Samsung Galaxy Z Flip5 & Z Fold5ಗಳಿಗೆ 28 ಗಂಟೆಗಳಲ್ಲಿ 100,000 ಪ್ರಿ-ಬುಕಿಂಗ್ ದಾಖಲೆ

Team Udayavani, Aug 10, 2023, 5:35 PM IST

ನವದೆಹಲಿ: ಸ್ಯಾಮ್ ಸಂಗ್ ನಿಂದ ಇತ್ತೀಚೆಗೆ ಬಿಡುಗಡೆಯಾದ ಗ್ಯಾಲಕ್ಸಿ ಫ್ಲಿಪ್ 5 ಮತ್ತು ಫೋಲ್ಡ್ 5 ಮಡಚಬಲ್ಲ ಮೊಬೈಲ್ ಗಳಿಗೆ ದಾಖಲೆ ಪ್ರಿ-ಬುಕಿಂಗ್ ಗಳನ್ನು ಪಡೆದಿದೆ. ಮೊದಲ 28 ಗಂಟೆಗಳಲ್ಲಿ 100,000ಕ್ಕೂ ಹೆಚ್ಚು ಗ್ರಾಹಕರು ಭಾರತದಲ್ಲಿ Galaxy Z Flip5 ಮತ್ತು Z Fold5 ಪ್ರಿ-ಬುಕ್ ಮಾಡಿದ್ದಾರೆ.

ನಾಲ್ಕನೇ ತಲೆಮಾರಿನ ಫೋಲ್ಡಬಲ್ಸ್(Galaxy Z Flip4 and Z Fold4) ಗೆ ಹೋಲಿಸಿದರೆ ಸ್ಯಾಮ್ ಸಂಗ್ 1.7 ಪಟ್ಟು ಪ್ರಿ-ಬುಕಿಂಗ್ ಗಳನ್ನು Galaxy Z Flip5 ಮತ್ತು Z Fold5 ಗಳಿಗೆ ಪಡೆದಿದೆ. ಭಾರತೀಯ ಗ್ರಾಹಕರಲ್ಲಿ ಮಡಚಬಲ್ಲ ವಿಭಾಗದ ಮೇಲೆ ಗ್ರಾಹಕರ ಆಸಕ್ತಿ ಹೆಚ್ಚಾಗುತ್ತಿರುವುದನ್ನು ಇದು ತೋರಿಸಿದೆ. ಭಾರತದಲ್ಲಿ Galaxy Z Flip5 ಮತ್ತು Z Fold5 ಗಳ ಪ್ರಿ-ಬುಕಿಂಗ್ ಜುಲೈ 27 ಪ್ರಾರಂಭವಾಯಿತು. ಈ ಡಿವೈಸ್ ಗಳು ಆಗಸ್ಟ್ 18 ರಿಂದ ಮಾರಾಟಕ್ಕೆ ಲಭ್ಯವಾಗಲಿದೆ.

Galaxy Z Flip5 ಪಾಕೆಟ್ ಗಾತ್ರದ ಡಿವೈಸ್ ನಲ್ಲಿ ಸ್ಟೈಲಿಷ್, ವಿಶಿಷ್ಟ ಫೋಲ್ಡಬಲ್ ಅನುಭವ ನೀಡುತ್ತದೆ. Galaxy Z Flip5ನ ಹೊರಗಿನ ಸ್ಕ್ರೀನ್ ಈಗ 3.78 ಪಟ್ಟು ದೊಡ್ಡದು ಮತ್ತು ಹಿಂದೆಂದಿಗಿಂತಲೂ ಹೆಚ್ಚಿನ ಬಳಸಬಲ್ಲತೆ ನೀಡುತ್ತದೆ.

Galaxy Z Fold5 ಉತ್ಪಾದಕತೆಯ ಅಲ್ಟಿಮೇಟ್ ಶಕ್ತಿ ಕೇಂದ್ರವಾಗಿದ್ದು ದೊಡ್ಡ ಸ್ಕ್ರೀನ್ ನಿಂದ Galaxy Z ಸೀರೀಸ್ ನಲ್ಲಿ ಅತ್ಯಂತ ಶಕ್ತಿಯುತ ಕಾರ್ಯಕ್ಷಮತೆ ನೀಡುತ್ತದೆ. ಇದು ಅತ್ಯಂತ ತೆಳು, ಹಗುರವಾದ ಫೋಲ್ಡ್ ಆಗಿದೆ.

ಬೆಲೆ ಮತ್ತು ಲಭ್ಯತೆ: Galaxy ZFlip5, ₹ 99’999 ರಿಂದ ಪ್ರಾರಂಭಗೊಳ್ಳುತ್ತದೆ (8/256 GB), Z Fold5, ₹ 15’4999 ಗಳಿಗೆ ಲಭ್ಯ(12/256 GB).