Nalatawad: ವಿದ್ಯುತ್ ಶಾಕ್‌ನಿಂದ ಮೃತಪಟ್ಟ ಕೋತಿಗೆ ಸ್ಥಳೀಯ ನಿವಾಸಿಗಳಿಂದ ಅಂತ್ಯಸಂಸ್ಕಾರ

Team Udayavani, Nov 25, 2024, 9:34 AM IST

ನಾಲತವಾಡ: ವಿದ್ಯುತ್‌ ತಂತಿ ತಗುಲಿ ಶಾಕ್‌ನಿಂದ ಮೃತಪಟ್ಟಿದ್ದ ಕೋತಿಗೆ ನಾಲತವಾಡ ಪಟ್ಟಣದ ಜಗದೇವನಗರ ನಿವಾಸಿಗಳು ಹಣೆಗೆ ಕುಂಕುಮವಿಟ್ಟು ಅಂತ್ಯಸಂಸ್ಕಾರ ನೆರವೇರಿಸಿದ ಘಟನೆ ರವಿವಾರ(ನ.24) ಸಂಜೆ ವರದಿಯಾಗಿದೆ.

ಜಗದೇವನಗರದ ಹನುಮಾನ ದೇವಸ್ಥಾನದ ಮರವೊಂದರಲ್ಲಿ ಆಟವಾಡುತ್ತಿದ್ದ ಕೋತಿಗಳ ಗುಂಪಿನ ದೊಡ್ಡ ಕೋತಿಯೊಂದು ಆಯ ತಪ್ಪಿ ವಿದ್ಯುತ್‌ ತಂತಿ ಸ್ಪರ್ಶಿಸಿ ಮೃತಪಟ್ಟಿದೆ. ಇದನ್ನು ಕಂಡ ಉಳಿದ ಕೋತಿಗಳು ಚೀರಾಟ ಮಾಡುತ್ತಲೇ ಸ್ಥಳೀಯರ ಗಮನ ಸೆಳೆಯಲು ಯತ್ನಿಸಿದೆ.

ಕೆಳಕ್ಕೆ ಬಿದ್ದ ಕೋತಿಯನ್ನು ಕಂಡ ಸ್ಥಳೀಯರು ಮೊದಲು ಬದುಕಿದೆಯೇ ಎಂದು ಪರಿಶೀಲಿಸಿದ್ದಾರೆ, ಆದರೆ ಕೋತಿ ಅದಾಗಲೇ ಮೃತ ಪಟ್ಟಿತ್ತು. ಸ್ಥಳೀಯರು ಆ ಕೋತಿಯನ್ನು ದೇವರೆಂಬ ಭಾವನೆಯಿಂದ ಪೂಜಿಸುತ್ತಾರೆ, ಹೀಗಾಗಿ ಕೋತಿಯ ಮೃತ ದೇಹಕ್ಕೆ ಮಾಲೆಗಳನ್ನು ತೊಡಿಸಿ, ಹಾಡು, ಬ್ಯಾಂಡ್‌ ಸಮೇತ ಕೋತಿಯ ಅಂತ್ಯಕ್ರಿಯೆಗೆ ಮೆರವಣಿಗೆ ನಡೆಸಿದರು. ಕೆಲ ಹಿರಿಯರು ,ಯುವಕರು. ಕ್ಷಣಗಳ ಕಾಲ ಭಾವುಕರಾದರು ಕೋತಿಯ ಮೃತ ದೇಹಕ್ಕೆ ಸಂಪ್ರದಾಯದಂತೆ ಅಂತ್ಯಕ್ರಿಯೆ ನಡೆಸಿದ್ದಾರೆ. ಈ ವೇಳೆ ಸದಸ್ಯರಾದ ರಮೇಶ ಆಲಕೊಪ್ಪರ ಮಹಮ್ಮದ ನಾಡದಾಳ ಗುರು ತಂಗಡಗಿ ರಾಚಯ್ಯ ಹಿರೆಮಠ ಮುದಕಪ್ಪ ಚಲವಾದಿ ಆನಂದ ಅಮರಣವರ ಬಾಬು ಕಸಾಬ್ ವೀರೇಶ ದಾರಿಮನಿ ಮಲ್ಲು ತಳವಾರ ಮಲ್ಲು ನೆರಬಂಚಿ ಬಸ್ಸು ಮುರಾಳ ಶರಣಪ್ಪ ಬಂಡಿವಡ್ಡರ ಹಾಗೂ ಜಗದೇವನಗರ, ವಿನಾಯಕ ನಗರದ ಹಿರಿಯರು,ಯುವಕರು ಜಗದೇವನಗರದ ಹನುಮಾನ ದೇವಾಲಯದ ಪಕ್ಕದಲ್ಲಿ ಅಂತ್ಯಕ್ರಿಯೆ ನಡೆಸಿದರು.

ಇದನ್ನೂ ಓದಿ: ಗೂಗಲ್ ಮ್ಯಾಪ್ ನಂಬಿ ಸೇತುವೆಯಿಂದ ನದಿಗೆ ಬಿದ್ದ ಕಾರು, ಮದುವೆಗೆ ಹೊರಟಿದ್ದ ಮೂವರು ಮೃತ್ಯು