ವಾಟ್ಸಾಪ್ ಅಪ್ ಡೇಟ್: ಬಂದಿದೆ ಹೊಸ 2 ಫೀಚರ್ ಗಳು; ಏನದು ?

Team Udayavani, Dec 3, 2020, 8:46 PM IST

ನವದೆಹಲಿ: ಚಾಟಿಂಗ್ ಪ್ರಿಯರ ಅಚ್ಚುಮೆಚ್ಚಿನ  ಆಯ್ಕೆಯಾದ ವಾಟ್ಸಾಪ್  ದಿನೇ ದಿನೇ ಹೊಸ ಅಪ್ ಡೇಟ್ ಗಳನ್ನು ಬಳಕೆದಾರರಿಗೆ ನೀಡುತ್ತಿದೆ. ಇದೀಗ ಆ್ಯನಿಮೇಟೆಡ್ ಸ್ಟಿಕ್ಕರ್ ಪ್ಯಾಕ್ ಜೊತೆಗೆ ವಾಲ್ ಪೇಪರ್ ಬದಲಿಸುವ ಆಯ್ಕೆಯನ್ನು ಒದಗಿಸಿದೆ.

ಹೊಸ ಆ್ಯನಿಮೇಟೆಡ್ ಸ್ಟಿಕ್ಕರ್ ಪ್ಯಾಕ್:

ವಾಟ್ಸಾಪ್ ಹೊಸದಾಗಿ 9 ಭಾಷೆಗಳಲ್ಲಿ ಹೊಸ ಆ್ಯನಿಮೇಟೆಡ್ ಸ್ಟಿಕ್ಕರ್ ಪ್ಯಾಕ್ ಹೊರತಂದಿದೆ. ಪ್ರಮುಖವಾಗಿ ಅರೇಬಿಕ್, ಫ್ರೆಂಚ್, ಜರ್ಮನ್, ಇಂಡೋನೇಷಿಯಾ, ಇಟಲಿ, ಪೋರ್ಚುಗಲ್, ರಷ್ಯಾ, ಸ್ಪಾನಿಷ್ ಮತ್ತು ಟರ್ಕಿ ಭಾಷೆಗಳಲ್ಲಿ ಲಭ್ಯವಿದೆ. ಇದಲ್ಲದೆ ಆ್ಯನಿಮೇಟೆಡ್ ಸ್ಟಿಕ್ಕರ್ ಗಳಿಗಾಗಿ  ಸರ್ಚ್ ಆಯ್ಕೆಯನ್ನು ನೀಡಲಾಗಿದ್ದು,  ಈ ಮೂಲಕ ಬಳಕೆದಾರರು ತಮಗಿಷ್ಟವಾದ ಸ್ಟಿಕ್ಕರ್ ಗಳನ್ನು ಹುಡುಕಿ ಬಳಸಬಹುದಾಗಿದೆ.

ಇದನ್ನೂ ಓದಿ: ಬಿಜೆಪಿಗೆ ‘ಗ್ರಾಮ ಸ್ವರಾಜ್ಯ’ ಕಾರ್ಯಕ್ರಮಕ್ಕೆ ಕುಮಾರಸ್ವಾಮಿ ಶಹಬ್ಬಾಸ್

ವಾಲ್ ಪೇಪರ್ ಫೀಚರ್  

ವಾಟ್ಸಾಪ್  ಹಲವಾರು ಸುಂದರವಾದ ವಾಲ್ ಪೇಪರ್ ಗಳನ್ನು ಹೊರತಂದಿದೆ. ಈ ವಾಲ್ ಪೇಪರ್ ಗಳು ಜಗತ್ತಿನಾದ್ಯಂತ ಇರುವ ವೈವಿಧ್ಯತೆಗಳನ್ನು ಮತ್ತು ವಿವಿಧ ಪ್ರಾಕೃತಿಕ ಹಾಗೂ ವಾಸ್ತುಶಿಲ್ಪಕ್ಕೆ ಸಂಬಂಧಿಸಿದ ಚಿತ್ರಗಳನ್ನು ಒಳಗೊಂಡಿದೆ.