ರಜ್ಞಾನವೂ ಇದೆ ಎಂದು ತಿಳಿಸಿದೆ. ಈ ನೆಕ್‍ ಬ್ಯಾಂಡ್‍ ಕಪ್ಪು, ಹಸಿರು ಮತ್ತು ನೀಲಿ ಬಣ್ಣದಲ್ಲಿ ಲಭ್ಯವಿದ್ದು, ದರ 799 ರೂ. ಅಮೆಜಾನ್‍. ಇನ್‍ ನಲ್ಲಿ ಲಭ್ಯ.