20,000 ಕ್ರೆಟಾಕ್ಕೆ ಬೇಡಿಕೆ ; ಹೊಸ ವಿನ್ಯಾಸದ ಕಾರಿಗಾಗಿ ಮುಂಗಡ ಬುಕಿಂಗ್‌

Team Udayavani, May 4, 2020, 3:05 AM IST

ಮುಂಬೈ: ಎಲ್ಲ ಕಡೆ ನೋವಿನದ್ದೇ ಸುದ್ದಿ ಕೇಳಿ ಬರುತ್ತಿರುವ ಈ ಕಾಲದಲ್ಲಿ ಸಂಭ್ರಮದ ಸುದ್ದಿಯೂ ಇದೆ. ಹ್ಯುಂಡಾಯ್‌ ಕಂಪನಿ, 2020ರಲ್ಲಿ ಬಿಡುಗಡೆ ಮಾಡಿರುವ ಹೊಸ ಮಾದರಿಯ ಕ್ರೆಟಾ ಕಾರಿಗೆ 20,000 ಬೇಡಿಕೆ ಬಂದಿದೆ.

ಮಾ. 25ರ ಲಾಕ್‌ಡೌನ್‌ಗಿಂತ ಮುನ್ನ 18,000 ಕಾರುಗಳಿಗೆ ಬೇಡಿಕೆಯಿತ್ತು. ಅನಂತರ 2000 ಕಾರಿಗೆ ಬೇಡಿಕೆ ಬಂದಿದೆ. ಇದು ಬರೀ ಹ್ಯುಂಡಾಯ್‌ಗೆ ಮಾತ್ರವಲ್ಲ, ಭಾರತದ ವಾಹನ ತಯಾರಿ ಕ್ಷೇತ್ರಕ್ಕೇ ಶುಭ ಸಮಾಚಾರ ಎಂದು ತಜ್ಞರು ಹೇಳಿದ್ದಾರೆ.

ಹೊಸ ವಿನ್ಯಾಸದ ಕ್ರೆಟಾವನ್ನು ಲಾಕ್‌ ಡೌನ್‌ ಮುಗಿದ ಮೇಲೆ ಪೂರೈಸಲಾಗುತ್ತದೆ. ಈಗಾಗಲೇ 6703 ಕಾರನ್ನು ಭಾರತದ ವಿವಿಧ ಮೂಲೆಯಲ್ಲಿರುವ ಡೀಲರ್‌ಗಳಿಗೆ ಕಳುಹಿಸಲಾಗಿದೆ.

ಹೆಚ್ಚುವರಿ 10,000 ಕಾರುಗಳನ್ನು ಕಳುಹಿಸಲು ಸಿದ್ಧತೆ ನಡೆದಿದೆ. ಸದ್ಯ ಬೇಡಿಕೆಯಿರುವ ಕಾರುಗಳ ಪೈಕಿ  ಕ್ರೆಟಾ ಅಗ್ರಸ್ಥಾನ ಪಡೆದಿದೆ ಎಂದು ಹ್ಯುಂಡಾಯ್‌ ಹೇಳಿಕೊಂಡಿದೆ.

ಹೇಗಿದೆ ಹೊಸ ವಿನ್ಯಾಸ?: 2020ರ ಕ್ರೆಟಾದಲ್ಲಿ 14 ವಿಶೇಷತೆಗಳಿವೆ. ಭಿನ್ನ ಎಂಜಿನ್‌ ಹೊಂದಿರುವ 3 ಮಾದರಿಯ ಕಾರುಗಳನ್ನು ಸಿದ್ಧಪಡಿಸಲಾಗಿದೆ.

1. 1.5 ಲೀಟರ್‌ ಪೆಟ್ರೋಲ್‌ (113 ಬಿಎಚ್‌ಪಿ ಮತ್ತು 144 ಎನ್‌ಎಂ). 2. 1.4 ಜಿಡಿಐ ಟಬೋ ಪೆ ಟ್ರೋಲ್‌ ಎಂಜಿನ್‌ ಬೆಲ್ಟ್ (138 ಬಿಎಚ್‌ಪಿ, 242 ಎನ್‌ಎಂ) 3. 1.5 ಲೀಟರ್‌ ಡೀಸೆಲ್‌ ಎಂಜಿನ್‌ (113 ಬಿಎಚ್‌ಪಿ, 250 ಎನ್‌ ಎಂ). ಈ ಪೈಕಿ ಡೀಸೆಲ್‌ ಎಂಜಿನ್‌ ಕಾರಿಗೆ ಗರಿಷ್ಠ ಶೇ.55ರಷ್ಟು ಬೇಡಿಕೆಯಿದೆ.