Nothing ಇಂಡಿಯಾ ಅಧ್ಯಕ್ಷರಾಗಿ ವಿಶಾಲ್ ಭೋಲಾ ನೇಮಕ

Team Udayavani, May 28, 2024, 5:58 PM IST

ಗುರುಗ್ರಾಮ್: ಲಂಡನ್ ಮೂಲದ ಟೆಕ್ ಬ್ರ್ಯಾಂಡ್ ನಥಿಂಗ್ ವಿಶಾಲ್ ಭೋಲಾ ಅವರನ್ನು ನಥಿಂಗ್ ಇಂಡಿಯಾದ ಅಧ್ಯಕ್ಷರಾಗಿ ನೇಮಕ ಮಾಡಿದೆ.

ವಿಶಾಲ್ ಭೋಲಾ ಅವರು ಯುನಿಲಿವರ್ ಮತ್ತು ವರ್ಲ್ಪೂಲ್ ಸೇರಿದಂತೆ ಪ್ರಮುಖ ಬಹುರಾಷ್ಟ್ರೀಯ ಕಂಪೆನಿಗಳಲ್ಲಿ ಕೆಲಸ ನಿರ್ವಹಿಸಿದ ಅನುಭವ ಹೊಂದಿದ್ದಾರೆ.

ವಿಶಾಲ್ ಅವರ ನೇಮಕದಿಂದ ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ ಅಸ್ತಿತ್ವ ಮತ್ತು ಕೊಡುಗೆಗಳನ್ನು ವಿಸ್ತರಿಸಲು ಸಹಾಯಕವಾಗುತ್ತದೆ ಎಂದು ಕಂಪೆನಿ ತಿಳಿಸಿದೆ.

ನಥಿಂಗ್ ನ ಸಿಇಒ ಮತ್ತು ಸಹ-ಸಂಸ್ಥಾಪಕ ಕಾರ್ಲ್ ಪೀ ಮಾತನಾಡಿ, ಜಾಗತಿಕ ಗ್ರಾಹಕ ಸರಕುಗಳ ಉದ್ಯಮದಲ್ಲಿ ವಿಶಾಲ್ ಹೊಂದಿರುವ ಅಪಾರ ಅನುಭವ ಮತ್ತು ನಾಯಕತ್ವವು ನಮ್ಮ ತಂಡಕ್ಕೆ ಅಮೂಲ್ಯ ಸೇರ್ಪಡೆಯಾಗಿದೆ ಎಂದರು.

ವಿಶಾಲ್ ಭೋಲಾ ಮಾತನಾಡಿ, ನಥಿಂಗ್ ನ ಪ್ರಯಾಣದ ಭಾಗವಾಗಲು ನನಗೆ ಸಂತಸವಾಗಿದೆ. ನಥಿಂಗ್ ನ ಮುಂದಿನ ಹಂತದ ಬೆಳವಣಿಗೆಗೆ ಹೊಸ ಆವಿಷ್ಕಾರಗಳಿಗೆ ಕೊಡುಗೆ ನೀಡಲು ನಾನು ಉತ್ಸುಕನಾಗಿದ್ದೇನೆ ಎಂದರು.