Arrested: ಲೈಜಾಲ್‌, ಹಾರ್ಪಿಕ್‌ ನಕಲಿ ಉತ್ಪನ್ನ ತಯಾರು: ಇಬ್ಬರ ಬಂಧನ

Team Udayavani, Nov 10, 2024, 11:19 AM IST

ಬೆಂಗಳೂರು: ಶೌಚಾಲಯಗಳ ಸ್ವಚ್ಛತೆಗೆ ಬಳಸುವ ಪ್ರತಿಷ್ಠಿತ ಲೈಜಾಲ್‌ ಹಾಗೂ ಹಾರ್ಪಿಕ್‌ಗಳ ನಕಲಿ ಉತ್ಪನ್ನ ತಯಾರಿಕಾ ಗೋಡೌನ್‌ ಮೇಲೆ ಸಿಸಿಬಿ ಮತ್ತು ಜೀವನ್‌ ಭೀಮಾನಗರ ಠಾಣೆ ಪೊಲೀಸರ ಜಂಟಿ ಕಾರ್ಯಾಚರಣೆ ಯಲ್ಲಿ ದಾಳಿ ನಡೆ ಸಲಾಗಿದೆ.

ಈ ಸಂಬಂಧ ಗೋಡೌನ್‌ ಮಾಲಿಕ ರಾದ ಅನಿಲ್‌ ಪಟೇಲ್‌ ಮತ್ತು ಅನಂತ್‌ ಪಟೇಲ್‌ ಎಂಬವರನ್ನು ಬಂಧಿಸಲಾಗಿದೆ. ಆರೋಪಿಗಳು ನಗರದ ಹೊರವಲ ಯದ ಅವಲಹಳ್ಳಿಯಲ್ಲಿ ಪ್ರತಿಷ್ಠಿತ ಕಂಪನಿಗಳ ಸ್ವಚ್ಛತಾ ಉತ್ಪನ್ನಗಳನ್ನು ನಕಲಿಯಾಗಿ ತಯಾರಿಸಿ, ಅವುಗಳಿಗೆ ಅಸಲಿ ಕಂಪನಿಯ ಸ್ಟಿಕರ್‌ಗಳನ್ನು ಅಂಟಿಸುತ್ತಿದ್ದರು. ಈ ಮಾಹಿತಿ ಮೇರೆಗೆ ಸಿಸಿಬಿ ಮತ್ತು ಜೆಬಿ ನಗರ ಠಾಣೆ ಪೊಲೀಸರು ಜಂಟಿ ಕಾರ್ಯಾಚರಣೆ ನಡೆಸಿ ದಾಳಿ ನಡೆಸಿದ್ದಾರೆ.

ದಾಳಿ ವೇಳೆ ಕೋಟ್ಯಂತರ ರೂ.  ಮೌಲ್ಯದ ನಕಲಿ ಲೈಜಾಲ್‌, ಹಾರ್ಪಿಕ್‌, ವಿಮ್‌ ಲಿಕ್ವೀಡ್‌ಗಳು, 2 ಗೂಡ್ಸ್‌ ವಾಹನಗಳು, ತಯಾರಿಕಾ ಉಪಕರಣಗಳು ಹಾಗೂ ಇತರೆ ವಸ್ತುಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದರು. ಜೀವನ್‌ ಭೀಮಾನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.