ವೈದ್ಯರ ಕೋಟ್ ಹಾಕಿ ತರಕಾರಿ ಖರೀದಿಸಲು ಬಂದಿದ್ದ ಯುವಕನ ಬೈಕ್ ಸೀಜ್

Team Udayavani, May 10, 2021, 4:12 PM IST

ಬೆಳಗಾವಿ: ವೈದ್ಯರ ಬಟ್ಟೆ ಧರಿಸಿ ತರಕಾರಿ ತರಲು ಹೋದ ಯುವಕನನ್ನು ತಡೆದ ಪೊಲೀಸರು ಆತನ ದ್ವಿಚಕ್ರ ವಾಹನ ಸೀಜ್ ಮಾಡಿದ್ದಾರೆ.

ಮಹಿಳೆಯನ್ನು ಕೂರಿಸಿಕೊಂಡು ಮಾರ್ಕೆಟ್ ನಲ್ಲಿ ಸುಖಾಸುಮ್ಮನೆ ಓಡಾಡುತ್ತಿದ್ದ ಯುವಕನನ್ನು ತಡೆದು ವಿಚಾರಿಸಿದಾಗ ನಕಲಿ ವೈದ್ಯ ಎಂದು ಗೊತ್ತಾಗಿದೆ. ಬೈಕ್ ತಡೆದು ತಪಾಸಣೆ ಮಾಡಿದಾಗ ಯುವಕ ಸಿಕ್ಕಿ ಹಾಕಿಕೊಂಡಿದ್ದಾನೆ. ಡಿಸಿಪಿ ವಿಕ್ರಮ ಆಮ್ಟೆ ನೇತೃತ್ವದಲ್ಲಿ ತಪಾಸಣೆ ನಡೆಸಿದಾಗ ಈತ ಸಿಕ್ಕಿ ಹಾಕಿಕೊಂಡಿದ್ದಾನೆ.‌

“ನಮ್ಮ ಅಣ್ಣನ ಕೋಟ್ ಮರೆತು ಹಾಕಿಕೊಂಡು ಬಂದಿದ್ದೇನೆ, ಬಿಟ್ಟು ಬಿಡಿ ಸರ್…” ಎಂದು ಯುವಕ ಬೇಡಿಕೊಂಡಿದ್ದಾನೆ. ಏಪ್ರೋನ್ ಏಕೆ ಹಾಕಿಕೊಂಡಿದ್ದೀಯಾ ಎಂದು ಯುವಕನನ್ನು ಪೊಲೀಸರು ಕೇಳಿದ್ದಕ್ಕೆ ನಗುತ್ತ ನಿಂತಿದ್ದನು.  ಗುರುತಿನ ಚೀಟಿ ಇದ್ದರೆ ತೋರಿಸು ಎಂದಿದ್ದಕ್ಕೆ ಸುಮ್ಮನೆ ನಿಂತಿದ್ದನು.

ಬಿಳಿ ಕೋಟ್ ಕಳಚಿದ ಪೊಲೀಸರು ಬೈಕ್ ಸೀಜ್ ಮಾಡಿ ಕಳುಹಿಸಿದ್ದಾರೆ. ಮಹಿಳೆ ಜತೆಗೆ ನಡೆದುಕೊಂಡು ಮನೆ ದಾರಿ ಹಿಡಿದಿದ್ದಾರೆ.