ನಗರದ ಶಾಲೆಗಳಲ್ಲಿ ಬಿಸಿಯೂಟ ತಯಾರಿಕೆಗೆ ನೀರಿಲ್ಲ!

Team Udayavani, May 30, 2019, 6:10 AM IST

ಉಡುಪಿ: ಬೇಸಗೆ ರಜೆ ಮಜವಾಗಿ ಕಳೆದ ಮಕ್ಕಳಿಗೆ ಮೇ 29ರಿಂದ ಶಾಲೆ ಪುನಾರಂಭವಾಗಿದ್ದು, ಇದೀಗ ಕುಡಿಯುವ ನೀರಿನ ಸಮಸ್ಯೆಯಿಂದ ಶಾಲೆಗಳಿಗೆ ರಜೆ ನೀಡಬೇಕಾದ ಅನಿವಾರ್ಯ ಸ್ಥಿತಿ ಬಂದೊದಗಿದೆ.

ಬಿಸಿಯೂಟಕ್ಕೆ ನೀರಿನ ಸಮಸ್ಯೆ

ನೀರಿನ ಸಮಸ್ಯೆ ಶಾಲೆಗಳನ್ನು ಬಿಟ್ಟಿಲ್ಲ. ನಗರದ ಸುತ್ತಮುತ್ತಲಿನ ಶಾಲೆಗಳ ಬಾವಿ ನೀರು ಬತ್ತಿ ಹೋಗಿದೆೆ. ಇದರಿಂದಾಗಿ ಬಿಸಿಯೂಟ ತಯಾರಿಕೆಗೆ ನೀರಿನ ಕೊರತೆ ಇದೆ. ಸ್ಥಳೀಯಾಡಳಿತ ನೀರು ನೀಡುವುದಾಗಿ ಭರವಸೆ ನೀಡಿದೆ. ಆದರೆ ಇಲ್ಲಿಯವರೆಗೆ ಶಾಲೆಗಳಿಗೆ ನೀರು ಪೂರೈಕೆಯಾಗಿಲ್ಲ.

8 ಶಾಲೆಗಳಿಂದ ನೀರಿಗಾಗಿ ಮನವಿ

ಉಡುಪಿ ನಗರಸಭೆ ವ್ಯಾಪ್ತಿಯಲ್ಲಿ ಕಡಿಯಾಳಿ ಪ್ರೌಢಶಾಲೆ, ಹಿರಿಯ ಪ್ರಾಥಮಿಕ ಶಾಲೆ, ವಳಕಾಡು, ಬೋರ್ಡ್‌ ಹೈಸ್ಕೂಲ್, ಬಾಲಕಿಯರ ಪ.ಪೂ. ಕಾಲೇಜು, ನಾರ್ತ್‌ ಶಾಲೆ ಸೇರಿದಂತೆ ಇತರೆ 8 ಅನುದಾನಿತ ಹಾಗೂ ಸರಕಾರಿ ಶಾಲೆಗಳು ನೀರಿನ ಸಮಸ್ಯೆಯಿಂದ ನರಳುತ್ತಿದೆ. ಟ್ಯಾಂಕರ್‌ ಮೂಲಕ ನೀರು ಒದಗಿಸುವಂತೆ ಕ್ಷೇತ್ರ ಶಿಕ್ಷಣಾಧಿಕಾರಿ ಅವರ ಕಚೇರಿಗೆ ಪತ್ರಗಳು ಬಂದಿವೆ.