ಪಾಕಿಸ್ಥಾನ ಮಹಿಳಾ ತಂಡದ ನಾಯಕಿ ಸನಾ ಕ್ರಿಕೆಟ್‌ಗೆ ವಿದಾಯ

Team Udayavani, Apr 28, 2020, 10:15 AM IST

ಕರಾಚಿ: ಪಾಕಿಸ್ತಾನ ಕ್ರಿಕೆಟ್‌ ತಂಡದ ಮಾಜಿ ನಾಯಕಿ ಸನಾ ಮಿರ್‌ ಕ್ರಿಕೆಟ್‌ ಬದುಕಿಗೆ ವಿದಾಯ ಘೋಷಿಸಿದ್ದಾರೆ.

2009ರಿಂದ 2017ರ ತನಕ ಸನಾ ತಂಡದ ನಾಯಕಿಯಾಗಿ ಒಟ್ಟು 137 ಪಂದ್ಯಗಳಲ್ಲಿ ಮುನ್ನಡೆಸಿದ್ದರು. ಸನಾ ಒಟ್ಟಾರೆ 226 ಅಂತಾರಾಷ್ಟ್ರೀಯ ಪಂದ್ಯವನ್ನು ಪಾಕಿಸ್ತಾನ ಪರ ಆಡಿದ್ದಾರೆ.

ಆಲ್‌ರೌಂಡರ್‌ ಸನಾ ಮಿರ್‌ 2005ರಲ್ಲಿ ಕರಾಚಿಯಲ್ಲಿ ಲಂಕಾ ವಿರುದ್ಧ ಆಡುವ ಮೂಲಕ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದರು.

2019ರಲ್ಲಿ ಲಾಹೋರ್‌ನಲ್ಲಿ ಬಾಂಗ್ಲಾದೇಶ ತಂಡದ ವಿರುದ್ಧ ಕೊನೆಯ ಏಕದಿನ ಪಂದ್ಯವನ್ನಾಡಿದ್ದರು. “ಇಷ್ಟು ವರ್ಷ ಕ್ರಿಕೆಟ್‌ ಆಡಲು ಅವಕಾಶ ನೀಡಿದ ಪಾಕಿಸ್ತಾನ ಕ್ರಿಕೆಟ್‌ ಮಂಡಳಿಗೆ ಧನ್ಯವಾದಗಳನ್ನು ಸಲ್ಲಿಸುತ್ತಿದ್ದೇನೆ. ಪಾಕ್‌ ಪ್ರತಿನಿಧಿಸಲು ನನಗೆ ಸಿಕ್ಕಿದ ದೊಡ್ಡ ಗೌರವವನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ’ ಎಂದು ಸನಾ ತಿಳಿಸಿದ್ದಾರೆ